img
الرئيسة / أطباق رئيسية / منسف بالجميد الطفيلي

منسف بالجميد الطفيلي

/
/
/
2044 مشاهدات

 

منسف بالجميد الطفيلي

منسف بالجميد الطفيلي

منسف بالجميد الطفيلي

منسف بالجميد الطفيلي , معكم صديقة زاكي الشيف الموهوبة ,Mariam Ramadan مساء الورد لاحلى جروب اليوم عملت منسف بجميد طفيلي مممممم بيشهي

المقادير

  • 2كيلو لحمة خروف قطع متوسطة
  • 1قرص جميد طفيلي
  • 2كيلو لبن نعاج
  • 1كيلو ونص ارز صن وايت
  • زيت ذرة للارز
  • 1 ملعقة صغيرة كركم للارز
  • لوز مقشر ومقلي وصنوبر للتزيين
  • بقدونس مفروم
  • بصلة
  • فلفل ابيض بودرة
  • زنجبيل
  • حب هال
  • ورق غار
  • خبز شراك مشروح

الخطوات

طريقة التحضير:

1. نغسل اللحمة جيدا وننقعها بخل التفاح عشر دقائق ثم نضعها في طنجرة على النار واضيفي لها الماء المغلي وازيلي الزفرة.

2. اضيفي لها بصلة كاملة بدون تقطيع وفلفل ابيض بودرة وزنجبيل وورق غار وحب هال.

3. انقعي الجميد بالماء قبل بيوم , في صباح اليوم التالي يكون قد ذاب,اخفقيه بالخلاط مع لبن النعاج واطبخيهم ع النار مع التحريك المستمر حتى يغلي اللبن كالماء .

4. بعد نصف ساعة من سلق اللحمة نضيف اللبن وندعها تغلي الى ان تنضج اللحمة

5. نفلفل الارز بزيت ذرة .وملعقة كركم .

6. عند التقديم نفرد الشراك المشروح في سدر التقديم ونشربه باللبن ثم نضيف الارز ونفرده بشكل مرتب ونضع قطع اللحمة فوقه ثم اللوز المقلي والبقدونس ونصفي اللبن في طنجرة او وعاء عميق للتقديم, كي يسكب كل شخص كما يريد

انا عملت منسف زغنون ع قدنا والمغرب بعمل سدر منسف للغايبين

وصحة وهنا

#منسف لحمة …. ام نضال

43 تعليقاً

  1. يسلموو اديكي يعني الجميد الطفيلي ابن عم الجميد الكركي 😂😂
    هيفا حبيبتي الجميد عباره عن حليب غنم بنخضه وبنطلع الزبده بنعملها سمن واللبن الي بضل الي هو اللبن المخيض بنغلي ولما يبرد بنحطه في شاش لما تتصفى ميته يعني المصل وبعدين بنحط عليه ملح وبنضل نعجن في ونسوي جميد
    وسلامتك

  2. الله حيها …..يسلمو ايديكي ام نضال اول شي
    انا بحب الجميد الطفيلة بصراحة بشهي بشكل….و ما بوصي الا منو كل سنه رطل و نص….رووعة و طريقتك بتجننن ….

  3. الله يحيكي شيف ام نضال❤ ويحيي الجميد الطفيلي❤ ويحي الطفلية الي انا منها وبافتخر ❤
    انبسطت بس شفت اسم الطفيلة 😍بجنب شيف بقدرك ومكانتك 😗وعاشت ايديكي يا ست الكل انتي 😗

  4. الله يحي الطفيله واهل الطفيله بس انا حكيت جد فعلا اول مره بسمع انه فيه جميد طفيلي ولاحد يفهم غلط والي بفهم غلط هو حر بيكون تفكيره غلط انا مادخلني بعقول الناس

اترك تعليقاً

لن يتم نشر عنوان بريدك الإلكتروني.