فلافل وحمص وخبز بيتي

43 5٬291
 

فلافل وحمص وخبز بيتي

فلافل وحمص وخبز بيتي

فلافل وحمص وخبز بيتي

فلافل وحمص وخبز بيتي , معكم صديقة زاكي الشيف الموهوبة ,Mariam Ramadan بما انه اليوم الخميس قلت بلا ما تطبخي ولا تنفخي اعملي فلافل وحمص واعجنيلك شوية طحين واعمليلك كم رغيف طازه ، والله ما كذبت خبر نقعت الحمص من مبارح بالليل نشيطة ومعدلة ما شاء الله عني لو طبخت احسن

المقادير والخطوات

الطريقة

نقعت كيلو حمص حب من الليل للصبح وطبعا غسلت الحمص منيح قبل النقع وحطيت معلقة كربونات الصوديوم

الصبح زليت المي عنههم وفرمت ثلثين الكمية للفلافل وخليت ثلث للحمص ..

طبعا الفلافل بفرمه على ماكنة اللحمة وبفرم معه حبتين بصل متوسطة الحجم و4 فصوص توم وحبة فلفل حلو وكم عرق بقدونس ..ما بكتر بقدونس عشان ما يسود الفلافل بالقلي

وبملحهم وبحط كمون وقرنفل مطحون وفلفل اسود وكزبرة ناشفة ..وبغلفهم وبحطهم بالثلاجة ..ولما بدي اقلي فلافل بطول الكمية اللي بدي اياها وبحط معها نص معلقة كربونة صغيرة وممسوحة وربع معلقة بيكنج باودر وبخلطهم منيح وبتركهم عشر دقايق وبعدين بقليهم

الحمص

بسلقه ع النار لحتى يستوي ع الاخر

بحطه بالخلاط الكهربائي مع عصير الليمون ورشة ملح ومعلقة لبن وبخفقهم لحتى يصيروا زي الكريمة .بحطهم بجاط وبحط عليهم طحينية وبخلطهم منيح وبدوقهم لاشوف شو ناقصهم .ممكن يحتاجو شوية ملح او ليمون او طحينة

المهم انتي بتقدري هالشي بالذواق ..

الخبز

كيلو طحين ابيض

معلقة خميرة كبيرة مذوبة بفنجان ماء دافي ومعلقة سكر

معلقة حليب جاف

فنجان صغير زيت ذرة ورشة ملح وبتخلطيهم كلهم مع بعض وبتعجنيهم بماء دافي .وبتحطي ع الوجهة زيت زيتون وبتغطيهم بنايلون وباي شي دافي

ولما يختمروا بتقطعيهم وتتركيهم يرتاحو وبعدين ترقيهم وتتركيهم يرتاحوا وبعدين تخبزيهم بالفرن على حرارة عالية

وصحة وهنا يا هوانم

#فلافل وخبز ام نضال البيتي

عرض التعليقات (43)