img
الرئيسة / أطباق رئيسية / محاشي على طريقتي

محاشي على طريقتي

/
/
/
2346 مشاهدات

محاشي على طريقتي

محاشي على طريقتي♡

محاشي على طريقتي

محاشي على طريقتي , معكم صديقة زاكي الشيف الموهوبة , نور أحمد

المقادير

  • خضار مشكلة حسب الرغبة
  • كمية من اللحم المفروم حسب الرغبة
  • رز منقوع حوالي ساعتين ومغسول منيح
  • ملح
  • فلفل اسود
  • رشة كمون
  • كمية جيدة من العصفر يعني مثلا انا بحط لكيلو رز حوالي 3 ملاعق كبار عصفر
  • زبدة او سمنة
  • زيت نباتي او زيت زيتون حسب رغبتكم
  • دبس بندورة
  • شرائح ثوم
  • نعنع يابس

الخطوات

بسم الله الرحمن الرحيم

منحفر الخضار ومنغسلها منيح ومنتركها على جنب تصفي

ومنجهز الحشوة بعد مانصفي الرز منضيف اللحمة والزبدة او السمنة مع الزيت والملح والفلفل والكمون والعصفر ومنخلطهم مع بعض والافضل ينخلطو بالايد لحتى ماتتكسر حبات الرز اذا انخلطو بملعقة معدنية

وبعدا منحشي الخضار بمقدار الثلثين بالنسبة الي بلاقي هالنسبة افضل شي لانها مابتطلع مرززة ولا رخوة (:

ومنصفهم بطنجرة طبعا الاحجام الكبيرة تحت والصغيرة فوق لانو لو كان العكس رح يضغطو عاللي تحتهم ويتشققو ونقعد نبكي عليهن هههههه

اي ومنضيف غمرهم مي وكمية دبس البندورة حسب تقلها ومنشغل عليهم نار قوية لتغلي واذا حبيتو اغلو مي لحالها على جنب وحطو فيها دبس البندورة بعدين ضيفوهم لطنجرة المحشي بس لشو كترة الجلي ههههه

وبعد ماتغلي وطو النار شوي بحيث تصير متوسطة وضيفو شرائح التوم وتركوها لتستوي وقبل ماتطفو بدقيقتين تلاتة حطو النعنع اليابس

وبس تطفو صفو مرقتها لحتى ماينفتحو الخضراوات

ودوقو ودعولي

دعولي اي

اي

اي

خلص ماتنسو هههههه

هنا والف عافية حبيباتي ♡

66 تعليقاً

  1. امين يابشورة الامورة😀
    الاخت بلا اسم مشكورة حبيبتي على ثقتك فيني 😘 وبعتذر كتير عالتأخير بالرد هلأ لفتخت وشفت سؤالك
    جربي طريقة ام عبود الله يحفظها نزلت وصفات عالعيد باسم ريحانة وفي بنات جربو وصفتها لمعمول السميد وانبسطو كتير منو
    انا مابعمل بسميد بس بطحين😁😙

  2. تسلميلي هنا حبيبتي كلك زوق😘
    الاخت باسم نقطة يارب ترجعي تشوفي تعليقي والله تدايقت كتير اني ماشفت سؤالك لهلا😟
    معمول السميد بكون في قرشة صغيرة اكتر من الطحين فحسب شو بحب الواحبالنسبة الي بحب المعمول يكون طري تماما لهيك بحب تبع الطحين😁

  3. ههههه بصراحة مابقى فهمت
    شكلا وحظة منا متخربطة
    الوصفة تبع معمول الطحين والغريبة لحبايب قلبي هي الي
    وريحانة نزلت وصفاتها الرائعة يمكن شفتيهم
    بس انا ماعملت بالسميد😘 وضحيلي اذا بدك شي بركي بقدر ساعدك😙

اترك تعليقاً

لن يتم نشر عنوان بريدك الإلكتروني.