طريقة عمل الجاج بالكريمة والفطر
طريقة عمل الجاج بالكريمة والفطر
المقادير
- ٣ صدور دجاج بقطعهم من النص
- ملح
- فلفل اسود
- ماجي كنور
- زبده
- شوية زيت زيتون
- بصلة مفرومه ناعم
- فطر مقطع شرائح
- معلقه صغيره طحين
- كاسة شاي مي مغليه
- كريمه
- حبتين بطاطا
- ملح
- فلفل اسود
- بابريكا
- معكرونه
- جبنة موزريلا
الخطوات
صدور دجاج بقطعهم من النص وبرش عليهم ملح وفلفل اسود ورشة ماجي كنور بحط بقلايه تيفال شوية زبده وشوية زيت زيتون وبخليهم يسخنو وبحط الجاج وبخليه على كل جهة حوالي ٥ دقائق. بعدين بجيب بايركس وبحط قطع الجاج وبحط شوية زبده عكل قطعه وبغلفه بالقصدير وبدخله عالفرن عالطبقة الوسط نص ساعه حتى يستوي علأخر.. بنفس القلاية اللي قليت صدور الدجاج فيها بحط نص معلقة صغيره زبده وبحط بصلة مفرومه ناعم وبقلب بعدين بحط الفطر المقطع شرائح وبقلب ويحط معلقه صغيره طحين وبحط كاسة شاي مي مغليه وماجي كنور بعدين بحط الكريمه وبحرك وبخليها حتى تصير سماكتها منيحه وبطفي الغاز.. بطلع من الفرن صدور الدجاج وبحطها بصحن وبحط الفطر والكريمه عليها…. بسلق حبتين بطاطا وبهرسها كويس وبحط ملح وفلفل اسود وبابريكا وبعملها كرات وبالقلايه بشوحهم بشويه زبده وبحطها بالصحن….. بسلق المعكرونه و بكون مقليه الفطر وحاطه عليه الكريمه وشويه ملح حتى يغلو وبدير المعكرونه وبخليهم عنار عشان المعكرونه تاخد النكهه وبحط جبنة موزريلا وبحرك وبعدين بحطهم بالصينية وبنقدمهم…وصحتين وعافيه
