طريقة البسبوسه

46 7٬117
 

طريقة البسبوسه

طريقة البسبوسه

طريقة البسبوسه

طريقة البسبوسه , معكم صديقة زاكي الشيف الموهوبة , أم محمّد

المقادير

  • 4 كاسات سميد
  • كاسة حليب سائل
  • كاسة زيت قلي
  • 4 بيض
  • 2 م ص بيكنج باودر
  • 2 م ص فانيلا
  • برش ليمون
  • جوز هند للتزين

الخطوات

مساااكم سعيد ..كيفكم يا وردات …اليوم حبيت اقدملكم طريقة سهله للبسبوسه وعالفكره انا أخذت الطريقه من زاكي ..بتمنى تعجبكم ..ويلا مع شرح الطريقه

& نخلط البيض مع الفانيلا وبرش الليمون بالخلاط الكهربائي

& بعدين بنضيفلهم كاسة الزيت وكاسة الحليب وبنرجع نخفقهم بالخلاط لحتى يصير في رغوه عالخليط

& بعد هيك ببلش اضيف السميد واحرك من تحت لفوق لحتى يخلص السميد ..وااكيد مع البيكنج باودر

& وبكون مسخنه الفرن قبل ما أضيف البسبوسه طبعا

& ووبضع خليط البسبوسه بجاط بايركس او صينية فرن وبزينها بجوز الهند قبل ما ادخلها عالفرن وبعد ما اطلعها

& واخيرا بضعها بالفرن عالنار متوسطه أنا أخذت معي تقريبا نص ساعه …وبختبر أستوائها بسكين ناشفه اذا ما طلع شي عالسكين من الخليط بتكون تمام واستوت

& وبعدين بحمرها بس بدها انتباه لتحترق عالسريع بتتحمر

بكون عندي القطر بارد بضيفه للبسبوسه من بعد تقطيعها

& طريقة القطر : تلات كاسات مي بضيفلهم تلات كاسات سكر …وعصرة ليمون ..وبخليهم يغلو لحتى يبين عندي انه القطر ثقل

وااالف صحه وعافيه

عرض التعليقات (46)