img
الرئيسة / كيكات / كيكه بالشوكولاته وبرش الليمون والبرتقال

كيكه بالشوكولاته وبرش الليمون والبرتقال

/
/
/
2070 مشاهدات

 

كيكه بالشوكولاته وبرش الليمون والبرتقال

🍊كيكه بالشوكولاته وبرش الليمون والبرتقال 🍋

كيكه بالشوكولاته وبرش الليمون والبرتقال

كيكه بالشوكولاته وبرش الليمون والبرتقال , معكم صديقة زاكي الشيف الموهوبة ,iqbalsalem

المقادير

  • 4 بيض
  • كوبين طحين
  • كوب زيت مازولا
  • كاسه سكر
  • كاسه عصير برتقال
  • 3 ملعقه كبيره كاكاو
  • ملعقه كبيره باكنج باودر
  • ملعقه صغيره فانيلا
  • معلقه كبيرة برش الليمون
  • ملعقه كبيره برش البرتقال

الخطوات

في الخلاط الكهربائي نضع البيض والسكر والزيت ونخفقهم جيدا للحصول على مزيج مائل للون الابيض ثم نضيف الفانيلا وبرش الليمون والبرتقال مع الخلط المستمر ثم نضيف الطحين بالتدريج مع الباكنج باودر حتى الانتهاء منه نسكب من المزيج مقدار كاسه ونضعها على جنب نسكب باقي الخليط في صنيه مدهونه بالطحينيه نأتي بالكأس الموضوع جانبا ونضيف إليه الكاكاو ونخلطه جيدا ثم نضيفه على الكيكه ويموج بالشوكه ندخل الصينيه في الفرن على حراره 180 حتى الاستواء

تترك حتى تبرد وتقسم وتقدم

47 تعليقاً

  1. حبيبتي renadhala الوصفات بتاخد يوم ليومين حتى تنزل وبتقدري تتواصلي مع الادمن بالصفحه الرئيسيه عنوان مسابقة ملكة المقبلات بانتظار وصفاتك حبيبتي😊

  2. يسلمو ايديكي
    في طريقه لكيكه البرتقال كثير بتشبها للشيف nawq
    الامانه اليوم عملتها لولادي طلعت بتجنن نفخت وفش ريحه زنخه نفس الطريقه هاذي
    بنصحكم تعملوها
    ع المفضله

  3. والله العظيم كنت حاسة انك وئام
    ياالله شو اشتقتلك 😭😭😭😭😭😭
    طنيبك لا تغيبي عنا والله بحبك كتير ومابتغيبي عن بالي
    طمنيني حبيبتي شو اخبارك واخبار اولادك والبيبي الجديد كيفه وان شاء الله ارتحتي من الغضيبة مرة ابوه لزوجك

    ييييي شو مشتاقة احكي معك ونرجع نجتمع متل قبل😭😭😭😭😭

  4. كيف انساكي ياغالية والله مابتغيبي عن بالي
    وكتير مشتاقة لعمر ولشقاوته وتجيبيه عندي واسافر عجزر المالديف😂😂😂
    الله يرحم هديك الايام
    إن شاء الله اتطمن عباقي الصبايا
    نشمية كمان مختفية كتير اشتقتلك😭😭😭😭

  5. حبيباتي وانا والله مشتاق كثير ررررررر
    ونغم يا عمري اكيد صايمه
    والله يا ام عبود ما بفضى من يوم ما خلفت الرابع بالمرة بفضاش
    لساتكم بتحكو ام حمزه وميسا وزهرة وسوزان ونور وبسمه ونسرين وعلووشتي ام عايش ونغم وياسمين ورشا والعنود وشهد ولين
    ياي بقينا احلى جروب
    كيفك شو اخبارك كيف عبودي ولين نظفو
    نشميه شو اخبارها
    ياي يا تحرير شو مشتقلك كوميات كوميات
    ونغم حبوشتي طنيبك هههههه

  6. لساتك بدك عمر يا اصيله خذيه جنن العمارة كلها هجو الجيران من تحت راسو مش راضي يروح ع الروضه بكرة الظهر استنيه بدي اوديلك صحن معكرونه خذي الصحن وعمر هههههه

  7. ههههههههه ابعتيه حبيب خالته اكيد راح آخد الصحن وابعت عمر لعند ام حمزة خليه يجننها 😂😂😂

    ياربي شو اشتقت لحكياتك الحلوين
    ضلك طلي علينا كتير مفتقدينك أغلب الصبايا تركونا وتركوا جرح بقلوبنا 😢😢يااارب نرجع متل زمان

    عبود ولين اليوم عيد ميلادهم صار عمرهم ثلاث سنوات

    طمنيني كيف وضعك بعد ماطلعتي لحالك وحماتك وبنتها شو اخبارهم

  8. العمر كلو حببيني الله يسعدهم
    تسلمي يا غاليه
    حماتي ضلت في دارها ونادين خطبت بتيجي عمتي عنا دايما اولها انجنت ليش دشرنا الدار هسا اتعودت عادي صار الاشي
    اخر حل انو منتهى تطلع من دارها وحماي ببني في الارض الها دار وانا اوخذ دارها يعني كل ناس في جهه ومن فترة غلطن ع عمتي وزعلنها
    ولسا المشاكل في اولها
    انا يا ام عبود ارتحت بس طلعت لابشوفهن ولا بسمع صوتهن ولا اشي
    وبتسدقي الي ٣ شهور والد وحماي لليوم ما شاف الولد

  9. ياقلبي تسلميلي
    والحمد لله ارتحتي منها ومن همها هي وبناتها
    وعقبال ما ترجع حولين حماتك حرام وتبعد عنك منتهي احسنلك
    مبارك لنادين الله يهنيها ويسعدها يااارب

    والله يحنن قلب حماكي عليكي وعلي ولاد ابنه
    هيك الدنيا المنيح بيروح تحت الرجلين

    الله يفرجها عليكي ويبعد عنك المشاكل

    ضايلة بتبيعي اواعي ولا بطلتي

  10. الله يسعدك شو اخبارك شو صار مع اختك الي هي سلفتك ارتاحت
    كيف شغل جوزك اتحسن
    ما اتوظفتي ولا قدمتي للتربيه ولا عشان صغارك وست الحبايب كيفها لساتك بتروح عندها كثير والوضع عندكم في غزه كيف
    بطلت اجيب كثير او بالاحرى بطلت افضى بالمرة انا هسا بحكي معك وبرضع في الصغير وهسا ابو العيال روح
    بتسدقي يا تحرير اني فمهت جوزي هسا زي كاني اول مرة بعرفو كل اشي اتغير
    متذكرة العنود بقت تقولكم ام علي في نفسها تلبس بلوزه قط حققت امنيتي ولبست بلوزة قط فاهمه علي شو قصدي ارتحت في داري لحالي بقو يجيو اخوت حماتي اضل في اواعي الصلاه روحي تطلع وبقو اخوتي قليل ما يجيو علي يستحو يجيو ليش قاعد مع حماتي وبنت حماي هسا بيجو عندي وبنسهر وبنتسلى
    ع سيرة الاخوه كيف اخوكي ان شاء الله اتحسنت معاملتو معكن
    الله يوفقك ويخليلك جوزك وولادك يا اصيله

  11. ياعمري شو فرحت عفرحتك الحمد لله انت بتستاهلي كل خير والله

    أما انا فصارت معي احدااااث كتير بس أغلبها بشعة
    اختي اتطلقت من جوزها وبناتها التلاتة معها الله يعينها عتربايتهم

    أما امي الحمد لله بخير بس مابروح عليها متل قبل لأنه دارهم كلها مشاكل وانا زهقانة المشاكل

    اخي الله يهديه محارب كل اهلي اخواني واخواتي الله يهديه يااارب

    وجوزي الحمد لله اليوم ترك شغله
    هههههه مافي اخبار حلوة كل اخباري بتغم القلب

    ماعلينا المهم انك بخير وأنه صرتي تلبسي وتنبسطي الله يسعدك يارب ويريح قلبك

  12. ياعمري شو فرحت عفرحتك الحمد لله انت بتستاهلي كل خير والله

    أما انا فصارت معي احدااااث كتير بس أغلبها بشعة
    اختي اتطلقت من جوزها وبناتها التلاتة معها الله يعينها عتربايتهم

    أما امي الحمد لله بخير بس مابروح عليها متل قبل لأنه دارهم كلها مشاكل وانا زهقانة المشاكل

    اخي الله يهديه محارب كل اهلي اخواني واخواتي الله يهديه يااارب

    وجوزي الحمد لله اليوم ترك شغله
    هههههه مافي اخبار حلوة كل اخباري بتغم القلب

    ماعلينا المهم انك بخير وأنه صرتي تلبسي وتنبسطي الله يسعدك يارب ويريح قلبك

  13. يا عمري ليش هيك
    فش خبر يفرح المهم انتي وجوزك مبسوطين وبعدها كلشي بهووون وولادك بخير
    مالو اخوكي عليكن يا لطيف الله يهديه
    بيني وبينك الغالي راح لا اسف ع رخيص
    انا من بعد ما اتوفى ابوي الله يرحمه ويرحم ابوكي ويجعل مثواهم الجنه كل اشي اتغير ما تتوقعي من حدا اشي
    كيف مدبرين حالكم يا تحرير فش شغل بالمرة
    ولادك كبرو اعطي دروس في البيت اعملي اشي
    فقيرة اختك الامانه قطعت قلبي يا ويلي عليها الله يعينها

  14. حبيبتي ام علي عادي ياعمري ربك كريم ومابينسي حدا وماحدا بيموت من الجوع
    الحمد لله مادام زوجي واولادي حولي مابدي اشي تاني من هالدنيا
    الله يرحم والدي ووالدك وجميع موتي المسلمين
    بتعرفي إنه هاي جملتي دائما برددها من بعد مامات الغالي لا أسف عرخيص

    حبيبتي اليوم كان أسعد أيام حياتي بحس جزء من روحي رجعتلي بدردشتي معك
    الله يديم المحبة والصداقة والأخوة بينا

اترك تعليقاً

لن يتم نشر عنوان بريدك الإلكتروني.