كوسا محشي باللبن
![كوسا محشي باللبن](https://www.zakibook.com/wp-content/uploads/2018/10/pp-1793-1024x614.jpeg)
كوسا محشي باللبن
المقادير
- 3 كيلو كوسا للحشي
- 3 كاسات ارز حبه قصيره
- نص كاسه أرز حبه طويله
- بفدونس
- حبتين بندوره حسب الرغبه
- لحمه مفرومه خشن
- حبة بصل
- معلقه كبيره ملح
- فلفل اسود الكميه حسب الرغبه
- كاري
- كركم
- معلقه صغيره زيت للطبخ
- لبن زبادي
- شنينه
- او جميد
- معلقتين نشا
- توم
- نعنع ناشف حسب الرغبه
الخطوات
بسم الله نبدأ
يسعد اوقاتكم حبيباتي المحاشي من الاكلات المحببه لغالبية الناس وفي ناس كتير بعرفهم بتمنو ياكلوا منها بس ما بعملوها بحكو انها متعبه لكن الي متعود على شغلها سبحان الله بشوفها عاديه
اول شي انقوم بغسل الكوسا كثير منيح وبشيل القمع من فوق وبنشيل بحذر الدائره الموجوده.اسفل حبة الكوسالانه منظرها ما بكون طيب لما نقدم الكوسا للاكل وبنبلش نقور حبات الكوسا وفي هذه الاثناء بنقع الارز بمي دافيه بحط رشة عصفروشويه ملح زغيره مع النقع والعصفر حسب الرغبه وبعد ما اخلص من حفر الكوسا بغسلها مره تانيه وبحضرها للحشي
وبجهز مقلايه بضع فيه الزيت والبصل المفروم.وبذبلوا وبضيفله اللحمه وبستويها نص استواء وبملحها وببهرها وبضيفها للرز بعد ما اغسله واصفيه وبضيف البهارات والبقدونس واذا بتحبي النعنع الناشف والبندوره والبندور بامكانك تحوسيها مع اللحمه او تحطيها او ما تحطيها نهائيا وبنضيف الملح وبنحركه الخلطه مزبوط وبنبلش بالحشي ال ان ننتهي من الكميه بنكون محضرين ما ساخن او شوربة دجاج او لحمه وبنصف الكوسا باطنجره وبنضيف الملح والزيت والشوربه واذ بتحبي بعض المطيبات وراعي تخففي الملح لان الشوربه بتكون مملحه واذا استخدمت الماجي مع المي استخدميه بكميات قليله وأزمنه متباعده حفاظا على الصحهوبنولع الغاز على نار عايه شوي بعد ما يغلي تكون النار متوسطه طبعا بنكون جهزنا اللبن مع النشا وخفقناه وغليناه مع التحريك المستمر حتى ما يفرط اللبن
قبل ما تنضج الكوسا بشوي بتفقد المي يلي عليها اذا في زياد بشيل منها شوي لانه وجودها باثر على سماكة اللبن وبضيف اللبن وبخليه يغلي مع الكوسا الى ان تنضج طبعا في ناس بعد ماتنضج بقلولها ثوم وبرشو النعنع الناشف على الوجه عند التقديم انا ما عملت هذه الحركه لانهم مش مرغوبين عنا بنفضلها بدون
هذه طريقتي يا رب تعجبكم يا ستات يا معدلات وربنا يحفظكم لعائلاتكم
استودعتكم لله الذي لا تضيع ودائعه