الجلوكوز المنزلي مع مدة صلاحيه تمتد لاكثر من سنة

27 8٬975
 

الجلوكوز المنزلي مع مدة صلاحيه تمتد لاكثر من سنة

الجلوكوز المنزلي مع مدة صلاحيه تمتد لاكثر من سنة

الجلوكوز المنزلي مع مدة صلاحيه تمتد لاكثر من سنة

الجلوكوز المنزلي مع مدة صلاحيه تمتد لاكثر من سنة, معكم صديقة زاكي الشيف الموهوبة ,💠أم جاسم💠

المقادير

  • 4 كوب سكر
  • كوب ونصف ماء
  • م.ك ليمون
  • نصف م.ص ملح

الخطوات

السلام عليكم ورحمة الله وبركاته

كثير وصفات بتحتاج منا جلوكوز وما بنلاقي لانه غير متوفر بكثرة الا في المولات الكبيرة فحبيت اعمله بالبيت ونجح وان شاء الله تجربوه انتوا كمان.

أولاً/ القطر

بنحط السكر والماء بطنجرة وبنبلش نذوب السكر بملعقة بننتصف الطنجرة ما نوصل للاطراف نحاول نذوب قد ما نقدر وبعدين بنحطه على نار حاميه وبنضيف الليمون والملح وبنستمر بالتحريك من الوسط وبنكون مجهزين فرشاة ومي بنمسح اطراف الطنجرة باستمرار وهاي الخطوة ضرورية عشان ما يسكر معنا القطر وينجح، بس يبلش يغلي بنوقف تحريك وبنوقف مسح تماما وبنتركه على نار متوسطة لحتى ينضج ، لازم نختبر نضوجه

ثانياً/ اختبار نضوج الجلوكوز

بنجهز صحن او كاسة فيها ماء وبعد مرور ربع ساعة على غليان القطر بناخد منه نصف ملعقة صغيرة وبنزلها بالمي اذا ذابت وتلاشت بكون غير جاهز وبنتركه يغلي كمان شوي وبنضل نختبر هيك لحتى بس ننزل القطرة بالمي تضل محافظه على قوامها وبنمسكها باصابعنا ونقدر نشكل منها كرة طرية ، هون بنطفي الغاز فورا وبنشيل الطنجرة عنه لانه دقيقة وحدة زيادة بتفرق معنا وممكن يصير بمرحلة الكرة القاسيه يعني بصير مثل الزجاج بكسر كسر. انا تأخرت عنه ثواني لونه صار ذهبي وهو لازم ما يكون له لون.

ثالثاً/ حفظ الجلوكوز

بنكون مجهزين مرتبان زجاجي لااازم اذا مش زجاج بذوب من حرارة الجلوكوز ،ومعقم اما بتسخينه بالميكروويف او بالفرن او بمسحه بقطرات خل وتنشيفه ، بننزل فيه الجلوكوز وهو سخن لانه رح يثقل شوي اذا برد واحتفظي فيه بالمطبخ بضل سنه مابصرله اي شيء.

لا تنسونا من صالح دعائكم

27 تعليقات
  1. ام اصيل :

    يسسلم ايديكي وعينيكي

  2. ام ياارا :

    يا عيني ع لمعدلااات يا عيني

  3. أم حسنين :

    ماشاءالله عليكي ام جاسم ست المعدلات😍

  4. ريحانة🌿 :

    وعليكم السلام ورحمة الله وبركاته 🌷

    الله يجزيكِ الخير ويبارك لكِ في عملك ووقتك🌷

  5. إم مصطفي 😉 :

    أللهم بارك ماشاءلله أنتي كنز لزااكي❤😍

  6. غير معروف :

    تسلم ايدك بس شو سبب تسكير القطر
    بعملو دايما بنجح بس هل فترة مش عم يزبط
    مدته عالغاز 10 دقائق
    كاستين سكر كاس ماء عصرة ليمون او رشه ملح ليمون

  7. 💖نور أحمد💖 :

    الله يباركلك ام جاسم متألقة دائما حبيبتي😘

  8. أميرة الوردK.K :

    يسلم هالايدين يارب

  9. 💠أم جاسم💠 :

    اشكركم جزيل الشكر

    اسباب تسكير القطر
    اما الليمون غير كافي ، بدك تحطي ملعقة كبيرة عكمية القطر كاستين لكاسة ، او ربع ملعقة صغيرة ملح ليمون .

    السبب الثاني وجود بقايا سكر على حواف الطنجرة بدك تمسحيها بفرشاة مبلولة قبل الغليان.

    السبب الثالث مدة طبخ غير كافيه بده عالغاز ربع ساعة تقريبا ، اذا قللتي المدة بسكر او بطلع خفيف واذا زودتيها بعقد وبصير جلوكوز.

    بنصحك تحركي السكر من وسط الطنجرة مش من الحواف كمان.

  10. qamr :

    يعطيكي العافية على مفضلة

  11. غير معروف :

    شكرآ ام جاسم عالمعلومات بتشكرك من كل قلبي
    بس بنفسي سؤال شقد عمرك اذا ماعندك مانع
    بصراحة عندك ابداع بكل وصفة ماشاءالله عنك

  12. روان القزق :

    الله يجزيكي كل الخير ،،ع المفضلة وع دفتري ان شاء الله

  13. 💖عطر :

    يسلموووووو..بس ممكن أسألك بأي وصفات يستخدم ؟

  14. ام :

    يعطيكي الف الف عافيه وربي يوفقج وينطيج الصحه لان هاي الوصفه من زمان ردته وما اعرف شلون اعمله يسلمو حبي😚واكيد ع المفضله

  15. نائلة :

    جزاكي الله خير معلمه ماشاء الله

  16. سوزان فلسطين :

    يعطيكي الف عافيه

  17. دودي :

    تسلم دياتك يارب عززززز الطلب اجت بوقتها الوصفه

  18. لين :

    ام جاسم حبيبتي الله يعطيكي العافيه ماشاء الله عنك ست بيت معدله وايديكي بلتفوا بالحرير 😍😘💞

  19. ولاء .... :

    ما شاء الله عليكي مبدعه بمعنى الكلمه الله يحفظك يا رب تسلم ايدك

  20. ام علاء ابو يحيى :

    تبارك الله ربنا يحفظك يا ام جاسم ويبا رك بعمرك وعملك عن جد انت رائعه ومعدله الله يحميك ويحفظك لاولادك ويزيدك علم ونور

  21. Bebo :

    لشو بنستعمل الجلوكوز؟
    ويعطيكي الف عافيه♡

  22. ام البنات :

    تبارك الرحمن معدله

  23. 💖عطر :

    ياريت يكون في تواصل اختي أم جاسم وردود ع أسئلتنا. .. جزاك الله خير

  24. 🍒أم محمّد🍒 :

    السلام عليكم …اخت عطر ..ام جاسم ما معها نت ترد عالسؤالك ..انا قريبتها ..
    استخدامات الجلوكوز ..لعدة انواع من الحلويات منها المن والسلوى ..وعجينة السكر ..والمارشميلو ..

  25. 💠أم جاسم💠 :

    بعتذر عالتأخر بالرد واشكرك ام محمد

    زي ماتفضلت ام محمد استخدام الجلوكوز للحلويات طبعا لانه حلو
    وبينضاف منه ملعقة للقطر العادي عشان ما يسكر، بالاضافة للمارشميلو والمن والسلوى والنوجا وعجينة السكر زي ما تفضلت.

  26. ميمي :

    ما شاء الله

  27. يسرى :

    بسير نعمل سوس

اترك رد

لن يتم نشر عنوان بريدك الإلكتروني.