السفجنيوت ملكة الحلويات الشعبية

60 6٬969
 

السفجنيوت ملكة الحلويات الشعبية

السفجنيوت ملكه الحلويات الشعبيه

السفجنيوت ملكه الحلويات الشعبيه

السفجنيوت ملكه الحلويات الشعبيه, معكم صديقة زاكي الشيف الموهوبة ,سوزان فلسطين تعتبر السفجنيوت من صنف الدونات بس بتختلف شوي رح قدم الكو طريقه سهله ومضمونه ..

المقادير

  • بيضتين  بدرجه حراره الغرفه
  • ثلاثه كوب طحين ابيض
  • ثلاثه ملاعق سكر مطحون
  • ثلاثه ملاعق زبده طريه او زيت
  • ملعقه صغيره خل
  • ملعقه صغيره فانيلا سائله
  • ملعقه كبيره باكم بودر
  • ملعقه كبيره خميره
  • رشه ملح
  • كوب حليب دافي او نصف كوب ماء دافي
  • مربى توت وسكر ناعم وشوكلاته لتزين

الخطوات

بنخلط السكر والبيض والفانيلا السائله حتى نحصل على خليط كريمي ثم نقوم بنخل الطحين ونضع عليه الخميره والباكم بودر ورشه الملح ونضيفه بالتدريج لخليط البيض ونعجن ثم نضيف الخل والزيت و كوب المي انا استخدمت المي بدل الحليب ونعجن لمده عشر دقايق او اكثر حتى نحصل على عجينه مطاطيه مش جامده ولا رخوه ثم نقوم بتغطيتها بنايلون لتختمرلمده ساعه ونص بالشتاء غير عن بالصيف ساعه وبعد ان تختمر بنقوم بفردها على طاوله العمل ونرش طحين ونفردها ونقوم بتقطيعها بقطاعه دائريه الشكل وبعدها نضعها في صينيه مرشوشه بطحين ونخليها تختمر اربعين دقيقه اضافيه مع تغطيه وجها بفوطه مطبخ ناشفه .

بنجهز الزيت يكون في مقلاه عميقه والزيت غزير ويكون درجه الحراره وسط مش حامي كثير وناخذ قطع العجين برفق من الصينيه حتى ما يتغير شكلهم ونضعهم في الزيت نحط الحبه وجها الي فوق فالزيت يعني نقلبها ما نحطها مثل ما كانت بالصينيه نكفرها بالزيت ونخليها تشقر بعدين نقلبها وبس يستوو وبنطلعهم ينشفو على ورق مطبخ حتى يمتص الزيت .

انا استخدمت كاش العصير لفتح حبات السفجنيوت من الاعلي وحشيتهن بمربى التوت ورشيت سكر ناعم للوجه ..والباقي دهنت وجهم بالشوكولاته وحبات الفارمسيل وجوز الهند وصحه وهنا ولو حبيتو وصفتي ضيفوها للمفضله فضلا وليس امرا ..

60 تعليقات
  1. 💠أم جاسم💠 :

    ما شاء الله
    رائعه ومرتبة
    صحة وهنا

  2. سوزان فلسطين :

    تسلمي ام جاسم وصحتين على قلبك❤

  3. رشا رشا :

    ما شاء الله تبارك الرحمن شو هالابداع سوزي
    يسلمو اديكي يا عسوله 😍 بشهو با ريتهم عندي مع فنجان قهوه ساده كثير طيبين 😍😘

  4. ام عمر :

    انا اكيد ضفتها للمفضلة لأني زمان حابة اعرف طريقتها بالتفصيل
    وانت كثير فصلتيها وفسرتيها
    مشكووووورة كثييير

  5. qamr :

    واااااااو روعه إبداع فنانه مبدعه أكيد رح اعملها

  6. qamr :

    أكيد عل مفضلة

  7. ام ياارا :

    يسلمووو ايديكي سوزاان روعه يعطيكي الف عاافيه ياا عسل 😘

  8. ريحانة🌿 :

    فعلا راااائعة وشهية والشكل جميل جدا .. اللهم بارك 🌹
    تسلم إيدك غاليتي سوزان 🌹

  9. نقاء :

    ما شاء الله اللهم بارك تسلم ايديك يا جميلة
    على المفضلة اكييد🍀

  10. أم عبدالله الخلايله :

    ما شاء الله سوزان.. رااائعه 👌
    تسلم ايديك… اكيد ع المفضله ورح اجربها 👍

  11. سوزان فلسطين :

    تسلمولي يا غوالي عنجد كلكم لطف وزوء الوصفه بسيطه وعيونكم الحلوه
    نقاء🌹
    ام عمر 🌹
    رشا🌹
    ام عبود 🌹
    قمر 🌹
    ام يارا 🌹

  12. أميرة فلسطينية :

    تسلم إيديكي وعينيكي.. بالزبط نفس الدونتس.. لزيزة 👍

  13. سوزان فلسطين :

    انتي الاروع يا ام عبد الله صحتين سلفا جربوها كثير طيبه وهشه جدا فوق ما بتتخيلو كالقطن انا حطيت الها صوره بعد ما فتحت الحبه من النص حتى تشوفوها بس مابعرف ليش ما طلعت مع الصور

  14. سوزان فلسطين :

    وايدكي حبيبتي اميرة فلسطينيه كيفك ياقلبي طمنيني عنك وعن حملك ان شاء الله بخير

  15. إم مصطفي 😉 :

    ونور زاكييييي بوصفاتك الحلوه حبيبتي يسلمووووو يا عسلايه ❤😍

  16. سوزان فلسطين :

    النور نورك ام مصطفى الحب😍

  17. أميرة فلسطينية :

    حبيبتي سوزان يسلم قلبك.. انا بخير الحمد لله
    بس وحامي متعبني كتيير مع اني دخلت الخامس.. 😅😊

  18. سوزان فلسطين :

    سلامتك اميره ان شاء الله تقومي بالسلامه

  19. ام علاء ابو يحيى :

    تسلم ايدك حبيبتي سوزان بشهوووو من تحت دياتك الحلوين وشكلهم بفتح النفس الله يباركلك ويعطيك العافيه😍😍

  20. سوزان فلسطين :

    تسلم عيونك ام علاء الله يحفظك يارب

  21. ام مثنى العجارمه :

    يسلموووو سوزان والله مبين عليها بتشهي

  22. سوزان فلسطين :

    تسلمي ام مثنى اه كثير بتشهي اولادي كثير حبوها نسفوهن نسف

  23. 🍒أم محمّد🍒 :

    يسلموو أديكي …زاكي 👍

  24. ام اصيل :

    يسسسلم هالايدين مبينة رووووعة😋😋😋

  25. ام قصي :

    واو سوزان مبين انها بتشهي تسل ايديك…زمان عن ابداعاتك …استمري

  26. 🍎تفاحة🍎 :

    شكلها زاكية
    بس اي بلد بتعمل هاد النوع من الحلو؟؟؟

  27. 💖نور أحمد💖 :

    أبدعتييييييي ياعسل😀😍
    بموت عليها وشكلها ولا اروع ماشاء الله😋
    تسلم ايديكي حبيبة قلبي دايماً فرفحينا بأكلاتك الطيبين😄
    الله يباركلك وهنا والف عافية لكتاكيتك😙

  28. كندا أردنيه :

    يسلم اديك

  29. ام عمر :

    يسلموا ايديكي شكلها زاكي يعطيكي العافية صحة وعافية على اولادك.

  30. لين :

    ياعيني ياعيني على الشكل واكيد الطعم لانها من تحت دياااتك حبيبتي سوزان بتشهي يعطيكي العافيه خبيلي حصتي😋😍😘

  31. ام انوار :

    مممم بتشهي الى الامام حبيبتي

  32. ام يقين :

    يسلمواااا ابدعاي 😍😍😍

  33. Ameena qadan :

    تسلم ايدك يارب اول مرة بسمع فيه
    بس شكله كتييييييييير زاكي
    روووووعة👍👍

  34. سوزان فلسطين :

    يسعدكم يارب كلكم لطف اسعدني مروركم وتعليقاتكم الحلوه متلكم 🌹🌹
    نور احمد 😍.ام يقين😍كندا اردنيه 😍امينه 😍ام انوار 😍ام قصي😍ام محمد😍ام عمر😍ام اصيل
    تفاحه تسلمي يارب هذا الحلو عالمي

  35. سوزان فلسطين :

    لين تسلم عيونك يا حلوه واحلى دونات لعيونك🍩

  36. سوزان فلسطين :

    ملاحظه صغيره بنات انا كتبت وصفتي لزاكي ثلاث مرات وماكانت توصل الوصفه ..ومكونات البيض 2.بيضتين مابعرف ليش مش موجود ضمن المكونات يمكن انا ناسيه اكتبو بس مبين في الصور

  37. زهرة فلسطين :

    الله الله ع الترتيب والشكل الحلو يسلموا دياتك الحلوة سوزي صحه وهنا ع قلبك
    حبيت وصفتك كثير ماشاءالله تبارك الله

  38. سوزان فلسطين :

    تسلم عيونك الغاليه زهره حبيبتي بنت بلادي 😘😘..طمنيني عنك ياورده اشتقنالك

  39. ام معتز العسل :

    ماشاء لله عنك سوزان حبيبتي شكلهم حلو و مرتب 🖒

  40. سوزان فلسطين :

    ام معتز 😘تسلمي عيونك الحلوه

  41. غير معروف :

    زمرده..
    يا ناسو ع الشغل المعدله يسلمو اديكي عالمي عالمي انتي واللي مايعجبه يفرجينا شغله

  42. سوزان فلسطين :

    حبيبتي زمرده 😘يسعدك صديقتي الغاليه الله لا يحرمني منك ومن طيبتك

  43. ام عبد الله :

    يسلموا اديكِ والله شكلها بشهي وسهلة فكرتها وموادها زي الدونات

  44. 😍😍 :

    نسرين
    شكله لذيذ عنجد 👍👍

  45. اردنيه😂😂 :

    يا سلاااااام منظره بجنن ورح اجربه اكيد يسلمو اديكي يا اغلى ام محمد ❤❤❤

  46. ام اس :

    مممممممم 😋😋
    يسلموو ايديكي حبيبتي ويعطيكي العافية منظرها بشهي ان شاء بدي اجربها رائعة 👍👍

  47. سوزان فلسطين :

    تسلمي ام اسماء واردنيه جربوها ما بتاخذ وقت كثير وصحه وهنا سلفا .
    نسرين وام عبد الله تسلمو على تعليقاتكم الحلوهو

  48. تولين :

    روعه يسلموا

  49. 🌷🌹heba🌹🌷 :

    تسلم الايادي…..زاكي

  50. سوزان فلسطين :

    مروركم الاروع تولين وهبه

اترك رد

لن يتم نشر عنوان بريدك الإلكتروني.