img

حلو اليويو التونسي ملكة الحلويات الشعبية

/
/
/
1370 مشاهدات

 

حلو اليويو التونسي ملكة الحلويات الشعبية

حلو اليويو التونسي ملكه الحلويات الشعبيه

حلو اليويو التونسي ملكة الحلويات الشعبية

حلو اليويو التونسي ملكة الحلويات الشعبية , معكم صديقة زاكي الشيف الموهوبة ,رشا رشا

المقادير

  • 3 كوب طحين ابيض
  • بيضتين
  • نص كوب حليب
  • نص كوب زيت او زبده
  • نص كوب سكر
  • معلقه صغيره بيكنج باودر
  • معلقتين صفار فانيلا سائل
  • مقدار القطر كل:
  • كاستين سكر
  • كاسه مي
  • عصره ليمونه

الخطوات

بسم الله نبدا

اول اشي بوعاء بنضيف السكر والحليب والبيض والفانيلا والبيكنج باودر وبنخلط جميع المكونات منيح لما يذوب السكر نهائي بنبلش نضيف الطحين تدريجياا لما الخليط يستوعب الطحين وتسير عنا عجينه متماسكه وطريه بنرق العجينه باستخدام النشا او الطحين او الزيت لكم حريه الاختيار

انا استخدمت الطحين وبرق العجينه

حسب السماكه الي حابينها وبنقطعهم دوائر كبيره وبنرجع بنقطعهم بدوائر ثانيه صغيره وهيك بتشكل عنا شكل اليويو

بنقليهم بزيت غزير تكون درجه حرارتو وسط تقريبا دقيقه لكل جهه كونو استوو
ويكتسبو اللون الذهبي بنقلبهم على الجهه الثانيه لما يستوو بنطلعهم من الزيت وبنحطهم بالقطر البارد وبنصفيهم وبنضعهم بصحن التقديم الف صحه وهنا بتمنا تجربوها وتعجبكم الف صحه مسبقاا

  • القطر كل كاستين سكر كاسه مي وعصره ليمونه بتركهم يغلو عشر دقايق

تحياتي الكم جميعاا رشا ام احمد

44 تعليقاً

  1. الله عليكي اشي فاخر عالاخر بشهيي يسلموووو ايديكي يارب … الله يفتحلك ابواب الرزق يارب ويعطيكي ليرضيكي حبيبة قلبي الغاليه 😘😊😘😘

  2. ماشاء الله عليكي ام احمد مبدعه كلعاده «««بنتظر منك طريقه الكبه بلا مكينه وياريت تكتبيها على التعليقات اذا مافيها غلبه حابه اعملها تطلع مرتبه معي وبدي تفيديني في ناس بحطو برغل احمر مع الكبه شو الفايده وشكرا طولت عليكي

  3. حبيبتي ام البنات تسلميلي وآسفه كثير على التأخير بس والله عملتها وما صحلي اصور كل الخطوات ولهيك ما نزلتها وكنت ناويه ارج اعملها واصورلك كل الخطوات
    بعتذر منك كمان مره على التأخير

    مكونات الكبه بدون مكينه 2كوب برغل ناعم منقوع ساعه ونص بمي بتغلي بتقيسي كل كاسه برغل بدها كاسه ونص مي مغلي
    2كوب طحين
    بصله مطحونه
    معلقه كبيره ملح
    معلقه كبيره كمون
    نص كوب زيت

    بعد متنقعي البرغل مع معلقه الملح بالمي المغلي لمده ساعتين بتجيبي باقي المقادير وبتعجنيهم كثييير منيح بس تحسي انو العجينه صارت متماسكه و بتتشكل معك بدها وقت بالعجن كل معجنتي البرغل اكثر بينعم اكثر وبتماسك منيح
    وبعد هيك بتبلشي تشكليهم متل مبدك عادي او صواني

    خلطه اللحمه
    لحمه مفرومه
    بصل مفرووم ناعم
    معلقه بهارات الكبه
    ملح
    كمون
    بتحوسي البصل لما يذبل شوي وبعدين بتضيفي باقي المكونات خلطه اللحمه وبتخليهم يستوو
    ويبردو شوي منشان تستعمليهم بالكبه

    الف صحه وهنا يا رب
    ان شاء الله تجربيها وتعجبك

    عفكره صديقتنا ام علاء منزله طريقه للكبه بدون مكينه اليوم بتظر ان شاء الله كمان اذا حابه تجربيها

  4. الف شكر الك والله غلبتك معي رح اجربها واردلك خبر معلش اتحمليني بحب وصفاتك والحمد لله بتزبط معي بس بنسبه للبرغل الاحمر شو وضعو مع الكبه يعني احط نص بنص والا ما اغامر ويعطيكي العافيه

  5. حبيبتي تسلميلي بتشرفني ثقتك الكبيره فيه
    الف صحه وهنا وانا والله فرحت كثير بكلامك

    انا الصراحه ولا عمري عملت الكبه مع البرغل الاحمر هالمره اعمليها عادي لا تغامري ان شاء الله تزبط معك كثير وتدعيلي يا رب 😍😘

    المرات الي بعدها جربي البرغل الاحمر

اترك تعليقاً

لن يتم نشر عنوان بريدك الإلكتروني.

Translate »