طريقة الرشوف لذيذ على طريقتي الخاصة

24 8٬901
 

طريقة الرشوف لذيذ على طريقتي الخاصة

رشوف لذيذ على طريقتي الخاصة

طريقة الرشوف لذيذ على طريقتي الخاصة

طريقة الرشوف لذيذ على طريقتي الخاصة , معكم صديقة زاكي الشيف الموهوبة ,وردة الأردن(الجبل) كيفكم يا أهل زاكي الكرام طبعا أكلة الرشوف للي ما بيعرفها هي أكلة أردنية أصيلة عبارة عن لبن مطبوخ فيه حمص حب وعدس حب عدس بني وبصل مفروم مع شوية رز وشوية برغل وفلفل حلو وحار مفروم بينطبخوا كلهم مع اللبن بدون لحمة أو جاج وبينفت خبز وبيتشرب بهالخليط الزاكي وبيتاكل لحاله وفي ناس بيحطوا عشبة معه إسمها(رقيطة) بتزيد من نكهته وزكاوته بس أنا اليوم عملته بطريقة بتجمع بينه يعني الرشوف مع المنسف وطلع عنجد كتير زاكي حبيت أنزله على زاكي لأني لاحظت انو بالتطبيق كله ما في ذكر لهالطبخة الاصيلة الحلوة خصوصا وقت البرد والشتوية

المقادير

  • لبن شنينة الكمية حسب الرغبة أنا طبخت أربعة كيلو
  • رز عادي حبة قصيرة
  • زيت
  • ملح فلفل أسود وكركم
  • فلفل حلو وفلفل حار
  • بصلتين كبار مفرومين فرم كبير خشن
  • عدس حب مسلوق
  • حمص حب كمان مسلوق
  • خبز لعمل الفتة تحت الرز
  • كزبرة أو بقدونس ومكسرات للتزيين
  • دجاج

الخطوات

نطبخ الرز بعد نقعه وغسله وتصفيته وبنحطله كركم وملح

بنفرم البصل فرم خشن والفلفل الحلو والحار

وبنسلق العدس الحب والحمص إذا كان ناشف أو بنستعمل المعلب وبنخليهم على جنب

بنشوح الجاج شوي وبنضيفله اللبن وبنبدا بتحريكه حتى يغلي بنحطله فلفل وكركم

وبنشوح البصل والفلفل وبنحطهم معه وبنحط العدس والحمص الحب وبنخليهم يغلوا مع بعض

بنفت الخبز النوع الي بتحبوه عادي شامي أو شراك وبنشربه بشوية لبن وبنزل الرز عليه وبعدين قطع الجاج والخضرا والبصل الي مع اللبن بنصفيهم وبنحطهم فوق الرز وبنزين بالكزبرة والمكسرات

وعلى فكرة بينطبخ كمان مع اللحمة بدل الجاج

وصحة وهنا

عرض التعليقات (24)