img
الرئيسة / معجنات / خبز آتشما التركي الرائع من سلسلة الوصفات التركية 3

خبز آتشما التركي الرائع من سلسلة الوصفات التركية 3

/
/
/
3780 مشاهدات

 

خبز آتشما التركي الرائع من سلسلة الوصفات التركية 3

خبز "آتشما" التركي الراااائع من سلسلة الوصفات التركية ♡3♡

خبز آتشما التركي الرائع من سلسلة الوصفات التركية 3

خبز آتشما التركي الرائع من سلسلة الوصفات التركية 3 , معكم صديقة زاكي الشيف الموهوبة , 

المقادير

  • كوبين حليب دافئ
  • كوب ماء دافئ
  • كوب زيت
  • بياض بيضتين
  • ملعقتين كبار سكر
  • ملعقتين ك خميرة فورية
  • نصف ملعقة ملح
  • حوالي 8 اكواب طحين ممكن اقل او اكتر حسب نوع الطحين
  • زبدة لينة بدرجة حرارة الغرفة

الخطوات

☆بسم الله الرحمن الرحيم☆

هاد الخبز من الانواع المشهورة بتركيا وشعبية كتير وبتنباع بعربات عالطرقات بكل مكان مع بعض الانواع التانية اللي ان شاء الله رح نزللكم ياها مع الايام♡

بالبداية منخلط الخميرة مع السكر بعدين منضيف الحليب والمي ومندوب الخميرة والسكر فيهم منيح بعدين منضيف الزيت وبياض البيض ومنخلط منيح لتمتزج المكونات وبالأخير منضيف الملح والطحين بالتدريج بحيث تتماسك معنا العجينة..

منغطيها ومنتركها ليتضاعف حجمها بعدين منقسمها لكرات متساوية تقريبا ومنحط على كل كرة مكعب زبدة بدرجة حرارة الغرفة ومنبلش نفرد الزبدة فوق العجينة بدون مانوصلها للجوانب كتييير لحتى ماتطلع

بعد مانرققها منيح ومنتأكد انو الزبدة متوزعة على سطح العجينة بعدين منلفها رول متل مو شايفين

هالخطوة رح تعطينا طبقات عجين فوق بعضها..

بعد مانلفها ونسكرها من الأطراف منمسكها من الجهتين ومنفتل ايدينا بعكس اتجاه بعض لتنفتل عنا العجينة شوي ومنحطهم بصينية الفرن ومندهنهم اما بصفار البيض مع ملعقة خل التفاح وملعقة حليب او ببياض البيض مع ملعقة خل وملعقة حليب كمان..

اللي بالجاط مصفوفين دهنتهم بالصفار واللي بالصحن الصغير بالبياض لحتى تشوفو انو بتحبو اكتر ههههه

بتمنى تكون عجبتكم وتجربوها وتدعولي..

♡Ben seni çok seviyorum♡

35 تعليقاً

  1. اها هلاء اعرفت وين وديتي بياض البيض الي ظل من الشبرك 😉😉😉😉😉
    اللهم بارك لزيز جدا وخفيف
    احلى نور صايرة تركيه حاولت اترجم هالتركي مالقيت غير
    انك بتحبينا كتيروبتحكيلنا فطور الهنا يارب
    بعرفش صح ولاغلط الي ترجمتو😓😓😓

  2. ممنووووووونة كتير لمحبتكم وكلامكم اللطيف
    عنجد سبحان مؤلف القلوب😍
    كتير فرحت انها عجبتكم وان شاء الله لما تجربوها رح تحبوها اكتر😄
    هدول ياقلبي شايفة بالله هههههههه
    صح عرفتي تترجمي اني بحبكم كتييييير😙😙
    فاطمة ام ملك تسلميلي حبيبتي انا ماجربت حط فيها تمر بس اكيد فيكي ليش لا وكمان ممكن قشقوان بتطلع طيبة كتير
    اهم شي التزمي بالخطوات متل مو واضحة معك بخصوص التشكيل😄
    غدير ماتخافي عشقي عربايات السميت ودايما لازم اكل منها عني وعنك وعن كل اعضاء زاكي😂😂
    ان شاء الله بترجعي لهون وبجتمع فيكي😄😙

  3. ام علاء يا غالية من بعدك والله ومنك بتعلم حبيبة قلبي
    دايماً غامرتيني بلطفك وكلامك الحنون😘
    الله يكرمك دنية وآخرة❤
    فاطمة حبيبتي الله يسلمك 😘
    احبكم في الله تسلميلي يا عسولة كلك زوق ولطف😘

اترك تعليقاً

لن يتم نشر عنوان بريدك الإلكتروني.