السميت التركي الرائع سلسلة الوصفات التركية 5

43 5٬258
 

السميت التركي الرائع سلسلة الوصفات التركية 5

السميت التركي الراااائع من "سلسلة الوصفات التركية" ♡5♡

السميت التركي الرائع سلسلة الوصفات التركية 5

السميت التركي الرائع سلسلة الوصفات التركية 5 , معكم صديقة زاكي الشيف الموهوبة , خبز السميت التركي يعتبر أشهر نوع خبز تركي ومعنى كلمة سميت هية العجلة أو الدولاب وسمي بهالاسم كونو بيشبه العجلة بالشكل بس اكيد مو بالطعم هههههه ومن قلبي حابة تجربو هالوصفة وتتشاركو طعمها الرائع مع أطفالكم وحبايبكم وطبعا الكم حرية الاختيار بشو تاكلوها ممكن سادة وممكن مع جبنة بيضا او دهن او قشقوان او شوكولا.. وهالخبز اللذيذ منتشر بكل شوارع تركيا والو عربات مميزة بشكلها الحلو ورح تشوفوها ضمن الصور ودائما بينباع اما سادة او مع الشوكولا او الجبنة الدهن ومني وعليي لو عندي عرباية عبالي بيعو بزيت وزعتر ههههه المهم طولت عليكم خلونا نبلش

المقادير

  • مقادير العجينة يا قمراتي:
  • كوب حليب دافئ
  • كوب ماء دافئ
  • ملعقة كبيرة سكر
  • ملعقة ونصف كبيرة خميرة
  • نصف ملعقة ملح
  • بيضة وحدة
  • ربع كوب زيت
  • 100 غرام زبدة سايحة (مدوبة)
  • ملعقتين كبار خل
  • حوالي 6 كوب طحين وممكن اكتر وممكن اقل حسب نوعية الطحين المهم نوصل لعجينة ملمومة منيح واقرب للتلزيق بس مابتلزق يعني ان شاء الله تكونو فهمتوني ههههه
  • للتغطية :
  • 4 ملاعق كبيرة دبس محلولين بنصف كوب ماء
  • كمية من السمسم ممكن تستخدمو محمص او بدون تحميص

الخطوات

☆بسم الله الرحمن الرحيم☆

بالبداية منخلط الحليب والماء والسكر والخميرة والملح مع بعض لتدوب الخميرة والسكر منيح وبعدين منضيف باقي المكونات كلهم ماعدا الطحين ومنخلطهم مع بعض ومنبلش نضيف الطحين بالتدريج ونعجن لنوصل للملمس المطلوب منعجن حوالي عشر دقايق وبعدين منغطيها ومنتركها تتخمر ليتضاعف حجمها

منحط رشة طحين ومننزل العجينة عليها ومنقسمها لكرات متساوية بعدين منشكلها حبل طويل ومنطويه نصفين ومنلف كل حبل عالتاني ومنسكرها بالاخير ومنلفها على شكل دائرة ومنقفلها

بعد ذلك أيها السادة المشاهدون من كل أنحاء الأرض هههه عفوا يا طبوشاتي الحلوين ~_~ منمسك السميتاية الكتكوتة ومنغطها بالدبس وبعدين بالسمسم وبعدين منحطهم بالصينية ومندخلهم الفرن المحمى على درجة حرارة 200 لتتحمر منيح وبعدا استمتعو بالطعم ولا وكلو لتشبعو هههه

بالهنا والعافية سلفا لكل حدا حب يجربها

لا تنسوني من دعواتكم

أحبكم في الله

عرض التعليقات (43)