الاوزي بشهي جربوه

30 7٬353
 

الاوزي بشهي جربوه

اوزي.....بشهي جربوه

الاوزي بشهي جربوه

الاوزي بشهي جربوه , معكم صديقة زاكي الشيف الموهوبة ,ام علاء ابو يحيى

المقادير

  • دجاج حسب افراد العائله
  • رز طويل الحبه حسب افراد العائله
  • جزر
  • بازيلا
  • راس بصل
  • ملح
  • فلفل اسود
  • كاري
  • رشة قرفه
  • هيل
  • ورقتين غار
  • زيت
  • خلطه لتحمير الجاج:
  • معلقتين زيت
  • اربع معالق
  • لبن رايب
  • عصير ليمون
  • سنين توم مهروسين
  • رشة كاري
  • فلفل اسود
  • عصير نص ليمونه

الخطوات

بسم الله نبدأ

يسعد كل اوقاتكم يا احلى وردات

طبعا الكل ما شاء بتفنن بالطبخ وكل وحده اميره بمطبخها وشكرا لزاكي يلي عرفنا على بعض وخلانا نتبادل الخبرات ونستفيد من بعض ونفيد الصبايا الصغار الي ما عندهم خبره بالطبخ

واليكم طريقتي في عمل الاوزي

بسم الله الرحمان الرحيم كالعاده يا وردات بنحضر كل شي اختصارا للوقت والجهد

اول شي بنظف الدجاج تنظيف كامل عدة مرات وبنفركه بالملح والليمون والخل وشويةزيت زيتون ليكيسب الريحه الزكيه والطيبه

بنسلق الدجاج بالمطيبات كالمعتاد وبننقع الارز طويل الحبه طبعا بالماء الفاتر ومعلقه صغيره عصفر ومعلقة ملح بعد ما نغسله طبعا لمدة نصف ساعه في هذه الاثناء بقشر الجزر وبقطعه مكعبات وبغسله وبحوسه بمقلاه مع الزيت وبضيفله البازيلا وبسبكهم مع بعض بضيفلهم شوية شوربه ورشة ملح وفلفل اسود وكاري وبتركهم لما ينضجو وتنشف ميتهم

هسا الدجاج استوى بصفيه وبطلعه من الشوربه وبتبله بخلطة التحمير الي هي لبن وزيت وتوم مهروس وبهارات وعصير ليمون بامكانك تحطي صلصه بس من خلال خبرتي وجدت انه وجود الصلصه في الخلطه بخلي الدجاج يسود شوي اثناء التحمير ولك حرية الاختيار لو حطيتي صلصه لاتكثري خلي اللبن هو الغالب

طبعا الفرن بكون محمى وبتبل الداج بالخلطه وبحطه بالرف الوسط والفرن مشغل من الاعلى وبتابعه حتا ما ينحرق

بغسل الرز وبصفيه كويس وبضيفله جزء من البازيلا والجزر وبخلطهم وبنفس الطنجره الي سلقت فيها الدجاج بحط فيه زيت لما يسخن بحطله البهارت وبقلبهم لما تطلع ريحتهم وبضيف الرز المخلوط بالخضار وبقلبهم مزبوط وبغمر الارز بالشوربه بخليها مرتفعه قد عقدة الاصبع وبتركه على العالي شوي وبعدين بوطي الغاز وبتركه لما ينضج وبقلبو على السدر وبضيفلو الجاج الي حمرته بالفرن وبزينه باللوز والخضار وفي ناس بحبه اللحمه المفرومه المقليه مع الزينه… وبنقدمها مع اللبن والسلطات والف صحه وهنا يا وردات وهذه طريقتي ان شاء الله تعجبكم

اطلب من الله العلي العظيم ان يحميكم اينما حللتم

استودعتكم لله الذي لاتضيع ودائعه

عرض التعليقات (30)