شاورما ايطالية بنكهه عربية سلسلة وصفات التوفير 12

54 25٬087
 

شاورما ايطالية بنكهه عربية سلسلة وصفات التوفير 12

الشاورما الايطالية بنكهه عربية سلسلة وصفات التوفير

شاورما ايطالية بنكهه عربية سلسلة وصفات التوفير 12

شاورما ايطالية بنكهه عربية سلسلة وصفات التوفير 12 , معكم صديقة زاكي الشيف الموهوبة ,أم جاسم

المقادير

  • مقادير العجين:
  • 4 كوب طحين ابيض
  • 4 م.ك حليب بودرة
  • نصف كوب زيت ذرة
  • م.ك خميرة فورية
  • م.ك ممسوحة ملح
  • 2 م.ك سكر
  • م.ك بيكينج باودر
  • كوبين الا ربع ماء دافئ
  • مقادير الشاورما:
  • دجاجة مسحبة من العظم ومقطعه شرائح طولية
  • ملح
  • فلفل
  • هيل مطحون
  • 2 م.ك لبن رايب
  • م.ك بصل بودرة
  • م.ك ثوم بودرة
  • م.ك بابريكا وم.ص شطة مجروشة
  • خل او ليمون
  • زيت زيتون
  • مقادير اضافيه:
  • جبنة موزريلا او شيدر
  • كاتشب

الخطوات

الشاورما الايطالية بنكهه عربية

السلام عليكم ورحمة الله وبركاته

تعودنا عالشاورما العربية بالنكهه الاصلية الرائعة وخبز الشراك ، بس ليش ما نغير شوي ونجرب شاورما من بلد اوربي بس بنحافظ على النكهه العربية الاصيلة ، الشاورما الايطالية شكل جميل وطعم فريد خلينا نشوف الطريقة.

أولاً/ نقع الشاورما

بالبداية بنكون مجهزين دجاجة مسحبة من العظام وبنقطعها لشرائح رفيعه طولية وبنتبلها بملح وفلفل وبودرة ثوم وبودرة بصل وبابريكا وشطة مجروشة وملعقتين لبن رائب وخل او ليمون وزيت الزيتون وهيل مطحون وهوه اللي راح يعطيها النكهه العربية وبنقلبها بالتتبيلة وبنخليها عالاقل ساعتين منقوعة.

ثانياً/ خبز الشاورما

هالمرة خبز الشاورما مش شراك خبزنا بيشبه خبز الصمون بس على شكل قرص دائري .

بنحط كل مقادير العجين الجافة وبنضيف عليها زيت ذرة وبنقلبهم وبنضيف المي بالتدريج لحتى نحصل على عجينة طرية ومتماسكة ، بنخليها تختمر جنب الصوبة .

— بعد التخمير بنقسمها قسمين وبنفرد كل قسم بسماكة 1سم لانه بدنا ياها سميكة شوي، وبندهنها حليب ورشة سمسم.

— بنشويها بفرن محمي بالرف الوسط على حرارة اعلى من الوسط لمدة عشر دقائق تقريبا وبنحمرها.

ثالثاً/ الشاورما

بنجيب الشاورما وبنقلبها بزيت زيتون على نار متوسطة

لحتى يتنشفوا ويتحمروا .

—الوصفة الاصلية انه بنقلب الدجاج المتبل مع بصل مفروم وفلفل اخضر بس انا ما ضفتهم لانه اولادي ما بحبوهم.

رابعاً/ الحشو

بنجيب رغيفين اللي خبزناهم وبنقطع كل رغيف بالنص لطبقتين .

— بناخد الطبقة اللي تحت وبنحط عليها جبنة شيدر وموزريلا وفوقها خلطة الدجاج وفوق الدجاج جبنة وممكن خطوط كاتشب حسب ذوق اولادك وعيلتك.

— بنشويه تحت الشواية بس عشان تذوب الجبنة وبنطلعها .

— بنحط الطبقة العلوية عليها.

— بنحمصهم على جريل اذا متوفر او بصينية على الغاز وبنضغط فوقها بصينية ثانية بتتحمص معك.

خامساً/ التقديم

قطعي الشاورما لمثلثات اما ارباع او اثمان على راحتك

وطبعا منظر الجبنة السايحة مع الحشوة المحمرة والخبزة المخططة حكااااية.

وصحة وهنا

عرض التعليقات (54)