img
الرئيسة / معجنات / أسرع عجينة بدون خميرة فورية سلسلة الوصفات التركية 9

أسرع عجينة بدون خميرة فورية سلسلة الوصفات التركية 9

/
/
/
4327 مشاهدات

 

أسرع عجينة بدون خميرة فورية سلسلة الوصفات التركية 9

أسرع عجينة بدون تخمير من "سلسلة الوصفات التركية" ♡9♡

أسرع عجينة بدون خميرة فورية سلسلة الوصفات التركية 9

أسرع عجينة بدون خميرة فورية سلسلة الوصفات التركية 9 , معكم صديقة زاكي الشيف الموهوبة , هي العجينة بيعتمدوها ببعض المعجنات التركية سريعة كتير لانها مابتحتاج تخمير وبتتميز بانها تقيلة ودسمة نوعاً ما يلا نبلش

المقادير

  • كوب ونص لبن
  • ثلثين كوب زيت
  • 3 باكيتات بيكينغ باودر
  • رشة ملح
  • حوالي 3 كوب طحين او حسب نوع الطحين منضيف بالتدريج لنحصل على عجينة طرية
  • للتغطية بكصمات مطحون

الخطوات

☆بسم الله الرحمن الرحيم☆

بالبداية منخلط اللبن مع الزيت والطحين والملح والبيكينغ باودر منيح وبعدين منضيف الطحين بالتدريج لنوصل للقوام المطلوب

منريحها خمس دقايق بس ومنقطعها لكرات ونحشيها جبنة مثلا

انا حبيت حط قشقوان

وبعدين منسكرها ومنكورها ومنغطها بالبكصمات ومندخلها الفرن المحمى مسبقاً لتتحمر وصحة والف هنا♡

بدي اطلب منكم طلب

بسلسلة الوصفات التركية أنا عم انقللكم الوصفات بأمانة

يعني متل مابيعملوها الأتراك

والأذواق بتختلف من شخص لشخص

لهيك أي حدا بجرب أي وصفة اذا حبها رح كون كتير فرحانة وبتمنى يدعيلي

واذا ماحبها كمان يدعيلي ههههه

انا بتمنى انكم تحبو كل شي ان شاء الله حبيباتي♡

49 تعليقاً

  1. فعلا وصفة راااائعة ومفيدة لإنها سريعة وما بتحتاج لتخمير ..
    أكيد رح نجربها وندعيلك عزيزتي🌷
    الله يجزيك الخير ويفتح عليك من بركاته ويزيدك من فضله🌷

  2. الله يجزيكي كل خير ويحقق كل الي ببالك دنيا وآخر. وصفة مميزة وجديدة بس حبيت اعرف عجينتو بتطلع مطاطية قبل الخبز من دون تخمير وبينفش بعد الخبز؟؟

  3. ربي يسلمكم ويعافيكم ويديمكم أحلى نعمة بحياتي يا أغلى أخوات انتو
    خجلتوني وغمرتوني بلطفكم وزوقكم حبيباتي❤
    ام جنى ياقلبي لا بحافظ على شكلو لهيك وقت تشكليهم شكليهم بالحجم اللي بدك ياهم فيه والافضل انو تخلي العجينة رقيقة لانها تقيلة ودسمة
    البيكنغ باودر بساعدها تكون أخف
    ووقت تشكليها بتحسيها متل اي عجينة تانية تقريبا بس طرية وملساء زيادة شوي😄
    غنى الحسن حبيبتي تشرفت بمرورك وان شاء الله بأقرب فرصة بحاول اعملك الكبة التركية
    من عيوني التنتين
    بس لجيب ماكينة كبة هههههه😄
    نسرين الحلوة مري عالصبايا كلهم وهاتيهم معك
    والله لنكيف😁😂
    رفيف حبيبتي القشقوان هو الجبن اللي منحطو عالبيتزا وبسيح😄
    ومرة تانية بتشكركم كلكم وحظة وحدة وبحبكم قد الدنيا😍

  4. قمر وعطر ودينا تسلمولي ما اروعكم حبيباتي الله يسعدكم ويكرمكم بكل شي بتحبوه😙😙
    تم عبد الرحمن بتؤمري ياقلبي من عيوني التنتين
    اذا قدرت اعمل الوصفة ونزلها خلال وقت قريب بكون منيح مشان تشوفي الخطوات واذا ما قدرت ببعتلك الطريقة كتابة وهية سهلة مابدها شي
    انتي قوليلي شو بتحبي اكتر ؟؟؟

  5. ام جاسم ياغالية كلامك شهادة بفتخر فيها 😘
    ام عبد الرحمن الزكارنة كلك زوق ياقلبي
    من عيوني التنتين ان شاء الله بعملك ياها وبتحبيها انتي كمان😘
    جزائرية حبيبتي مافي داعي للاعتذار كلنا اخوات😙
    ايمان حبيبتي ممنونة للطفك ودعواتك الحلوة
    واياكي ياوردة😘
    هدوووول يا قمرتنا المنورة تسلميلي انتلا مابتبين حبيبتي ماتاكلي هم😘
    وردة الجبل يا أميرة ربي يسعدك متل مافرحتيني بكلامك ودعواتك الحلوة
    الله لايحرمني منك ولا من باقي الصبايا😍
    ام معتز وام عمر ربي يسلمكم ويعافيكم ويخليلي ياكم يا اميرات😄

  6. الله يسعدها نوارتنا على الاشياء الزاكيه ماشاءالله عنك فناااانه ومبدعه ومتألقه دائما تبارك الرحمن الله يحميكي😘🌷💝

اترك تعليقاً

لن يتم نشر عنوان بريدك الإلكتروني.