img
الرئيسة / حلويات / ألذ تريليتشا سلسلة الوصفات التركية 14

ألذ تريليتشا سلسلة الوصفات التركية 14

/
/
/
25163 مشاهدات
 

ألذ تريليتشا سلسلة الوصفات التركية 14

ألذ تيرليتشا من "سلسلة الوصفات التركية" ♡14♡

ألذ تريليتشا سلسلة الوصفات التركية 14

ألذ تريليتشا سلسلة الوصفات التركية 14 , معكم صديقة زاكي الشيف الموهوبة , التيرليتشا وصفة تركية شعبية ومشهورة كتير وطعمها مميز عن غير أكلات ولذيذ كتيييير عدا عن انو عملها سهل بالبيت رغم سعرها العالي بالمحلات بقى شمرو ولحقوني عالمطبخ نعملها سوا يا أحلى وردات

المقادير

  • للكيكة الاسفنجية:
  • 5 بيضات
  • كوب وربع سكر
  • باكيتين فانيليا
  • ربع كوب ماء دافئ
  • باكيت بيكينغ باودر
  • ملعقة كبيرة نشا
  • كوب طحين
  • رشة ملح
  • لتسقية الكيك:
  • حوالي 800 مل حليب يعني 3 كوب وشوي
  • ملعقتين كبار سكر
  • كوب كريمة سائلة وبحال عدم توفر الكريمة السائلة مندوب باكيتين كريمة بودرة بالحليب بدون ما نخفقهم
  • كريما شانتيه مخفوقة بالحليب تكون سميكة شوي
  • لصلصة الكراميل:
  • كوب سكر
  • ثلاث ارباع الكوب ماء
  • ملعقتين زبدة
  • نصف كوب حليب مدوب فيه ملعقتين ك نشا

الخطوات

☆بسم الله الرحمن الرحيم☆

اول شي للكيكة:

منخفق بياض البيض لحالو بجاط لينفش ويصير ابيض ومتل قوام الكريما

بجاط تاني منخفق الصفار مع الفانيليا والسكر منيح وبعدا منضيف المي ومنخلطهم وبعدا مننخل المكونات الجافة ومنضيفهم عليهم ومنخفقهم سوا

هلا بقى باستخدام السباتيولا أو ملعقة خشب منضيف قسم من بياض البيض المخفوق ومنحرك من تحت لفوق بخفة لحتى مايهبط عنا ومنضيف باقي البياض ومنعمل نفس الحركة ليختفي بالمزيج ومنصب الخليط بالصينية ومندخلو الفرن المحمى مسبقاً على درجة حرارة 180 لحتى يستوي تقريبا

بياخد حوالي نص ساعة أو حسب الفرن ومنختبرو بعود خشبي وبس يستوي منطالعو ومنتركو يبرد تمااااما

منعمل خليط التسقية للكيك

منخلط الحليب مع السكر ليدوب السكر ومنضيفهم عالكريما السائلة ومنحرك كل شي مع بعض وطبعاً كلو بارد

وبعد ماتبرد الكيكة تماما منجيب عود خشب ومنغرزو بأنحاء الكيكة لحتى تتشرب منيح ومنسقيها بخليط الحليب والكريما

هلا بقى منفرد فوقها طبقة خفيفة من الكريما الشانتيه ومنحطها بالبراد لبين مانعمل صلصة الكراميل

لصلصة الكراميل منحط السكر بطنجرة جافة تماما ومنشغل تحتو الغاز لحتى يدوووب تماما منضيف كوب الماء والزبدة وطبعا رح تلاحظو السكر أول شي بجمع على بعضو فماتخافو وضلو حركوهم مع بعض ليرجع يفك ويدوب واذا بقيت شقفة صغيرة معاندتكم وضاق خلقكم بلاها شيلوها مابتأثر هههه

هلا بقى مندوب النشا بالحليب ومنضيفهم فوق خليط السكر مع الاستمراااار بالتحريك لحتى يبلش الصوص يغلي ويتماسك مع بعضو منطفي تحتو ومنخليه ليفتر منضيفو فوق الكريمة ومنعمل خطوط بالكريما وبعود خشبي منعمل خط لفوق وخط لتحت لنحصل عهالشكل

ماحدا يسألني ليش خطوطي مفشكلة

عملتن خلال 3 ثواني يمكن هههه

كان عندي ضيوف والولاد الصغار بين ايديي ماعرفت ركز ابدا هههه

المهم رجعو حطوها شوي بالبراد وبعدا بتصير جاهزة للهجوم وصحة وألف هنا

ادعولي بالبركة يا أميرات♡

2031 تعليقاً

  1. لولو

    امين يارب الله يحفظلي ياهن ويحفظلك حبابك
    امي عمرها بالاربعينات عم نق عليها تجبلنا بيبي بس رافضة مو رضيانه قال ماعاد الها بال للولاد
    الحمدلله الله يحفظلنا اهالينا يارب

  2. لولو

    ههههه قولتك بتستاهل 😈
    الله يحفظلها ياها يارب وتشوفيها عن قريب بخير وسلامة
    خير ان شاءالله لشو الدكتور
    مابوعدك بشوف اذا قدرت منحكي على كلن اذا فضيتي بعتي

  3. دكتورة يلي متابعة عندا الحمل رحت عملت مراجعة
    الحمد لله الامور تمام بس عططتني مقويات وفيتامينات
    والله شكلي رح صير متل نور من الاوزان الثقيلة 😂😂 😂

    يارب تمرق من هون وتنسا تقراء اسما هههههه

  4. لولو

    الحمدلله ام تيم الله يتمملك بالخير ويقومك بسلامة 😘😙
    نور في بعيونها غماز متل تبع السيارات بس طلع اسمها بتعليق بصير يشتغل ويطفا 😂😂😂😂بدك ياها ماتشوف التعليق😆

  5. ياعمري انتووووووو ما أحلى طلتكن😢😢
    حبيبة قلبي ام تيم ربي يسعدك على قد مافرحتيني بهالخبرية
    واخيرا رح تجيبيلنا كتكوت صغير يفرح تيومة ويفرحنا😍
    ان شاء الله الف الف الف مبروك ياعمري وربي يهون عليكي حملك ويتمملك على خير وتقوميلنا بالسلامة انتي والبيبي الجديد😘😘😘😘😘😘
    طمنيني عنك كيف صحتك ووحامك ان شاء الله تمام؟
    الله يجبر بخاطرك ويجمعك بأهلك وأخوكي بأقرب وقت⁦♥️⁩
    شو عاملة تعالي طمنيني عنك😚

  6. لولووووو العسلللل الامورة يسعدلي قلبك شو مشتاقة لحكياتك ونغاشاتك
    كيفك وكيف كتاكيتك والجو عندك😍
    طمنيني عنك ياقلبي
    بتعرفي الاشعارات مو زابطة
    مابقدر اعتمد عليها لانو بتجي متأخرة كتييير لهيك لازم فوت عالوصفة لشوف اذا باعتين شي
    بركي عند هبة متلي كمان
    الله يطمنا عليها بأقرب وقت وترجع تنورنا بالتشتوشة 😁

  7. هلأ بعد الغزل والترحيب والمباركات
    ناوليني ادنك انتي وياها لاعرف شدهن منيح😈
    انا من جماعة الاوزان الثقيلة انا😠😠
    انا بلف حالي بالفرشة انا😠😠
    حاطيني بالمقلاية وانا غايبة وتعبانة ومرضانة😭😭
    سوف انتف ريشاتكن ريشة ريشة نياهاها😈

  8. والله انا قضيت هالفترة تعب وفحوصات وتحاليل وروحات وجيات وابر طالعة وابر فايتة😁
    عملت تقريبا صيانة شاملة هههه
    بالاخير طلع معي نقص حاد بالحديد وفيتامين دال ومسببينلي اوجاع كتير وارهاق
    المهم الحمد لله انقضت هلى هيك وعم اخد الادوية اللازمة
    وكمان هالاخبار كانت كائبتني والله ومو مخليتلي نفس لشي وصرت ماحب ضل نق قدام الكل لهيك مابقى قدرت شارك زيادة
    بقى كملت معي انشغالات ونفسية تووووب الحمد لله😆

  9. لولو

    نور نورتي ياقلبي ولله اشتقتلكن كتيييير كتييير
    اي ولله صحيح النفسية عدم حسبنا الله ونعم الوكيل الله يتلطف فينا النت ضعيف جدا
    بتركيا اه كل مابكون عنا امل بزيد الحزن بقلوبنا يارب يارب مالنا غيرك يالله
    الله يحفظ المسلمين ويفرجها يارب

  10. لولو

    نور لما بدك تفشي قلبك تعالي لهون نحن وجعنا واحد قد ماحكينا مامنشفى
    اذا مابدك تحزني حدا من صبايا
    احكي هون انا بسمعك ياقلبي ومستعده طبطب على جرحي وجرحك يارب يارب
    النصر يارب الفرج يارب المظلومين يارب يارب الأبرياء حسبنا الله ونعم الوكيل عم اكتبلك دموعي على عرض خدودي تعبانه كتير نفسيتي تعبانه مالي نفس لشي عم اعصب نومي قليل حتى بنوم مابرتاح بفيق كذا مرة اكلي قليل اه تعب تعب ياترى المو مظلوم متلنا مرتاح الي مو محارب من كل الكون مرتاح

  11. لولو ونور وينكن ماعاد بينتو
    ليكون نسيتوني

    مابدكن تجو تتطمنو عالبيبي
    يلا منشان صورلكن لديارة
    بعد العيد رايحة جيبا ان شاء الله
    بس جوزي جبلي كم قطعة من عندو من المحل يعني شغلو 😍😍
    اشتقتلكم كتييييير والله
    ياريت ترجعو وطمنوني عنكم

  12. لولو

    حبيبة قلبي ام تيم
    ولله بقيت اراقب هون لعلى اشوف رد منكن
    بس ماعاد رديتو ماعاد دخلت
    وهلق خطرتلي ببالي
    طمنيني عنك ياقلبي
    الله يقومك بخير وسلامة
    وتشوفي البيبي باتم الصحة والعافية
    يارب يشتغل النبض عندك وتجي 😂😂😂

اترك تعليقاً

لن يتم نشر عنوان بريدك الإلكتروني.