img
الرئيسة / كيكات / كيكة الليل والنهار كيكة شاي يومية

كيكة الليل والنهار كيكة شاي يومية

/
/
/
3757 مشاهدات

 

كيكة الليل والنهار كيكة شاي يومية

كيكة الليل والنهار كيكة شاي يومية

كيكة الليل والنهار كيكة شاي يومية

كيكة الليل والنهار كيكة شاي يومية, معكم صديقة زاكي الشيف الموهوبة ,أم جاسم

المقادير

  • 4 بيض
  • كاسة ونص سكر
  • كاسة زيت ذرة
  • كاسة حليب سائل
  • 2 كاسة طحين منخول + 2.م.ك طحين اضافي
  • 2 م.ص فانيلا
  • 2 م.ص بيكينج باودر
  • برش ليمونة
  • م.ص خل ابيض
  • 2.م.ك كاكاو خام

الخطوات

كيكة الشاي اليومية

السلام عليكم ورحمة الله وبركاته

كثير ناس طلبوا كيكة الشاي البسيطة فحبيت البي طلبهم بس عملتها كيكة الليل والنهار لاني بحب الكيك يكون بنكهتين .

أولاً/ خليط الكيك

بنخفق البيض مع السكر والفانيلا وبرش الليمون ونقاط خل عشان زفرة البيض بنخفقهم لحتى يفتح لون البيض شوي وبنضيف الزيت وبنتابع الخفق.

— بننخل طحين مع بيكنج باودر وبنجهز كوب حليب سائل

بننزل بالطحين والحليب بالتناوب بنبدا بالطحين وبننتهي فيه.

ثانياً/ الليل والنهار

هاي خطوة اختيارية اللي مش حابب يلون خليط الكيك هيك جاهز للخبز. بس للي بحب يعملها لونين

بنقسم الخليط قسمين قسم بنضيف عليه ملعقتين كاكاو وبنخفق وقسم ملعقتين طحين اضافيات وبنخفق .

— بنصب الخليط بالقالب بنفس الوقت عشان يطلعوا متساويين.

—طبعا القالب مدهون ومرشوش طحين.

ملاحظة/

انا حطيت القالب داخل صينية لإنه قالبي خفيف ، اذا قالبك سميك مافي حاجة للصينية.

ثالثاً/ الخبز

بنخبز الكيك على حرارة 180 في الرف الوسط لمدة 35 دقيقة وبتختبريه بعود خشب اذا لسا مش مستوي بتخليه كمان خمس دقائق.

رابعا/ التقديم

قسمي الكيكة بعد ما تبرد طبعا بطلع معك 3 اشكال شي ابيض وشي بني وشي خليط من اللونين وتمتعي بأطيب كيكة شاي وصحة وهنا.

42 تعليقاً

  1. 🌹منى 🌹
    يسلم دياتك متآلقه ام جاسم
    عندي سؤال
    ممكن بالنسبه لسكر ممكن خفف كمية سكر
    عشان لحجه عندا سكر وما بتاكل محلا

  2. بارك الله فيكم جميعا

    طبعا منى خففي سكر عادي حسب ما بتحبي.

    ام هاشم 4 ملاعق حليب بودرة بس بتحتاجي كاسة سائل ممكن عصير برتقال نكهته خرافيه او ميرندا او سفن اب واذا مابدك حطي كاسة مي المهم كاسة سائل.

    ام عمر ياسمين كثير مشغولة بامتحانات اولادها وعندها صغار بتنشغل معهم. ربنا يساعدها.

  3. صباح الخير
    اه ام جنى ممكن تستغني عن الخل ما بأثر بس هوه بقضي على ريحة البيض 100%
    وما اله اي طعم ابدا .
    اذا ماعندك خل ممكن ملعقة عصير ليمون بتأدي نفس الغرض.

  4. ماشا الله منظر بشههههي يا ام جاسم الله يسلم هالايدين 😘😘 بدنا طريقة الكب كيك على طريقتك لانو ماشا الله فنانة بالكيك الله يحميكي ويجزيكي الخير

  5. صحة وهنا عليكي
    طريقة البسبوسة
    ثلاث ارباع كوب زيت ذرة
    3 بيض
    كوب طحين ابيض
    كوب سميد ناعم
    كوب جوز هند
    كوب لبن يوغرت
    م.ك فانيلا م.ك بيكينج
    3 ملاعق سكر
    قطر
    فستق حلبي للتزيين

    الخطوات
    اخفقي البيض والفانيلا والسكر والزيت جيدا وثم ضيفي كاسة السميد وبعدها كاسة الطحين مع البيكينج وبعدها اللبن واخر شي كاسة جوز الهند رح يعطيكي قوام اثقل من عجينة الكيك.

    صبيه في صينية مدهونة طحينة وعلى الفرن 180 لمدة تقريبا نص ساعة لحتى تشوفي الجوانب تحمرت بتكون استوت بتحمريها وبتسقيها قطر سخن والبسبوسة سخنة وبتغطيها لتتشرب وبس تتشرب القطر بتردي تزيديها قطر وتغطيها عشان مايضل اي مكان ناشف فيها . بتزينيها بالفستق اختياري.

    واذا بتحبي البسبوسة بالقشطة موجودة بملفي كثير ناجحة وطيبة.

    وصحة وهنا.

    ام محمد بتشرفني معرفتك حياكي الله.

اترك تعليقاً

لن يتم نشر عنوان بريدك الإلكتروني.

Translate »