img
الرئيسة / حلويات / فشار بالكراميل شكل وطعم ولا ارووع

فشار بالكراميل شكل وطعم ولا ارووع

/
/
/
1831 مشاهدات

 

فشار بالكراميل شكل وطعم ولا ارووع

الفوشار المكرمل شكل وطعم ولا ارووع

فشار بالكراميل شكل وطعم ولا ارووع

فشار بالكراميل شكل وطعم ولا ارووع , معكم صديقة زاكي الشيف الموهوبة ,

المقادير

  • ست معالق كبار فوشار
  • اربع معالق كبار زيت
  • رشه ملح
  • للكراميل:
  • كوب سكر
  • ربع كوب مي
  • ربع معلقه صغيره بيكنج باورد
  • رشه صغيره كثير من ملح الليمون

الخطوات

بسم الله نبدا اول اشي عنار هاديه بنضع الزيت بالطنجره وبنضيف الهم الفوشار ورشه الملح وبنحركحم وبنغطي الطنجره لما يستوو كل حبات الفوشار بنحضرهم متل العاده بنركهم عجنب يبردو بهالوقت بنفس الطنجره بنضع كوب السكر وربع كوب المي ورشه صغيره من ملح الليمون على نار هاديه ليتكرملو تقريبا بدهم ربع ساعه وبس يسير لونهم ذهبي بنضيف البيكنج باورد وبنحركهم على السريع وبنضيف الهم البوشار مع التحريك على الخفيف منشان نحافظ على حبات الفوشار من التكسير لما يتغلفو منيح بالكراميل

بنديرهم على صينيه مدهونه بالزيت ليبردو وبعد هيك بنفككهم من بعض وبنضعهم بصحن التقديم والف صحه وهناا يا رب بتمنا تجربوها وتعجبكم ولا تنسو تضيفوها للمفضله تحياتي الكم جميعا رشا ام احمد

38 تعليقاً

  1. ياسلاااام بشهي اجا بوقته والله اولادي الهم يومين بدهم اعمللهم ياه وانا مكسله فشجعتيني اعمله ماشاءالله عنك يارشرش حبيبتي😘😘🌹🌹

  2. ما شاء الله تبارك الرحمن الله يباركلي فيكم وبكلامكم الحلو تسلمولو حبيبات قلبي على تعليقاتكم الحلوه ودعمكم المستمر
    الله يحفظكم يا رب 😘😘❤

  3. واديكي يا قلبي تسلميلي حبيبتي ام البنات ❤
    البيكنج باودر بيعطي هشاشه للفوشار بعد خلطو مع الكراميل وما بخليه قاسي وبيلزق بالاسنان

    ان شاء الله اكون افدتك بالجواب 😅😘😘

  4. تسلمي يارب انشالله اجربوا حبيت اشكرك على وصفة التمر عملتها اليوم بس شكلتها زي حبات المعمول وحشيها بجوز الهند وعلى قالب الخشب طلعت زاكيه كتير وعجبتهم بعتذر منك بس العدد كبير وهيك كفتهم •••• بانتظار المزيد

  5. تسلمولي حبيباتي الله يسعدكم ويوفقكم يا رب
    والله مش عارفه كيف اوفيكم حقكم بعد كل هالكلام الحلو الله يباركلي فيكم 😘😘❤

    حبيبتي ام البنات الف صحه وهناا على كل يلي اكلو من تحت اديكي ويسلمو اديكي يا معدله فرحت كثير لانك عطول بتعملي وصفاتي الله لا يحرمني منك يا قلبي 😘😘

اترك تعليقاً

لن يتم نشر عنوان بريدك الإلكتروني.

Translate »