ألذ طريقة برياني لحم

17 5٬438
 

ألذ طريقة برياني لحم

ألذ أرز برياني باللحمه

ألذ طريقة برياني لحم

ألذ طريقة برياني لحم , معكم صديقة زاكي الشيف الموهوبة ,

المقادير

  • لحمه قطع بعظمها
  • بصله مفرومه
  • ثوم مهروس حسب الرغبه
  • فلفل حار او حلو
  • زر بندوره مفروم
  • لتقلاية اللحمه:
  • فلفل اسود
  • كاري
  • بهارات
  • خضار مقطعه قطع كبيره :
  • جزر
  • بصل
  • بطاطا
  • فلفل حار كامل
  • زيت قلي
  • كيلو أرز بسمتي :
  • بصله مفرومه
  • ثوم
  • فلفل حار او حلو
  • زر بندوره مفروم
  • لومي
  • معلقة صلصة بندوره
  • معلقتين لبن رايب
  • ماجي
  • بهارات الارز :
  • ملح
  • فلفل اسود
  • كاري
  • بهارات برياني او اي نوع
  • هيل مطحون
  • للتقديم :
  • لوز مقلي
  • زبيب
  • سلطه
  • ودقوس

الخطوات

يسعد مسااكم وكل أوقاتكم …اليوم راح اقدملكم طريقتي ببرياني اللحمه …وكتير زاكي ان شاء الله بعجبكم وبتجربوه …

ويلاااا مع شرح الطريقه

& اول شي بنبلش باللحمه استخدمت لحمة ريش بنغسلها مزبوط وبقليها بزيت عالنار عاليه لحتى تاخذ لون ..وبعدين بضيفلها بصله مفرومه وبقلبهم سوا ..وبضيف الثوم المفروم او المهروس ..وبضيف فلفل اسود وكاري وبهارات برياني وبقلبهم سوا لحتى يتقلو مزبوط بضيف الفلفل الحار او حلو وزر بندوره مفروم وبعد ما يتقلبو عالنار عاليه ما بوطي تحتها هالفتره عشان ما تنزل ميتها وطبعا بدون اضافة ملح عشان ما تشد …وبعدين بشيلهم وبضعهم بصينية الفرن وبضيفلها الخضار يلي مقطعه قطع كبيره يلي هي جزر وبطاطا وبصل وفلفل حار ..

وبزيدها شوية زيت وكاري وبهارات وفلفل اسود ورشة ملح بسيطه وكاسة مي ساخنه وبقصدرها وبحطها بالفرن عالنار عاليه لنص ساعه وبعدين بوطي تحتها للوسط وبتركها تستوي لحتى اجهز الارز ..ولما تستوي اللحمه بحمرها وهيك بتكون جاهزه ..

& وهلأ بنبلش بالارز ..بنكون ناقعينه من قبل بمي فاتره مش ساخنه عشان ما يتكسر معي بالطبخ ورشة ملح ..استخدمت كيلو ارز بسمتي

بنفس الطنجره يلي قليت فيها اللحمه ..بقلي بصله مفرومه وثوم مفروم او مهروس وفلفل حار مفروم وحبة فلفل حار كامله وحبة لومي بقلبهم سوا وبضيف جميع البهارات يلي للارز وبقليهم ..ويلي همو ملح فلفل اسود كاري بهارات برياني او اي نوع بهارات مو شرط ورشة هيل مطحون ومعلقتين لبن رايب ..ومعلقة صلصلة البندوره..وماجي وبعد ما يتقلو وتطلع ريحتهم بضيف البندوره المفرومه وبقلبهم سوا ..وبعد هيك بصفي الارز وبضيفه وبقلبهم وبضيفله مي لحتى ينغمر وبخليه عالنار عاليه لحتى يتشرب كل المي بوطي تحته عالاخر وبتركه يستوي عالراحته بدون تحريك …

& واخر شي بقدمه مع اللحمه والخضار …وبتزين باللوز المقلي والزبيب ..بس انا ما ضفتهم

وبقدمه مع الدقوس والسلطه

والطعم خيااااال …وصحه وعافيه

دمتم بكل الخير

عرض التعليقات (17)