اقماع السميد المقرمشه بالقشطه اروع تحلايه بالشهر الكريم

88 20٬267
 

اقماع السميد المقرمشه بالقشطه اروع تحلايه بالشهر الكريم

اقماع السميد المقرمشه بالقشطه اروع تحلايه بالشهر الكريم

اقماع السميد المقرمشه بالقشطه اروع تحلايه بالشهر الكريم

اقماع السميد المقرمشه بالقشطه اروع تحلايه بالشهر الكريم , معكم صديقة زاكي الشيف الموهوبة ,

المقادير

  • كوبين سميد ناعم
  • نص كوب طحين
  • كوب ونص قشطه جاهزه
  • معلقه صغيره بيكنج باودر
  • كوب سمسم
  • رشا ملح
  • معلقه صغيره ماء الورد او ماء الزهر
  • مقادير القشطه للحشوه:
  • كاستين حليب سائل
  • معلقه كبيره نشا
  • معلقه كبيره طحين
  • معلقه صغيره فانيلا
  • علبه قشطه
  • قطر بارد او دافي لتشريب الاقماع مقدار القطر:
  • كل كاستين سكر
  • كاسه مي
  • عصره ليمونه

الخطوات

بسم الله نبدا

بنخلط جميع مقادير القشطه على البارد وبنضعها على النار مع استمرار التحريك ليشتد الخليط ويتماسك بنطفي الغاز وبنتركها تبرد وبنغطيها بنايلون غذائي ملامس لسطح القشطه حتى ما تتكون عنا طبقه ناشفه وبس تبرد بنضيفلها علبه القشطه الجاهزه وبنحركها منيح وبنعبي القشطه بكيس الكريمه لسهوله وسرعه تعبئه الاقماع

وبعد محضرنا القشطه بنبلش نحضر عجينه الاقماع وبنضع السميد والطحين والسمسم والبيكنج باودر وبنخلطهم وبعدين بنضيف القشطه وماء الورد او ماء الزهر وبنعجنهم منيح لما تسير عنا عجينه طريه بنريحها ربع ساعه وبعد هيك بنبلش نشتغل فيها بنرقها سمك رفيعه بس مو كثير بتطلع اطيب ومقرمشه اكثر وبنقطعها شكل دوائر بالحجم الي بدنا ياه وانا هون قطعت حجمين صفير ووسط وبنشكلهم اقماع وبنلزق تسكيرتهم منيح منشان ما ينفتحو معنا خلال القلي وبس نحطهم بالزيت بنراعي انو التسكيره تبعتهم تكون لتحت هيك افضل وبنضمن انهم ما يفتحو معنا وبنقليهم بزيت غزير على حراره وسط وبنقلبهم لما يسير لونهم بني فاتح او ذهبي وبنطلعهم عطول بالقطر البارد وبنقلبهم بالقطر ليتشربو بعد هيك بنطلعهم بمصفاي ليتصفو من القطر الزايد وبنبلش نحشيهم بالقشطه الي سبق وحضرناها وتركناها تبرد وبنعبي الاقماع بالقشطه وبنزينهم بالقستق الحلبي وبنقدمهم والف صحه وهناا
طريقة القطر
قطر بارد او دافي لتشريب الاقماع مقدار القطر كل كاستين سكر كاسه مي وعصره ليمونه بنتركهن يغلو ثمن دقايق وبنشيلهم عن الغاز وبنتركهم على جنب ليبردو
وهالمره الوصفه من مقلاتي مش من فرني

بتمنى تعجبكم والف صحه وهناا يا رب

لا تنسو تضيفوها للمفضله

لا تنسوني من فضل دعواتكم الحلوه ❤

تحياتي الكم جميعا رشا ام احمد ❤❤

عرض التعليقات (88)