خروف محشي بالفرن
خروف محشي بالفرن
المقادير
- خاروف وزنه بين 11/12 كيلو
- مقادير التتبيله اللي بنا نبيت الخاروف فيها:
- حبة بندوره وسط
- نص ضمة بقدونس
- حبة بصل وسط
- 5 فصوص توم
- نص كاسة زيت زيتون
- ربع كاسة خل
- ربع كوب لبن
- ملح
- م ص.فلفل اسود
- م.ص كاري
- م ص كركم
- مغلف ماجي بودره
- م ص زنجبيل طازج او بودره
- مقادير حشوة الخاروف:
- 2 كاسة رز بسمتي
- 1 كاسة شاي زيت قلي
- 1 كاسة جزر
- 1 كاسه بازيلاء
- 1 كاسه لوز
- 1 كاسة صنوبر
- م ص بودرة ثوم
- م ص بصل بودره
- م ص كاري
- م ص فلفل اسود
- مغلف ماجي بودره
- ملح حسب الذوق
الخطوات
حبيبات قلبي كان طعم الخاروف خرااافي بس كان ناقصه حضوركم هلا لنبلش بعد غسل الخاروف وتنضيفه مليح وتنشيفه حمام الهنا يارب ههههههه بتبلش بالتتبيلك كل مكوناتها اللي ذكرتها عالخلاط بعد ضربهم بالخلاط بنبدا بدهنه بالايد مو بالفرشاة كامل من جوا وبرا ما تتركي زاويه مخفيه الا وتشربيها بالتتبيله ولفيه بقصدير وجهزيله مكان للباشا بالتلاجه لانه مبيت من قبل بيوم هلا بنيجي للحشوه بحمي الزيت بطنجره عالنار وبنزل بالبهارات بعدين بنزل الجزر والبازيلاء ليدبلو مليح بنزل الرز وبقلبه مع الجزر والبازيلاء والبهارات وبنزل بالمي عالرز بس لازم يكون نص سوا وبقلي اللوز والصنوبر وبقلبهم مع بعض بعد ما طفي عالرز وبتركهم ليبردو بعدين بحشي فيهم الخاروف وبسكر الخاروف باعواد اسنان وبغلفه باحكام بالقصدير وبعدين عصينية الفرن بس بدك تنتبهبدي للمي بالصينيه كل ما تنشف زيديها بده بالفرن من خمس لسبع ساعات
بس بستاهل تعبه وعملت جنبه اوزي وسلطات وصحتين والف هنا تفضلو صبايا
