img
الرئيسة / كيكات / كيكة الباربي

كيكة الباربي

/
/
/
1996 مشاهدات

كيكة الباربي

كيكة الباربي😉👸💋

كيكة الباربي

كيكة الباربي , معكم صديقة زاكي الشيف الموهوبة ,

المقادير

  • تلات بيضات
  • كاسين سكر
  • نص كاسة زيت
  • ظرف فانيلا
  • ظرفين بيكنج باودر
  • كاسة ونص حليب او عصير حسب المتوفر
  • تلات كاسات طحين وازا بدكن ياها بكاكاو شيلو من طحين معلقتين كبار وضيفي بدالن كاكاو
  • تلات نقط خل تفا ح او خل عادي بس تلات نقط مو اكتر
  • وللتزيين كريمة شانتي طبعا ماعندي ملون فجبت فريز برشتو واخدت عصيرو صفيتو وحطيت العصير بدال مقدار الحليب الي مذكور بعلبة الكريمة ومعلقتين زبدة مدوبا للكريمة والي عندا ملون الله يريحا تحط نقط
  • وطبعا باربي

الخطوات

بماانو البنوتات كلن بحبو الباربيات حبيت افاجئ بنوتي واعملا كيكة باربي

يلا ياحلوات نبلش

بسم الله الرحمن الرحيم

اول شي منخفق البيض مع السكر والزيت شوي منضيف الفانيلا ومنخفقن وبعدين منضيف الحليب او العصير وبعدين الطحين والبكنج باودر اخر شي ومامنخفق مجرد تقليب واخر شي منضيف نقط الخل وعالقالب لازم يكون حجمو صغير بس يكون طولو مناسب وعالفرن

بهالوقت منجهز الكريمة منحط عليها عصير الفريز والزبدة ومنخفقا لتتماسك وعالبراد لتبرد

منجيب الكاتو لازم يكون بارررررررد منقطعو ومنحشيه كريمة وفواكه او مكسرات او شوكلا للننهي كل الطبقات اخر طبقة ما مندهنا منجيب الباربي منغلف اجريها بالنايلو ومنحفر قالب كاتو من فوق شوي وندخل اجرين الباربي ومنبلش نزين ع كيفنا ومشان يطلع كاتو متل فستانا لازم بالسكين نحفو ونحن نازلين ليعطينا شكل الحلو انا كملت تزيين بالمرشميلو قصيتو بالمايل عطاني هالشكل والف هنا ربي

انشالله تكون عجبتكن عسولاتي الحلوين والي حابة انزلا كمان من صور قوالب كيك انا عاملتن تكتبلي

57 تعليقاً

  1. هبوشة تسلميلي روحي العمر كلو انشالله الله يخليلك هنن ويحميلك ياهن ويديمك فوق راسن ربي انا عمري ٢٢ سنة وعندي تلات ولاد😄😄😚😚😚

  2. ياعمري الله يحفظك ويخليكي ويخليلك أولادك يارب والعمر كلو أن شاء الله… بس شكلك مجوزة بدري إذا أنا عندي ٣ والي ٧ سنين متجاوزة 😜😜😜 وأصغر ولد عمرو ٤ شهور يعني بعدني جديد خلفت 😛😛😛

  3. هبوشة الله يسلمك ياألبي اي والله متجوزة بعمر١٤ 😊اصغر ولد عمرو ٣ و١٠ شهور😆الله يخلي ولادك واحبابك😙😙

  4. ياعمري والله صغيرة كتيييييير… حبيبتي الله يسعدك ويسلمك من كل شر ويخليلك أولادك يارب 😘😘😘😘 انا اتجوزت ع ١٧ وبحكي عن حالي اتجوزت وانا صغيرة 😛😛😛 الله يخليكي تاج فوق روس أولادك يارب

    • الله يسلمك ياقلبي اي والله صغيرة بس بتعرفي القسمة وقت بتجي الكل بيسكت😄😄تسلميلي روحي ويخليلك حبايب قلبك😗😗😗

  5. هبوشة الله يسلمك ألبي اي والله شايفة القسمة وقت بتجي مابتعرف لاصغير ولاكبير تسلميلي ويخليكي دايمة فوق راس عيلتك😗😗😗😗

اترك تعليقاً

لن يتم نشر عنوان بريدك الإلكتروني.