img
الرئيسة / أطباق رئيسية / طريقة مندي بالفرن والطعم روعه

طريقة مندي بالفرن والطعم روعه

/
/
/
2399 مشاهدات

 

طريقة مندي بالفرن والطعم روعه

طريقة مندي بالفرن والطعم روووعه

طريقة مندي بالفرن والطعم روووعه

طريقة مندي بالفرن والطعم روووعه , معكم صديقة زاكي الشيف الموهوبة ,

المقادير

  • دجاج
  • كيلو أرز بسمتي
  • بصله مفرومه
  • قرفه عيدان
  • ورق غار
  • لتتبيلة الدجاج :
  • معلقه صغيره من كل نوع
  • كاري
  • بودرة ماجي
  • بابريكا
  • هيل مطحون
  • قرفه مطحون
  • ملح
  • فلفل اسود
  • ثوم بودره
  • كركم

الخطوات

مساااء الخير …اليوم معنا وصفة المندي بالفرن وبصرراااحه الطعم روووعه ومختلف عن المعتاد بتمنى تجربوها وتعجبكم …

ويلاا مع شرح الطريقه …

& اول شي بنتبل الدجاج بجميع البهارات يلي ذكرتها بالمقادير واقل شي بنتركه ساعه بالتتبيله او اكتر حسب وقتكم …تتبيلة الدجاج ما فيها أي سوائل وبصرااحه طعمه رووعه ومختلف عن الخلطات التانيه

& بقلي بصله مفرومه مع ورق غار وعيدان القرفه

(وهيل حب صحيح ،،وقرنفل صحيح ..كم حبه يعني خمس حبات من كل شي بس انا ما استخدمتهم بالوصفه ما كان في عندي )

بعد ما اقليهم بضعهم بصينية الفرن يلي بدي احط فيها الارز..وبعد هيك بصفي الارز البسمتي المنقوع من قبل وبحطه بالصينيه وبملح الارز وبغمره بمي ساخنه وبقصدره وبثقب سطح القصدير كله ..

وبعدين بحط الدجاج عالقصدير المثقب وبغطيه بالقصدير

وبدخله عالفرن محمى من قبل عالنار عاليه لعشر دقايق ومن ثم بوطيه للوسط حطيته عالشبك الفرن عالاول درجه لمدة 35 دقيقه بالزبط ..

بعدين بطلع الارز من الفرن لانه بكون استوى ..بذوب معلقة كركم بشوية مي بسيطه وبحطهم عالارز عالشكل زاائد + وبغطيه بالقصدير لحين وقت التقديم

وبرجع الدجاج عالفرن وبغطيه بالقصدير يكمل سواه وبعد ما يستوي اذا كان بحاجة تحمير بحمره

وبعد ما يستوي الدجاج ..بضعه فوق الارز وبولع فحمه وبضعها اما بقشرة بصله او قصدير وبطفيها بزيت وبغطيه عالسريع وبعد دقائق بشيل الفحمه ..وبحرك الارز عشان يختلط معاه الكركم يلي حطيناه …وبقدمه مع الدجاج

والتزين حسب الرغبه باللوز المقلي ممكن ..او شرائح الليمون ورشة بقدونس

ويقدم مع الدقوس والسلطه

وصحه وعااافيه

ودمتم بكل خير

36 تعليقاً

  1. ما شاء الله تبارك الرحمن
    شو ما اوصف مابوفي حقك ام محمد
    كثير زاكية هالطبخة من تحت ايدك
    ومرتبة وطعم مختلف
    وقبل ما أقرأ الوصفة حطيتها بالمفضلة
    صحة وهنا ويعطيكي العافيه

  2. ربنااا يبارك فيكم جميعااا ومشكورين من كل قلبي عالتعليقاتكم الرائعه ..وبسعدني وصفتي تكون بالمفضله عندكم ..ان شاء الله بتجربوها وبتعجبكم 💐

    تسلمي ام جاسم صحه وعافيه 😄

    جوري تكرمي ان شاء الله اذا صحلي وعملتها راح انزلها

  3. ياااااا سلاام شو هالاابداع ام محمد
    بصراحه عمري ما طبخت المندي بطريقتك… بس حبيت طريقتك اكتر… ورح جربها اااكيد
    وع المفضله فورا💙

  4. يسعد مساكي ام رتوله ..الدجاج بده تقريبا ساعه
    من بعد ما تطلعي الارز بعد 35 دقيقه بترجعي الدجاج يكمل سواه كمان نص ساعه وبتغطيه بقصدير ..وبعد ما تطلعيه شوفيه اذا لسى بده كمان رجعيه لحتى يكمل سواه ..ولا تنسي انه النار اقل من الوسط لا تعلي عليه النار
    ان شاء الله بتجربيه وبعجبك

اترك تعليقاً

لن يتم نشر عنوان بريدك الإلكتروني.