ورق صابون للرحلات والمدارس
ورق صابون للرحلات والمدارس
المقادير
- ورق مكتبي أبيض
- صابون سائل
- ماء
الخطوات
ورق الصابون
السلام عليكم ورحمة الله وبركاته
ياما طلعنا طلعات او رحلات واحتجنا صابون نغسل ايدينا ومالقينا ، او اولادنا بالمدارس خلص الهايجين معهم واحتاجوا يغسلوا اديهم ، عشان هيك لقيت هالوصفة الخفيفة واللطيفة وعجبتني كثير خلينا نشوف الطريقة
أولاً/ التصبين والتنشيف
بنجيب ورق ابيض عادي وبندهنه ماء عالوجهين وبعدين بندهنه صابون سائل عالوجهين برضه كمية قليلة يعني اربع ضغطات عكل جهه وبنتركها تنشف ساعتين وبنكرر عملية الدهن وبنتركها تنشف تماما لثاني يوم.
ثانياً/ القص
بس ينشف بنقص الورق بالحجم اللي بدك ياه ولا تنسي تجربيه روعة. انا جربتلكم ياه بالصور على ايدين طفل.
ثالثاً/ الاستخدام
ورقات خفاف لطاف بتحطيهم بأي علبة او كيس او بجزدانك وبتحمليهم معك عالرحلات والطلعات او بتعطي اولادك منهم عالمدرسة او الرحلة كثير بتفيد وبتنقذ .
—بتمنى اكون افدت ولو جزء بسيط من الستات ولا تنسونا بدعوة.
