اسهل واطيب حلى الكريمه والبسكوت
اسهل واطيب حلى الكريمه والبسكوت
المقادير
- ظرف كريمة حليب
- ظرف كريمة شوكلا
- علبتين بسكوت حليب وشوكلا
- معلقتين كبار شوكلا نوتيلا
- تلات معالق كبار جوز هند
- كاسة ونص حليب بارددددد
- كاسة حليب سخن مدوب فيو معلقة كبيرة قهوة
- للزينة:
- كاكاو
- جوز هند
الخطوات
بماأنو الصيف عالابواب بدنا حلو يكون سهل وبارد بنفس الوقت حبيت اقدملكن هالطبق الي مابينقال عنو الا غررررررراااام يلا نبلش
بسم الله الرحمن الرحيم
اول شي خفقت الكريمة الحليب ب تلات ارباع كاسة حليب بارد وحطتيلا جوز الهند وحطتيا بالفريزة
خفقت الكريمة شوكلا ببقية الحليب الي هو تلات ارباع كاسة وحطتيلو الشوكلا النوتيلا وحطتيا بالفرزة
جبت القالب غلفتو بنايلو وصرت لت البسكويت بالحليب المدوب بقلبو قهوة بعدين حطها بالقالب اول شي حطيت طبقة بسكوت شوكلا وبعدين طبقة بسكوت حليب وحطيت عداير القالب بسكوت حليب وشوكلا بعكس بعض
بعدين طبقت كريمة شوكلا وبعدين بسكوت طبقتين حليب وشوكلا وبعدين طبقت كريمة حليب هيك لخلصت الطبقات عملت اربع طبقات تنتين حليب وتنتين شوكلا وحطيتو بالفريزة ساعة ونص بعد ماجمد شوي طالعتو وفكيت النايلو ورشيت وجهو كاكاو وزينتو بجوز الهند هالحلا سهل وبنفس الوقت طعمة ولا اطيب انشالله يكون عجبكن لاتنسوني من دعائكم حبوباتي الغاليات
وان شالله الف الف الف صحة وعوافية على قلوبكن
