كواج باللحمة المفرومة والبانجان على طريقتي
كواج باللحمة المفرومة والبانجان على طريقتي
المقادير
- تلات حبات بانجان كبار
- نص كيلو لحمة مفرومة
- تلات بصلات وسط
- تلات قرون فليفلة خضرا
- كم حبة بندورة
- معلقتين كبار دبس فليفلة
- معلقتين كبار دبس بندورة
- ملح وفلفل اسود
الخطوات
كيفكن غالياتي جبتلكن اطيب والذ طبق وممكن يكون طبق جانبي لعزايم رمضان انشالله تجربو ويعجبكن
بسم الله الرحمن الرحيم
قشرت البانجان نص نص وقسمتو دوائر ورح بلش اقليه نص قلية
بهالوقت رح اعمل الصلصة فرمت البصل والفليفلة ناعم وقليتن بزيت نزلت عليهن بالبندورة وتركتن يغلو شوي ضفتلن كاسة مي وحطيت الدبس بندورة ومعلقة كبيرة دبس فليفلة وملح وفلفل وغطيتا تستوي شوي
جبت اللحمة حطيتلا ملح وفلفل ومعلقة دبس فليفلة وازا بتحبو حطو بقدونس مفروم شكلتا قراص صغار ع قد قياس البانجان جبت طنجرة صغيرة حوافا عالية حطيت طبقت صلصلة وصرت طبق البانجان بعدو قرص لحمة هيك لخلصت كل البانجان واللحمة حطيت بقية الصلصة وعفتا عالغاز لوقت تعقدو واستوت اللحمةتقريبن نص ساعة وقلبتا بصحن التقديم وقدمت جنبا رز عنجد طعمتا كتيررر لذيذة
وان شالله الف صحةوالف هنا
بتمنى من كل قلبي تجربوا وتعجبكن ولاتنسوني من صالح دعائكم
دمتم بحفظ الرحمن
