تحيه.. لاول وحده صنعت المقلوبه

المقادير

• كلنا بنعرف المقادير السحريه

الخطوات

الك ياللي إخترعتي المقلوبه …

روحي الهي يرحمك و يتجاوز عنك …

كيف خطر ع بالك هيك ..

انت عارفه شو يعني زهره و بيتنجان و ذايبين مع الجاج واللي كلهم صاروا مطعمين ع الرز !!

إنت عارفه كمية السعادة .. الموجوده داخل كل لقمه ..

أي ستيك .. و أي سوشي … و اي بيتزا ..  انسولي. ياهن كلهن وركزو ع المقلوبه

طريقة التقديم … لحالها حكايه …

بتوديك ل جنوب افريقيا و بتحس حالك عامل منجم بستخرج الألماس …

والا قاع الطنجره الذايب المنصهر الي كل العيله بتتقاتل مين يسبق ياكل منه الي مش عارفه اوصفه الي قلبك بدق 3 دقات بس تاكله يا سلام

بعدين … حطيت جنبها سلطه بتزبط .. حطيت لبن احسن ..

بدك تخلط خيار باللبن .. كمان بمشي الحال ..

ما بدك تحط اشي .. لحالها مغمسه

ولأ .. كمان بتعطيك سندويشة مقالي تسليكه لتجهز الطبخه

يعني بالبلدي .. كاملة مكمله الطبخه .. وماننسى مقلوبة الفول مممم موسمها حاليا

وقلبك بصير يرقص

سميت المقلوبه بهالاسم لأنها بتقلب كل مشاعرك البائسة للأحسن

هههه الله يقلب ايامكم كلها لسعاده وهنا وراحة بال