فطائر القطنيه التركية استعدادات رمضانية

135 10٬809
 

فطائر القطنيه التركية استعدادات رمضانية

فطائر القطن التركية استعدادات رمضانية

فطائر القطنيه التركية استعدادات رمضانية

فطائر القطنيه التركية استعدادات رمضانية , معكم صديقة زاكي الشيف الموهوبة ,

المقادير

  • كيلو طحين او 6 كاسات منخول
  • م.ك ملح
  • 2 م.ك سكر
  • 1م.ك خميرة
  • كوب ونصف حليب سائل دافئ
  • كوب ماء دافئ
  • نصف كاسة شاي زيت ذرة
  • مقادير خليط الوجه السائل:
  • كوب لبن رايب
  • نصف كوب شاي زيت ذرة
  • 2 بيض

الخطوات

السلام عليكم ورحمة الله وبركاته

اول شي وقبل الوصفة بحب اعتذر منكم على الغياب وبحب اشكر كل حد سأل عني وفقدني ربنا يحفظكم ويبارك فيكم ، بس كان عندي ظرف طارئ ابني مرض واهتميت فيه وكان ماخد كل وقتي، ربي يشفيه ويشفي جميع ابناءكم واحبابكم.

بس اليوم رجعتلكم بوصفة من اروع وصفات المعجنات يلي جربتها في حياتي ، كثييير عملت معجنات وفطائر اشكال الوان انواع وحشوات بس هالنوع من المعجنات لا قبله ولا بعده فعلا شو ماحكيت مارح اوصف لازم لازم تجربوه عشان تعرفوا خلينا نشوف الطريقة

أولاً/ العجينة

بنضيف السوائل مع بعض المي والحليب والزيت وبعدين الطحين دفعه وحدة ومعه السكر والخميرة والملح وبنعجن منيح بدها باليد عشر دقائق عجن ، وبالعجانة 5—6 دقائق — قوام العجينة دبق وبيلزق باليد شوي حتى مابتقدري تعمليها كرة عشان التخمير فبتتركيها زي ماهيه وبتغطيها وبتخمريها لحتى يتضاعف حجمها.

ثانياً/ التشكيل

بعد تخمير العجينة بنهبّطها باليد وما بنعجنها وبنقطعها 20 قطعه .

—بنفتح القطعه باليد مابدها شوبك (نشابة) وبنحشيها ، بالعادة حشوتها جبنة بس انا حشيت جبنة مع بقدونس وحشيت لحمة مقليه مع بصل وبهارات، وبنسكر العجينة عالحشوة وبترجع كرة بنصفها بصينية مدهونة زيت على مسافات متباعدة.

—بنغمس اصابعنا في زيت ذرة وبنضغط عدة ضغطات على وجه الكرات لحتى تفرد شوي وبنتركها مغطاه تختمر كمان مرة.

ثالثاً/ خليط الوجه مهم جدا وهوه سر القوام القطني

—بنعمل خلطة مكونة من كوب لبن رايب وبيضتين ونصف كوب زيت ذرة وبنخلطهم بشكل ممتاز ممكن تضربيه عالخلاط عشان تضمني انهم اندمجوا منيح.

—بنصب الخلطة العجيبة على وجه الفطائر يعني كمية منيحة هاد العيار بالضبط لكمية العجين الموجودة تزيد وتنقص حسب كمية العجين.

—رح تتغرق العجينة بالخلطة هاد الصح .

رابعاً/الخبز

بنكون مسخنين الفرن على اعلى حرارة وبندخل الصواني للفرن وبنزل الحرارة ل 180 يعني متوسط لمدة ثلث ساعة في الرف الأول رح تتحمر لحالها وإذا حبيتي تزيدي تحميرها حمريها عالشواية بس عينك عليها بسرعة بتاخد لون بسبب الخلطة.

—طبعا رح تكون شاربه كل الخلطة وبكون منها اثار بسيطة بالفراغات اللي بين الفطائر.

—بعد الخبز بتغطيها بفوطة مطبخ فورا ، مش ببلاستيك .

ربع ساعة وافتحي عليها.

خامساً/النتيجة والتقديم

لما تفتحي الفوطة عنها بس جربي اضغطي بايدك عليها وشوفي ملمس القطن الاكثر من رائع يعني عنجد مش قادرة اوصف الا لازم الواحد يجرب عشان يعرف ، قوام هش جدا وقطني وطيب جدا.

ملاااحظة/

البيض اللي بخلطة الوجه ما اله اي طعم او ريحة ابدا ابدا ، حتى انا لما اجيت اجربها ترددت شوي وفكرت اضيف قطرات خل خوفا من ريحة البيض رديت قلت لا والله غير اعملها عالاصول واشوف كيف وفعلا طلع ابدا ما اله اي اثر او طعم او ريحة.

—قدميها سخنة لاهلك وحبايبك مع كاسة شاي وصحة وهنا.

ملاحظة/

ما قدرت اكتب الخطوات مع الصور لإنهم بياخدوا شوية وقت وماكان متوفر عندي الوقت . عذراً

عرض التعليقات (135)