اطيب طريقة عمل المامونية الحلبية عالأصول

38 18٬268
 

اطيب طريقة عمل المامونية الحلبية عالأصول

اطيب مامونية حلبية عالأصول👌

اطيب طريقة عمل المامونية الحلبية عالأصول

اطيب طريقة عمل المامونية الحلبية عالأصول , معكم صديقة زاكي الشيف الموهوبة ,

المقادير

  • كاسة سميد
  • كاسة ونص سكر
  • اربع كاسات ماء
  • معلقة صغيرة فانيلا
  • معلقتين كبار سمنة

الخطوات

اليوم يوم العطلة وبماأنو نحنا بغربة ما لازم نحرم حالنا شي عنا بحلب يوم العطلة عالفطور لازم يكون موجود يا فول وحمص وفلافل يا أما مامونية جنبا شعيبيات وجبنة وياويل قلبي

وهي طريقتي للمامونية طيبة ولذيذة كتيرررررر يلا نبلش

بسم الله الرحمن الرحيم

لعمل القطر حطيت السكر والمي بطنجرة وتركتن يغلو

جبت السمنة ودوبتا وحطيت السميد وحمصتو لياخد لون اشقر وقت اخد لون حلو يكون دهبي نزلت علي القطر وحطيت نصمعلقة صغيرة فانيلا وتركتن يغلو عشر دقايق مو اكتر ها الله يرضا عليكن ههههه بعدين بتسمك كتيررر بعد عشر دقايق طفيت تحتا وغطيتا وتركتا كم دقيقة سكبتا وقدمتا بهالشكل وحطيت عالوجه قرفة اهم شي وحطيت جبنة مشلشلة بعد ماغسلتا منيح من الملح وجنبا جبنة مكعبات هي طريقتي سهلة وطعمتا بتاخد العقل بتمنى من كل قلبي تجربوا ولاتنسوني من دعائكم الحلو متلكن

وان شاءالله الف صحة وعوااااااافي

بحبككم كتيرررر

 

عرض التعليقات (38)