اروع طريقة عمل معمول الطحين ملكه رمضان

94 9٬580
 

اروع طريقة عمل معمول الطحين ملكه رمضان

 اروع معمول طحين ملكه رمضان

اروع طريقة عمل معمول الطحين ملكه رمضان

اروع طريقة عمل معمول الطحين ملكه رمضان , معكم صديقة زاكي الشيف الموهوبة ,

المقادير

  • 6 كوب طحين ابيض
  • كوب سميد فرخه الناعم جداا
  • نص كيلو سمنه طريه بدرجه حراره الغرفه بعادلو تقريبا كوبين وربع كوب مقاس ال250 ملل
  • معلقه كبيره محلب مطحون
  • نص معلقه صغيره مستكه مطحونه ناعم
  • رشه ملح
  • كوب سكر بودره او اقل حسب الرغبه
  • نص كوب حليب بودره
  • معلقتين كبار ماء زهر او ماء ورد اختياري
  • تقريبا كوب ونص حليب سائل حسب استيعاب الطحين للسوائل ممكن نحتاج اكثر شوي او اقل
  • نص معلقه صغيره بيكنج باودر اختياري بس انا ما ضفتها
  • للحشوه:
  • 700 غرام عجوه معجونه
  • رشه قرفه
  • معلقتين كبار سمسم
  • معلقتين سمنه او زيت
  • او اي نوع مكسرات مخلوط مع معلقتين قطر حسب الرغبه

الخطوات

بالبدايه حابه اعتذر على التأخير من الصبايا الي طلبو مني هالوصفه بس اكيد ان شاء الله اذا بوعدكم بشي بوفي لو بعد وقت ان شاء الله ما بنسى طلب وحده منكم ومن الوصفات الي طلبتوهم مني وان شاء الله رح اعملهم قريباا واهمهم الحلاوه. والمخشي وكثير صفات اكيد كلهم متذكريتهم بس اعذروني حسب مقدرتي وفضاوتي اكيد ما رح اقصر معكم ان شاء الله واهم اشي لا تنسوني من فضل دعواتكم الحلوه يا احلا واروع اخوات وصديقات بالدنيا وانا بحبكم وبحترمكم وبشكركم كثير على دعمكم المتواصل لاني انا اكيد بكبر فيكم وبكلامكم الطيب متلكم الله لا يحرمني منكم ❤❤

وهسه خلينا نروح لطريقه تحضير معمول الطحين

بسم الله نبدا

بنضع الطحين وكوب السميد الفرخه بوعاء كبير ليسهل علينا الشغل وبنضيف المحلب والمستكه ورشه الملح والسمنه الطريه وبنفركهم بروس الاصابع وبنبسهم منيح وبعد هيك بنخلط السكر الباودر وحليب الباودر مع الحليب السائل وبنضيفهم لخليط الطحين وبنلم الخليط من فوق لتحت لم من غير عجن لما تسير عنا عجينه ناعمه وطريه بنريحها ساعه بالثلاجه وبعد هيك بنبلش نشتغل فيها وبنحشيها الحشوه الي بدنا ياها وانا اولادي ابدا ما بحبو المكسرات بالمعمول ولهيك بحشيهم بالتمر المعجون مع قرفه وسمسم ومعلقتين سمنه وبكورهم وبحشي فيهم حبات المعمول وبنصفهم على صينيه الفرن وبنتركهم عشر دقايق قبل الخبز وبنخبزهم عنار هاديه تقريبا 180لما يسير لونهم ذهبي من تحت وبعد هيك بنحمر وجهم متل مبدنا لون خفيف او بني حسب رغبتكم اكيد ومفروض ما يطولو بالفرن منشان ما ينشفو معنا يادوب 12ل15دقيقه تقريباا حسب حراره فرنكم وبس يستوو بنطلعهم يبردو منيح وبنضعهم بعلب محكمه الاغلاق ليحافظو على طراوتهم والف صحه وهناا بتمنى تجربوهم ويعجبوكم ولا تنسوني من فضل دعواتكم الحلوه يا احلا صبايا

ملاحضه مهمه جدا للحفاظ على نقشه قالب المعمول بنعمل خرم كتير صغير بوسط حبات المعمول بنكاشه الاسنان

وارفقت صوره للقوالب الي بستخدمهم حسب طلبكم صبايا

واكيد وصفاتي ما بتخلا من لمسات تصويرات بنتي شاديه وهيه بتسلم عليكم كلكم وبتعايدكم بالشهر الفضيل و رغم انها مشغوله بدراستها وامتحاناتها الا انو اصرت تصور تلبيه لرغبه الصديقه العزيزه ام علي ❤

عرض التعليقات (94)