img
الرئيسة / سلطات و مقبلات / مقبلات تركية مشهورة سهلة وسريعة سلسلة الوصفات التركية 17 ملكة رمضان

مقبلات تركية مشهورة سهلة وسريعة سلسلة الوصفات التركية 17 ملكة رمضان

/
/
/
3572 مشاهدات

 

مقبلات تركية مشهورة سهلة وسريعة سلسلة الوصفات التركية 17 ملكة رمضان

مقبلات تركية مشهورة سهلة وسريعة من"سلسلة الوصفات التركية" ♡17♡ ملكة رمضان

مقبلات تركية مشهورة سهلة وسريعة سلسلة الوصفات التركية 17 ملكة رمضان

مقبلات تركية مشهورة سهلة وسريعة سلسلة الوصفات التركية 17 ملكة رمضان , معكم صديقة زاكي الشيف الموهوبة , هي الوصفة سهلة وسريعة ومنتشرة بتركيا بشكل عجيب وبنقرشوها متل البطاطا تماما و بلفو فيها سندويش و شو بعرفني شو وضعهم المهم جربوها و حكولي آراءكم وهنا والف عافية سلفاً وهيا بنااااا إلى المقادير

المقادير

  • سمك سردين صغير
  • طحين ذرة
  • ملح
  • فلفل أسود
  • بابريكا
  • بهارات سمك اختياري

الخطوات

بسم الله الرحمن الرحيم

أول شي طبعا بكون السمك منضف ومغسول

منخلط طحين الذرة مع البهارات و مننزل السمكات فيهن و منخلطهم ليتغلف السمك منيح بطحين الذرة

بعدين منحط بمقلاية تيفال أو غير لاصقة شوية زيت و منصف السمكات بشكل دائري و منرصهم على بعض لياخدو هالشكل المميز و منحط فوقهم كمان شوية زيت و بعد شي 4 دقايق منطبهم على صحن و منقلبهم عالجهة التانية لحتى يكملو استواء كمان شي 4 دقايق و خلص صارت وصفتنا جاهزة و ان شاء الله صحة و الف هنا

بتعرفو ضميري عم يأنبني

أنا مابقدر آكل هي الشغلات الصغيرة متل سمك صغير أو عصافير شو بعرفني بحسهم بيبي

المهم جربوها و دعولي بالبركة و هنا و عوافييييي يا أميرات

بحبكم أنا ♡

50 تعليقاً

    • الله يسلمك ويخليلي ياكي لولية قلبي والله وانا اشتقتلك وناطف قلبي عليكم
      يلا اياما معدودات وبرجعلكم ان شاء الله بزهقكم😉😙
      ههههههه شايفة بالله الله يعين كل سمكة بتعلق بايدي😆

  1. يسلمو دياتك يا حب ويعطيكي العلفية ع تعبك لأنو ما في ازنخ من تنظيف السمك فما بالك السمك هاد لصغير بس الوصفة طالعة من تحت دياتك رووووعة سلمت يمناكي يا عسل 😘😘😘

  2. ما شاء الله تبارك الله شكلهم طالع معك خراااافي وعنجد مبدعة وفعلا هاد السمك خصوصي بدو تنظيف مزبوط وتتعبي علي لحتى تروح الزنخة منو وعنجد منظرو بجنن مأكول الهنا للي أكلو منو هههههههههه وانتي جربي كولي زاكي ومقرمش جربي ههههههه😙😙😙😙😙😙😙😙😙❤❤❤❤❤❤❤

  3. تسلم ايدك المنظر روووعه متالقه دائما يا احلى نور
    بس ليش شانه حرب على بيبي السمك وطابخيتهم مع بعض قلة ختياره في البحر…بعرف انها اكله مشهوره عندهم بس حبيتك تبتسمي شوي….😅😅

  4. هههههه يا حرام عليكي وكيف هان عليكي تعملي فيهم هيك يقطع شرك أنا مستحيل أكل السمك بكل أنواعه مو بإيدي نفسي أحبه مره جربت أكل منه اللقمه ما نزلت سبحان الله 🙈
    المهم ما علينا شكل هالسمكات رووووعه ما شاء الله عليكي مبدعه كالعاده ربي يسعدك وينور حياتك ويرزقك أجمل بيبي بس لا تأكليه 😄😍😙❤

    وأناااااااا كمااااااان بحبببببببببك😙

    • هههههههههه مبلا إذا كان لذيذ بدي آكلو😂😁
      يسلملي قلبك ما اروعك انتي انا اللي بحبك
      بس فاجئتيني انو مابتاكلي سمك ابدا
      انا انواع محدودة بس مو أبدا

  5. يمااااااااااااا 😨😨😱😱😱 متوحشه صايره اكلتو البيبي 😏😏😏

    من عقلك وله ئي شدي حيلك مالك هيك طريه ههههههههه …كولي وانتي مغمضه

    وانا اي نعم معي حساسيه سمك بس والله اشتهيتهم خصوصي انهم قلي وانا بريل عندهم 🤤🤤🤤🤤

    تسلم ايدك حبيبتي روووعه 😘

    • شو شدي حيلك يختي انا يكتر خيري اشتغلت فيهم
      لو تشوفب كمية الحنان اللي مسكتن فيها ههههه
      والله مساكين
      بقى بدك مني لسا اكل
      طلعي من راسي يختي طلعي 😆😆

      مابتاكلي سمك يعني حساسيتك شديدة ولا كيف؟
      يسعدلي قلبك سمسمة

    • هههههههههههههههههههه طلعت ع الحارك ها 😂

      يعني مو شديدة جدا …بس بتعب وبصيبني لعيه معده واستفراغ وحاجات 🤢 وحمو جوا التم وهيكا ..وبتعب ارهاق شديد جدا ….ممكن اكل منو ع الخفيف وما يصيبني شي الحمدلله رد نفس بس الله وكيلك …وعفكرة اكتشتفها ع كبر من سنه بس تخيلي

      كنت طول الوقت حس هيك بس ما عمري تخيلت انو في شي اسمو حساسيه سمك 🤦🤦🤦

  6. نسرين
    انا ما بحب سمك بلمره ولا سردين 😝
    بس كرمال خطرك
    مشاء الله عليكي حتا سردين اتفننتي فيها
    مبدعه👍بس اذا اجيت على تركيه وزرتك
    اوعي تعملي الي بذبحك🤨
    حتا لو مشهوره فيها تركيه😑

    • ههههههههههههه اذا اجيتي بدي اعملك كل السفرة اكلات سردين 😛😛
      انتي تعي لاعملك مل شي بتحبيه
      المهم شوف هاللي مجننتنا ههههه
      يسعدلي قلبك نسرينو الله يخليلي ياكي

  7. ياعيني على هالمنظر شي بشهي انا من عشاق السمك بس جوزي العكس😢 يسلم ايديكي نوارتنا والف صحةوهنا روحي😘😘

اترك تعليقاً

لن يتم نشر عنوان بريدك الإلكتروني.