كعك قرشلة للشاي ملكة رمضان

146 16٬639
 

كعك قرشلة للشاي ملكة رمضان

كعك القرشلة للشاي ملكة رمضان

كعك قرشلة للشاي ملكة رمضان

كعك قرشلة للشاي ملكة رمضان , معكم صديقة زاكي الشيف الموهوبة ,

المقادير

  • كوب وثلاث ارباع طحين ابيض
  • ربع كوب طحين ذرة (ممكن استبداله بربع طحين عادي)
  • 3/4 كوب زيت ذرة
  • 3/4 كوب سكر
  • م.ص ونصف بيكنج باودر
  • 2 بيض
  • م.ص فانيلا
  • م.ص خل ابيض
  • م.ص حبة البركة
  • م.ص سمسم
  • م.ص شومر او يانسون
  • حليب سائل احتياط

الخطوات

السلام عليكم ورحمة الله وبركاته

ما كنت اآمن انه الكعك بنجح بدون البوطش لانه كل الافران بحطوه بلا استثناء ، بس حكيت خليني اجرب لعل وعسى يزبط ، وفعلا زبط وطلع روعة واكثر بكثييير مما توقعت بصراحة ، بس انا عملته القرشله مش الاصابع او الاساور.

أولاً/ العجينة

بنخلط بالبداية السكر والزيت والبيض والفانيلا والخل وبنضيف المواد الجافة الطحين والبيكنج باودر وبنخلط بدون زيادة سوائل وبنضيف م.ص سمسم وم.ص حبة البركة وم.ص شومر او يانسون بيثقل الخليط شوي هوه قوامه اثقل من خليط الكيك بس إذا كان جامد معك ضيفي بالملعقة حليب سائل لحتى يصير قوام معقول.

ثانياً/ مرحلة الخبز الأولى

بنفرغ الخليط في قالب توست او صينية مستطيلة مربعه مدهونة زيت ورشة طحين او ورق زبدة. وبنرش رشة حبوب عالوجه كمان.

—وبنخبزها في فرن محمي على 180 لمدة نصف ساعة وبنختبرها بعود خشب.

ثالثاً/ مرحلة الخبز الثانية

بعد ماتستوي الخبزة بنتركها تبرد تماما.

—بنقطعها بعدين شرائح وسط لا رفيعه ولا سميكة وبنصفها بصينية فرن وبدنا هون ننشفها.

—بنشغل الفرن عالشواية وبنحط الصينية باول رف من تحت بعيدة عن الشوايه يعني عشان تنشف وتتحمر.

ملاحظة/ ممكن هاي العملية تاخد شوية وقت

—وبس تتحمر اما بتقلبيهم الكعكات وبتحمريهم من الجهه الثانيه او بتشغلي من تحت عليها شوي.

رابعاً/ النتيجة والطعم والحفظ

بتتركيهم يبردوا تماااما مكشفين لا تغطيهم ابدا وبعد ما يبردوا ذوقي ازكى واشهى كعك ممكن تاكليه بحياتك كثير زاكي وهش ومناسب يتاكل ناشف او مع شاي او حليب .

—بتحتفظي بالباقي مغطى باحكام زي الكعك العادي طبعا مدة صلاحية طويلة جدا هوه مارح يزيد أصلا منه قد ماهوه زاكي ورائع.

ملااااحظة/

هاد الكعك ممتاز للبقسماط بتطحنيه وهو ناشف بصير بقسماط بس بدك تخففي كمية السكر بالوصفة للبقسماط وبعد الطحن بتضيفي بصل وثوم بودرة بطلع ازكى من الجاهز.

—بتمنى تجربوه وتعطوني رأيكم وصحة وهنا

عرض التعليقات (146)