img
الرئيسة / أطباق رئيسية / طريقة عمل كفتة داود باشا بطريقتي ملكة رمضان

طريقة عمل كفتة داود باشا بطريقتي ملكة رمضان

/
/
/
2183 مشاهدات

 

طريقة عمل كفتة داود باشا بطريقتي ملكة رمضان

كفتة داوود باشا بطريقتي"ملكة رمضان"

طريقة عمل كفتة داود باشا بطريقتي ملكة رمضان

طريقة عمل كفتة داود باشا بطريقتي ملكة رمضان , معكم صديقة زاكي الشيف الموهوبة , وصفة اليوم كفتة داوود باشا مين هاد داوود باشا مابعرف بس اللي بعرفو انو بيعرف طعمة تمو ههههه الوصفة سهلة وبسيطة وبعيدة عن التعقيد وطيييييييبة خاصة بأيام الشهر الفضيل وتدعبلو معي نشوف المكونات لو سمحتو:

المقادير

  • منحتاج لكرات اللحمة:
  • نصف كيلو لحم مفروم ناعم
  • بصلة وسط مفرومة ناااعم أو مطحونة
  • شوية بقدونس مفروم ناعم
  • ملعقتين كبار بكصمات
  • ملح
  • فلفل أسود
  • قرفة
  • بهارات لحمة
  • منحتاج للصلصة
  • بصلتين مقطعين جوانح
  • حبتين فليفلة خضرا مفروم ناعم
  • كم حبة بندورة مفرومين ناعم (وممكن نضرب البندورة والفليفلة عالخلاط بحيث يصيرو قطع صغنونة)
  • ملعقة دبس بندورة
  • رشة سكر
  • ملح
  • فلفل أسود
  • بابريكا
  • بهارات مشكلة للتنكيه

الخطوات

☆بسم الله الرحمن الرحيم☆

أول شي رح نعمل خلطة اللحمة

منخلط البصل المطحون او المفروم ناعم هو والبقدونس والبكصمات والبهارات مع اللحمة

((انا هون بالصورة كنت حاسة اللحمة مو ناعمة منيح لهيك حبيت اعمللها ضربة عالخلاط يعني كترة غلبة))

انتو بس خلطو المكونات

ومنحط الخليط بالبراد ليسهل علينا التكوير وبهالأثناء رح نعمل الصلصة

مندبل بصل الجوانح عالغاز مع شوية زيت وسمنة اذا حبيتو وبعدا منضيف البندورة والفليفلة وبعدا دبس البندورة ورشة السكر ((اللي رح تساعد بتسبيك الصلصة)) ومنضيف البهار ماعدا الملح لأنو مابدنا الملح ينزل ماء الخضار فمنضيفو بالأخييييير

ومنترك الصلصة تغلي لتستوي وتتسبك

بهالوقت ياحلوات منجيب هاللحمات ومنكورهن لكرات ومنصفن بالمقلاة ومنشغل تحتن النارات لنشوح هالطيبات بشوية زيتات ومنشم الريحات ومنواسي الكروشات وبكون باقي للمغرب شويات

كمل شعريات ولا مليتو من هالحركات ههههههه

خلص منقلب كرات اللحمة وبس تقرب تستوي منشوطها بنص مرمى الصلصة ومنخليها تغلي لتحقق الفوز هههههه قصدي لتستوي عالاخير وتاخد النكهات ومنطفي الغازات وهيك بتكون طبختنا خلصت يا وردات

لاتنسوني من الدعوات وإن شاء الله بشوفكم بالوصفات الجايات ههههه

57 تعليقاً

  1. يسلم هالديات يا وردة زاكي بشههههي المنظر ولا يقااااوم ليكني قربت اوصلك لو سمحتي افتحيلي الباب ع السريع او انا بقتحم البيت ههههههه

    انا بحب هالطبخة كتير كتير ونفس طريقتي بالعمل تسلم هالأنامل الي بيلتفو بالذهب

  2. بصراحة يلي احلى من ها الاكله حكياتك وخفة دمك وبالنسبه للاكله ادا يلي عملتها خفيفه دم كيف راح تطلع الاكله يسلم ايديكي ويعطيكي الف عافية ما شاء

  3. ههههههه يا قلبوشتييييي شو بحبك أنا يسلموووو هالديات يا عمري وصحه وعافيه يااااارب وربي يسعدك دوم ويرسم البسمه على وجهك زي ما بترسميها على وجوهنا أحبكي بالله يا غاليه❤😙😍

  4. يختييي يسسسسعدها ويسعد اكلاااااتهااا ويسعد قلبهااا وخفت دمها ربي يسعدك ويديم عليكي هدات البال وتضلي تعمليلنا شعريااات ع طول
    يسلم ايديكي وعينيكي

  5. نسرين
    بعدين خفي ع حالك بلاشياء دسمه عشان تعملي رجيم
    عشان ما تدعبلي ههههههه
    حبيبت قلبي نور والله احبك ههههه الحمد الله انك ما بطولي بلحكي بلوصفات هههههه

    • الله يسلمك ومايحرمني منك حبيبة قلبي والله وانا اشتقتلكم قد الدنيا
      ربي يخليلي ياكي ويسعدك يكل شي بتتمنيه
      مناح نحنا الحمد لله طمنيني انتي كيفك وكيف امورك😍😘

    • دوووم يارب بتضلي بخير إنتي أهلك ❤
      حنا شتقنالك اكثر والله حبيبتي الله يسعدك ونور دربك
      إن شاء الله الله كريم
      الحمدلله رب العالمين نشكر الله
      شو بده يتغير يعني ؟؟؟
      الإنسان عمره مابتغير العاده فيه لي مو منيحه مابغيرها
      نوكلها لرب العالمين ❤

    • واياكي يا صديقتي الغالية
      طولي بالك
      القلوب بين يدي الرحمن يقلبها كيف يشاء
      مابتعرفي كيف ممكن يتبدل الحال
      وانتي اذا كنتي مظلومة فانتي احسن بمليون مرة من انك تكوني ظالمة لا سمح الله 😘
      ربي يهدي بالك ويصلح حالك ياعمري

  6. يا عيني يا عيني ع نور وتألقها تخيلي افتح زاكي والاقي وصفتك منوره زاكي كله يا حظي انا ❤ممممم شو اشتقت إلك ولوصفاتك المغريهه والرهيبه عنجد اشي بشهي يعطيكي الف عافيه يا رب ويسلمولي هالايدين الحلوين بس انا عندي اعتراض انتي بالذات ما تنشري برمضان لاني رح امووت😂😢💚ثانكس حبيبتي👌❤🌷

اترك تعليقاً

لن يتم نشر عنوان بريدك الإلكتروني.