بروستد كيكة الشوكلا والدونات وشعيبيات و زنود الست

4 2٬611

بروستد كيكة الشوكلا والدونات وشعيبيات و زنود الست
وصفات مميزة لصديقة زاكي المبهرة Rofa Alomar لنتابع الطريقة.

بروستد كيكة الشوكلا والدونات وشعيبيات و زنود الست
بروستد كيكة الشوكلا والدونات وشعيبيات و زنود الست

12348145_774345359378705_3638491415094190607_n

بالنسبة لطريقة البروستد :-
بتحطي بجاط ملح وفلفل وكاتشب ومايونيز وصلصة الصويا وتوم وزيت نباتي ولبن (زبادي ) ورشة كمون وبس هيك ضيفي قطع الجاج على الصلصة وأتركيون ليتشربو شي ساعتين تلاتة أو ممكن بنفس الوقت بس كل ماطال الوقت كل ماتشرب الجاج الصلصة وصار أزكى .. حطي الزيت عالنار وبلشي غمسي قطع الجاج بالكورن فليكس أو البقسمات وعالنار أول شي بتعلي الغاز وبعدين بس ينقلو ويحمرو بتوطي النار عالوسط ليستوي ألب الجاج وبالعافية ..
**********

12360210_774345659378675_7650488505605603417_n
كيكة الشوكلا سهلة كتير ولزيزة .. :-
1 كوب زيت
1 كوب سكر
1 كوب ماء
3 ملاعق كبيرة حليب بودرة
3 ملاعق كاكاو
2 بيضتين
1 كاسة ونصف طحين
1 ملعقة صغيرة فانيلا
1 ملعقة طعام بيكنج باودر

الطريقة :-
يخلط الزيت والسكر والماء والحليب والكاكاو والفانيلا ( بدون الطحين والبيض والبيكنج بادور ) بنخلطون كتير منيح وبعدين منشيل من المزيج كاسة على جنب ومنضيف للخليط المتبقي البيض والبيكنج باودر والطحين ومنخلطون كتير منيح وبعدين منحط المزيج بالقالب أو الصينية بعد ماندهن القالب بالزيت والطحين طبعاً لتجنب إلتصاق الكيك وعالفرن بالوسط شي ربع ساعة أو تلت حسب الفرن وكل ماطلعناها قبل كل ماكانت أطيب بتبقى طرية من جوا وبنتركا لتبرود وبعدين بنجرحا شويي بالسكينة وبعدين منجيب الكاسة يلي شلناها من الخليط أول مرة ومنحطا فوقها لتتشربها وتزيين وبالعافية ..
*********

بروستد كيكة الشوكلا والدونات وشعيبيات و زنود الست
زنود الست والشعيبيات:-
بنجيب عجينة الجلاش الجاهزة
الحشوة:
٢ كوب حليب سائل
١ كوب سكر
١ كوب كريما طازجة
٥ ملعقة كبيرة نشا
ربع كوب حليب سائل، لتذويب النشا
ربع كوب سميد
١ ملعقة طعام ماء الورد
١ ملعقة طعام ماء الزهر

لتحضير العجينة وتجهيزا مندوب زيت مع سمنة عشان ندهن كل رقاقة
على مسطّح بتحطي كل عشر رقائق فوق بعضها وتقطع الرقاقات على شكل مربعات بحجم 12 سم تقريبا
منحط جوا كل مربع ملعقة كبيرة من الحشوة ومنطويها لتصير شكل مثلث متل الصورة وبعد هيك بندهن الصينية بالسمنة وبنحط فيا قطع الشعيبيات ومندهن الوجه بالزبدة أو السمنة وتخبز على حرارة 200 درجة لمدة 10 دقائق لتاخود اللون الدهبي ..بعد هيك منطالع الصينية ومنصفيها من السمنة أو الزبدة الزايدة ومنسكوب القطر البارد فوقها والقطع ساخنة لازم تكون وبنتروك الشعيبيات ليمتصو القطر ..وبالعافية ..

والقطر عبارة عن :_
٢ كوب سكر
١ كوب ماء
١ ملعقة صغيره ماء الورد
١ ملعقة صغيره ماء الزهر
١ ملعقة صغيره عصير ليمون حامض..
*******
طريقة زنود الست نفس الشعيبيات بس أنا عملتها على شكل رولات وزينتها بالفستق الحلبي ..
أو في حشوة تانية كمان بتطلع طيبة كتير وهي المهلبية العادية..
******

12346370_774345409378700_1205777698967538784_n
بالنسبة للدونات..-
5 كاسات طحين
8 ملاعق كبيرة سكر
1 ملعقة صغيرة ملح
4 ملاعق صغيرة خميرة
1 ملعقة صغيرة فانيلا
2 بيضتين
6 ملاعق زبدة
الطريقة :-
بعد عمل العجينة بنتركا لترتاح 40 دقيقة طبعاً منعجنها بالمي الدافية لتتشكل العجينة وتلم على بعضها مزبوط ويصير سمكها تمام ..وبعد هيك بنقطعها وبنرجع بنتركها 10 دقيقة لترتاح .. وبعدين بنقليها بالزيت الحامي ومنتركها لتبرود ..
صوص الشوكلا:-
عبارة عن شوكلا خام منعملها بحمام مائي مع قطعة صغيرة زبدة .. واللي ماعندها شوكلا خام فيها تستبدلو بصوص الشكلاتة وهو عبارة عن :-
1 كوب سكر
1 كوب حليب بودرة
1 كوب زيت
4 ملاعق كبيرة كاكاو
منخلطون بالخلاط أو بالمضرب اليدوي أول شي الحليب وبعدها السكر وبعدها الزيت منضيفو شوي شويي عشان الخليط يصير كثيف وتغمس قطع الدونات وبالعافية ..
….
هي طرق جميع الوصفات بتمنى يكون شرحي كافي ووافي وأية سؤال من عيوني تكرمو حبيباتي .

بتحب تشاهد وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب

عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية

عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد

احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي

عرض التعليقات (4)