كعك العيد الهش وبطعم خرافي

50 6٬649
 

كعك العيد الهش وبطعم خرافي

كعكاتي العيد هشات وبطعم خرافي

كعك العيد الهش وبطعم خرافي

كعك العيد الهش وبطعم خرافي , معكم صديقة زاكي الشيف الموهوبة ,

المقادير

  • طحين
  • سمنة بنكهة الزبدة مازولا
  • زبدة
  • سمنة
  • دقة الكعك
  • تمر
  • شومر
  • ينسون
  • قرفة
  • محلب
  • مستكة
  • جوزة الطيب (اختياري)
  • فانيلا
  • سكر
  • مي
  • حليب
  • زيت قلي

الخطوات

كيفكم يا عسلاااات

جبتلكم هالكعكات طيبات وطعمهم خرراافي

اول شي بنجيب الطحين الزيرو عملت 4 كيلو انا وبنحط عليه محلب معلقتين كبار والمستكة علبتين ام الدينار والفانيلا معلقتين كبار والحليب رشة قريب المعلقتين وبنخلطهم عالناشف كلهم مطحونات ومليانات المعالق

لكل كيلو طحين بدنا نص كيلو سمنة وزبدة مع بعض وبنستخدمهم بحرارة الغرفة يعني ما بندوبهم عالغاز بنخلطهم مع بعض وبناخد كاسة شاي زيت قلي وبنضيف الطحين بالتدريج وبتبسيهم عالخفيف مو عجن

وكاسة سكر بندوبها بكاسة مي وبنعجن الكعكات فيها

يعني لو بدك تعملي كيلو طحين بتستخدمي كاسة سكر مدوبة بكاسة المي وبتعجني الكعكات فيهم

رح تشوفي العجينة زي لمفتولة عادي بنتركها ترتاح الافضل طبعا انها ترتاح

وبس ناخدها نشتغل فيها بنجيب كاسة كبيرة مخلوطة بالسمنة والزيت وبضيفي شوي للعجنة انا استخدمت الكاسة كلها لانهم 4 كيلو

وبترجعي بتعجنيهم وبتشتغلي فيها ازا شفتيها بدها كمان شوي ضيفي اشي بسيط مو كتير

اما التمرات ضفت عليهم

سمسم

قرفة مطحونة

دقة الكعك

شومر

ينسون

رشة محلب نص معلقة صغيرة

وعجنتهم بالزبدة وبتقدري بالسمنة عشان يبقو طرياات

والوجه دهنتو في بيضة عليها معلقة مي ورشة فانيلا وحطيت عالوجة سمسم

وكل عام وانتووو بالف الف خير ان شاء الله بتنعادولو سالمين وربنا يجعلنا من عتقاء النار ويبلغنا رمضان ونحنا باحسن حال ولا تنسونا من دعواتكم

عرض التعليقات (50)