معمول العيد بألوان زاهيه ملكة رمضان

81 6٬558
 

معمول العيد بألوان زاهيه ملكة رمضان

معمول العيد بألوان زاهيه ملكة رمضان

معمول العيد بألوان زاهيه ملكة رمضان

معمول العيد بألوان زاهيه ملكة رمضان, معكم صديقة زاكي الشيف الموهوبة ,

المقادير

  • نصف كيلو سميد فرخة
  • نصف كيلو طحين ابيض
  • 2 كوب سمنة بحرارة الغرفة
  • ربع كوب سكر
  • ربع م.ص خميرة
  • م.ك بهارات معمول
  • نصف كوب ماء زهر
  • علبة قشطة
  • لون غذائي زهري
  • للحشوات:
  • تمر معجون
  • فستق حلبي محمص ومطحون
  • بهارات المعمول
  • سمنة

الخطوات

معمول العيد بألوان زاهيه ملكة رمضان

السلام عليكم ورحمة الله وبركاته

كل عام وانتم بألف خير إدارة وأعضاء وزوار زاكي وتقبل الله الطاعات ، وصفة اليوم معمول خليط سميد مع طحين عجبتني الوصفة مختلفة عن معمولي عادة يا طحين يا سميد ، بلاش اطول عليكم خلينا نشوف الطريقة

أولاً/عجينة المعمول المرحلة الاولى

بنخلط نصف كيلو سميد فرخة مع نصف كيلو طحين ابيض متعدد الاستخدامات مع كوبين سمنة بحرارة الغرفة غير مذابه. بنعجنهم مع بعض بطريقة اللم وبنتركهم ساعتين لاربع ساعات يرتاحوا.

ثانياً/ مرحلة العجن الثانية

بعد ترييح العجينة بنضيف ربع كوب سكر ورشة ملح والخميرة وماء الزهر وعلبة قشطة وبنعجنهم مزبوط بطريقة اللم برضه وبنجمع العجينة على بعض وبنبدأ نحشي ونشكل فورا.

ثالثاً/ الحشوات

الحشوات اذواق انا استخدمت

1. حشوة التمر : تمر مطحون مع ملعقة سمنة ورشة دقة معمول بعجنهم مزبوط وبستخدمهم.

2. حشوة فستق حلبي: فستق حلبي مجروش مع شوية قطر لحتى يمسك ببعضه.

رابعاً/ تلوين المعمول

حبيت ادخل لون للمعمولات هيك بيعطوا حياه لطبق المعمول وروح انثوية حلوة ، لونت جزء صغير من العجينة بلون زهر ومع كل حبة معمول حطيت شوي صغيرة من العجين الملون زي الترخيم يعني وغرست فيها حبة لؤلؤ سكر .

خامساً/ الخبز

بنخبز المعمول بدرجة حرارة عاليه 250 اول شي تحمير الوجه عالخفيف بس تثبت النقشة وبعدين تحت لمدة 8 دقائق فقط.

سادساً/ الحفظ

بنتركه يبرد تماما وبعدين بنحفظه في اكياس بلاستيك وداخل علب محكمة الغلق بعيش معك شهور وبضل طري وممتاز ورائع.

—بتمنى هالوصفة تكون عجبتكم وتضيفوها لمفضلاتكم وتجربوها وصحة وهنا مقدماً.

عرض التعليقات (81)