img
الرئيسة / حلويات / حلى وردات السميد الرائع سلسلة الوصفات التركية 18

حلى وردات السميد الرائع سلسلة الوصفات التركية 18

/
/
/
2782 مشاهدات

 

حلى وردات السميد الرائع سلسلة الوصفات التركية 18

حلى وردات السميد الرائع من "سلسلة الوصفات التركية" ♡18♡

حلى وردات السميد الرائع سلسلة الوصفات التركية 18

حلى وردات السميد الرائع سلسلة الوصفات التركية 18 , معكم صديقة زاكي الشيف الموهوبة ,

المقادير

  • 5 ملاعق كبيرة زبدة لينة
  • نصف كوب لبن
  • نصف كوب زين
  • ملعقة كبيرة خل
  • باكيت فانيليا
  • باكيت بيكينغ باودر
  • كوب سميد
  • حوالي كوبين ونصف طحين او حسب نوعية الطحين المهم نوصل لعجينة طرية قابلة للتشكيل
  • صبغة طعام (اختيارية)

الخطوات

☆بسم الله الرحمن الرحيم☆

أول شي منخلط الزبدة لحالا لتصير كريمية شوي مشان تندمج بسهولة مع باقي المكونات بعدين منضيف عليها اللبن والزيت ومنخلطهم سوا منيح وبعدا منضيف السميد والبيكينغ باودر والفانيليا وملعقة الخل ومنخلطهم سوا وآخر شي منضيف الملون اذا حبينا نلون العجينة ومنضيف الطحين بالتدريج لنحصل على عجينة طرية وملمومة وقابلة للتشكيل

منحطها على نايلون أو ورق زبدة تحتا وفوقا ومنفرد بشكل متساوي

وبعدين منقطع دوائر بشي كاسة مثلاً

ولنحصل على شكل الوردة الحلو يا وردات منرتب الدوائر فوق بعضا متل مو واضح بالصورة ومنلفهم ومنضغط شوي بالنص ليلزقو الورقات ببعضهم

بعدين منقطع بالسكينة بالنص وبصير عنا وردتين

منصفهم بالصينية ومندخلهم عالفرن على درجة حرارة 180 مشغل من فوق ومن تحت

وبس يطلعو منسقيهم بقطر بارد

((كاستين سكر + كاستين ماء + عصرة ليمون)) وتركوهم ليبردو واستمتعو بأكلة سهلة وخفيفة

يارب تكونو حبيتوها وان شاء الله بتجربوها وبتعجبكم

ماتنسو تدعولي بالبركة وبكل شي حلو متلكم وبحبكم أنا ♡

144 تعليقاً

  1. الورد ما بيعمل الى ورد متلو لك تؤبشي ئلبي ئبش
    لك تسلميلي ما ألزك وكا ألز الأشياء الي بتعملها نور السكررررة لك بتشههههههي منظرها لا يقااااوم 😘👍👍👍

  2. 😱😱😱 ولك ليش ما حكيتي ولا رغيتي متل ما بنحب لااا جد جد مالك شوفيه
    حتى سلام ما سلمتي علينا

    معقول كلام بعض ناس يلي ملهوش داعي اثر فيكي 😒😒

    فوق ال٢٠٠ تعليق ع وصفاتك الكل مبسوط فيكي وبرغي تاعك واكتر مزح ينمزح ع وصفاتك

    وعشان تعليق واحد دمو ثقيل ..ما عدتي تحكي ولا حتى ترغي

    انا مارح علق ع الوصفه لاني اقسم بالله العظيم ما قراتها ولا شفت منها شي اعذريني ✋

    وانا متاكده انو كل الصبايا هون بيشاركوني الرأي

    • فعلا شفتو حتى سلام ما سلمت …هسه بس تيجي الا توكل كتله ترجعلها عقلها 😈

      ايمان حبيبتي في وحده علقت لنور انها كتير بتحكي ورغايه …فشكلها نور تضايقت وقال شو سمعت الحكي وبطلت تسلم

      ههههههههه اه ام اصيل تقولي جايبينها تكتب الوصفه بعد كتلة 😂😂😂

    • فعلا والله ياصبايا انا كمان انصدمت ورجعت قرأت مرة ثانية فكرت حالي ماانتبهت ههههههههه
      يلا هالمرة امسحوها بوجهي لكن مرة ثانية بنمسكها وبنعلقها ع باب كتاب زاكي هههههههههه

    • يسعد مساكي نور احمد والله اليوم عنجد غريبة وين كلامك الحلو وقلبك الطيب والله وانا بتطلع على الوصفة استغربت كتير شكل الوصفة حلو ورائع بس بدك الصراحة الي بيزيد وصفاتك حلا بزيادة اكتر هو خفة دمك وكلامك والرغي تبعك اتعودنا عليه لا تقطعيه وكلامك وطريقة حكيك بتشرح القلب 😘😘😘😘💖💖💖💖💖💖💖💖💖💖💖💖💖💖💖💖💖💖💖💖💖💖💖💖💖💖💖💖💖💖😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍

    • ام ادم طول بالك يا عكيد😁 خدينا بحلمك يختي والله انا كتبت مقدمة هههههههه
      للمرة العشرة وعشرين عم قلك كتبت 😂
      وين منسوفة المقدمة مابعرف
      بس اذا بيجيني عشرين تعليق مابعرف اكتب الوصفة هيك بهالنشافة بنجلط يمكن😂😂
      خلص خديلك سنكرز انتي والصبايا وروقي ههههههه

      لشوف الجهات العليا شو رح تقلي مشان المقدمة لافهم شو صاير😆
      بعدين بدي نتفك تركتي وصفتي الكتكوتة وعصبتي عليي هههههه
      يسعدلي قلبك شو بحبك 😍

    • شوفي انتي وياها وياها وياها ههههههه
      روحو علقو تعليقات تنشاف بكفي انا مصدومة بمنظر وصفتي😂😂
      حاسستا مو الي ههههه
      مسحوها بدقن ام ادم ياصبايا
      لو ماذكرتها بمقدمة الوصفة ماكانت خربت😂😂😂
      الله يخليلي ياكن ومايحرمني منكن
      بس تاني مرة لا تسدقو اني ممكن اكتبلكم وصفة بهالاسلوب😘

    • اه يعني انتي هبله ماصله 😂😂 عشان هيك بتعرفيش الا تتهبلي 😂😂😂😂😂😂

      والله تنكدت مبارح وحتى وصفتي ما رجعت علقت عليها الا هسه كنت بدي اجيب الكرباج وانزل فيكي على وين بيوجعك هههههههههههههههههههه 😂

      تغالظتي علي بالوصفه وانا يلي جاي اشوف مالك 😏😏😏 صحيح ناس ما ينفع معها المنيح وما تيجي الا بالعين الحمرا 😒😒😒

    • ههههههه هبلة بنص بؤبؤ عينك😂😁
      اي عليكي تغالظت بس ماكنت بعرف انك ايدك والكرباج لذلك سوف أنسحب بهدوء😂🙊
      شايفة اسمك شلون بيخرب الدنيا هههه
      ناحستينا 😂

  3. نووووورررر شووومالك يختي لا احم ولا دستووور مالك معصبة علينا ومنزلة الوصفة خاوة ارجعي نزليها مع رغاويكي الجمهور معتررررررض يلااااا

  4. يسلموا ايديكي وصحة وعافية على قلبك شو ما بتعملي بطلع زاكي وطيب من تحت ايديكي

    صبايا لا تزعلوا من نور عشان ما كتبت جرايدها
    متل العادة يمكن كانت نعسانة وهيه بتكتب او الحجي كتب عنها

  5. ياعيني عالورد اللي عامللنا ورد تسلم ايدك ياوردة…بس ماتعودنا على هيك اسلوب بكتابة المقادير انا عن نفسي وصفاتك انتي بالذات بحب اقرأ كل حرف وكل كلمة بدون ملل يلا هالمرة رح نمرقها الك بس غير هالمرة لأ😒

    • الله يسلمك ياقلبي ويجزيكي الجنة ومايحرمني منك 😍
      حتى انا بحب اقرأ تعليقاتك كذا مرة عفكرة هههههه😄
      شكلو صاير سوء تفاهم بموضوع كتابة الوصفة😅
      شفتي تعليقاتي؟

    • يلا حصل خير بس حلوة هالحركة من الادمن لو كانت بغير قصد عشان تعرفي غلاتك وانه الكل بعشق اسلوبك بالشرح ،،، ربنا يباركلك ويبارك فيكي ويرزقك ماتتمنيه من حيث لاتحتسبي💞💞💞

    • والله انا انصدمت من ردود الأفعال😂😂
      الله يخليلي ياكم ومايحرمني منكم ويديم المحبة بيناتنا
      ممنونتك كتير ياقلبي على هالدعوات الحلوة
      ربي يجزيكي أضعافها ياطيبة😘

  6. لك ياجماعة طولو بالكن
    مستحيل انا كتبت هي المقدمة وتغالظت على ام ادم بالذات زيادة !!!
    وين رايحة مقدمتي

    خدو بعدها منسوخة عندي هية والوصفة
    انا اللي زعلانة هلأ😂

    اليوم اجيتكم بأكلة خفيفة لطيفة وكلها رقة وأنوثة هههه
    بقى بدي صحونكم تتعبى اليوم ورود هههههه
    اللي رح تجربها تحكيلي ها
    يلا تعالو نشوف المقادير وانتي ام آدم لا تضوجي علينا انتي وعم تلعبي بمعجونتك ههههه

  7. عنجد انا مصدومة ومو فاهمة شي
    اول شي انا فعلا كتبت الوصفة بآخر الليل وكنت فارطة نعس والحجي عم ينق عليي لحتى اطفي الاضوية ونام وكنت عم سابق الزمن لاكتب الوصفة لهيك ناغشتكم بس بالمقدمة
    بس حتى المقدمة طايرة ماعم افهم كيف!!!
    رايحة اسأل الأدمن وزرعوها بدقني هالمرة😂

  8. هالوصفه رغم بساطتها و سهولة مكوناتها. إلا إنها راااااااائعه😍و زاكيه😋و تحفه… يعني منظر فاخر و خصوصا اذا عندك خُطار يعني ضيوف😊 تسلمي يا رب و تسلم الأيادي إن شاء الله حبيبتي و بألف صحة و هنا عليكم يا رب…

    اسأل الله العظيم رب العرش العظيم أن يرزقك الصحه و السعاده و راحة البال و يحقق مناكي يا نور يا بنت أم نور قريبا إن شاء الله.. يا رب عاجلا غير آجل

  9. بعيدا عن جمال ورقة والإبداع اللي موجود بالوصفه 🌸🌸 بضم صوتي لصوت الصبايا وبنطالبك بإعادة صياغة الوصفة وكتابتها بطريقتك اللذيذه والمهضومه كالعاده

  10. والله يا نور هيه منظرها بتجنن وبتشجع كثير انا نعملها بس ع قولة الصبايا صرت ادور معقوله هاي نور تكتب من دون ما تسلينا بحكياتها

  11. ما شاء الله شو حلوين هالوردات يا أحلى ورده
    سبحان الله لأنا اتعودنا على أسلوبك الفكاهي الكل استغرب من الوضع🤔 الله يديم الضحكة والبسمة على وجهك وقلبك يا رب 🤗

  12. زهرة البيلسان
    لا لا ولا يمكن تكون نور حبيبة قلبي وصفتها ناشفه وجفصه وين لحكي لحلو لمزوء
    فتحت لوصفه اكثر من مره أتأكد
    لوصفه رائعه جدا جدا

  13. لك شو هالزكاوه والجمال يااا عمري حبيييييت وشكل هالوردات كتير شيك وأنيقين وباين عليهم إولاد ناس😄😍
    بدك الصراحه وأنا إستغربت قلت معقول نور ولا ضحكه بوصفتها حسيت الوصفه مو إلك هههههه بس حصل الخير وإن شاء الله بتتعوض ولا يهمك إحنا بيعجبنا إسلوبك بشرح الوصفات كلهم يااا لذيذ إنتا شو بنحبك إحناااا ❤😙

    وأحلاااااا تحيه لأحلى نواره بزاااااكي👏🌷
    وووووبحبببببك أنااااااا😙❤

    • الله يجبر بخاطرك متل ماجبرتي بخاطري يابنتي😁
      والله انا بحبك فوق ماتتصوري وبحب طيبتك وحنيتك وحكياتك اللهم بارك 😍
      عادي اذا انا ماعرفت حالي فمابلومكم😂😂
      يلا حصل خير 😁
      ومشان الوردات عنجد ولاد ناس😂😂 يبعتلك الهنا على هالوصف
      انا من بعدك ياروح😍

  14. اللهم بارك .. تبارك الرحمن
    الوصفة سهلة جدا وبتشبه عجينة البسبوسة
    لكن الشكل حكاااااااااية
    أنا شفتها من قبل بس بدون ألوان ومو متل هالجمال .. لإنه كل شي من تحت دياتك مختلف وإله طابع خاص وجمال مميز .. اللهم بارك
    ربي يسلم هالديات ويفتح عليك من فضله وبركاته يا غالية
    ويباركلك بمحبة الناس إلك ويجعلك ممن قال الله فيهم (إني أحببت فلانا فأحبوه)

  15. ماشاءالله اللهم بارك
    رووووووووووعة وأنيقة وخفيفة
    خيتي نور هذه الوصفه من شكله لك
    لكن الطريقة بلا روح نور والله قريته وأستغربت رجعت أطالع أسمك قلت يمكن زعلتي وبطلتي مثل طبيعتك أول وهذا لا يرضينا طبعاً
    أنتي الوحيده اللي نقرأ وصفتها وننبسط باالكلام قبل الوصفه الله يحفظك لاتبطلي عادتك والوصفه تجنن مايحتاج كلام أكثر مجرد أنها لك تكون مميزه .

  16. يعطيك الف عافية ويسلم ايديكي ما شاء الله الحلو طالع تحفه فنيه
    الله يسعدك ويوفقك ويجزيكي الخير يا رب
    🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹

  17. انتي في قمة الروعة. يسلمو كتير يا شفتنا. كيفك اختى شو اخبارك اشتقتلك كتير يابنت بلادي. اكيد الوصفة الها نبذة منك يا وردة. عجبني التشكيل فياريت تعطينا طريقة عجين بسكويت يصلح للهالتشكيل ينفع نعملو بلعيد. حبيبة قلبي راح عذبك معي😋😍

    • الله يسلمك يا أميييييرة😍😍
      نورتييييي واخيرا وانا اشتقتلك قد الدنيا
      الله يسعدك ومايحرمني هالطلة الحلوة 😀
      كيفك طمنيني عنك وكيف أميراتك😍😘
      انا تمام الحمد لله ومشتاقتلك كتيييير والله
      تكرم عيونك ياقلبي ان شاء الله بعملك ياها بأقرب فرصة😀😙
      طمنيني عن أخبارك

  18. نور الحبوبة وصفتك روعة كالعادة توشكري عليها وتصويرك حلو وجذاب متل ما قولتلك قبل وبالنسبة إنك بتكتبي كتير وبتحكي كتير بوصفاتك هاد دليل على حرصك على تقديم معلومة وافية وشرح كافي لتعم الفايدة وهاد شي منيح وكمان ما في ملل ولا شي بأسلوبك بالعكس والكل بيوافقني في بساطة وخفة دم وقريب من القلب فإذا كان السبب إنه مزحاتك و خفة دمك سقطوا سهوا من وصفتك معليش بتتعوض أما إذا سبب تاني لاء…..ومش مقبول

    والله يعوضك خير بكل حياتك ويرزقك ويعطيكي أيام حلوة ويعطيكي إلي ببالك وإلي متمنيته بأقرب وقت وعلى أهون سبب قولي امييييين

  19. تسلم الايادي المبدعه والراقيه لوحه فنيه ومش اي لوحه لوحة نور
    الله يباركلك حبيبتي ويحميك اناقتك وترتيبك وزوقك الجميل في كل وصفاتك ربنا ما يحرمنا منك ومن وصفاتك الرووووعه

  20. احكي متل ما بدك حبيبتي كلامك متل العسل وان دل على شيء بدل على براءتك وحبك للاخرين وانا شخصيا بحب خفة دمك وبحب كل كلمه بتحكيها وعمري ما قرات اي وصفه لنور الا ابتسم وادعيلها من قلبي

    • ربي يخليلي ياكي ويرفع قدرك في الدنيا والآخرة😍
      صدقا أنا وعم اكتب الوصفة هاد بكون همي اني دخل الفرحة لقلوبكم الطيبة
      والحمد لله رب العالمين على كرمو وفضلو 😄
      ربي يسعدك بكل أوقاتك يا غالية😘

  21. ما شاء الله روووعة وتشكيلهم رائع ولونهم اروع يسلمو اديكي يا فنانة وان شاء الله بترجع المقدمة اللطيفة يلي تعودنا عليكي فيها قرأتها تحت بس لا مع الوصفة غير رجعيها.
    ربي يباركلك في صحتك وحياتك ورزقك يارب وتشوفي ايام حلوة وسعيدة.

  22. ما شاء الله شو هالوردات الروعه وشكلهم بجنن وتلوينهم رائع وانتي احلى ورده فيهم ربي يسلم دياتك ويباركلك ويسعدك

    نوارتنا ونوارة زاكي بالفعل وصفتك ناقصه بدون كلامك يلي بحليها زياده وكلنا بنستمتع بقراءة وصفتك .. وغياب المقدمه خلاكي تعرفي معزتك عنا جميعا وانه اثر فينا وعرفتي قديش غلاتك عنا …ان شاء الله بتعوضيها بالوصفات الجايه

  23. ههههههههه وهي تعليق جديد هيك ها وشكلين ما بحكي 😈 😂😂

    تسلم ايدك يا نووراة الحلوة ع هالابداع والوردات الحلوات يلي متلك 😘😍 شهتيني عليهم شكلهم زاكي جدا

    وفعلا العين يلي بتاكل 😍😍😍😍

  24. ما شاء الله شو هالحلا يسلمو اديكي يا مبدعه
    وانا بحكي متل الكل اكيد اللمسه السحريه مش بس بالوصفه
    اكيد بكلامك الحلو المرح الي عودتينا عليه

    الله يباركلك وما يحرمنا من وصفاتك وحكياتك العسل متلك 😘😘❤

  25. ياويل قلبي يانور شوهاد لك يسلملي المعدل والزوق انا اي 😘

    يعطيكي الف عافية ياقلبي
    منظرن بيشهي ماشاءالله
    وخاصة اذا من تحت دياتك يااااااعيني😘😘😄

  26. يما يما يما ما هازا يا هزاك شنوووووو هااااااظ والله يختي فكرتك منزلة طريقة تنسيق زهور عنجد عنجد شكلهم تحححححححفة يسلملي انا المزوووء والمعدل انا والله كل شي من تحت دياتك عسسسسسل 😍😍😍😍😙😙😙😙😙😙

    وبخصوص المقدمة شكلو زاكي كان نازل عندو السكري لما نزلتي قام اكل كلامك الحلو لحتى يرفع السكر لقى كلامك احلا من الحلو الي منزليتو اكلو بس الله يسامحكم ما تخلولنا شوي 😔😔هههههههههههه😂😂😂😂😂

  27. شنووووووو هاظظظظظ
    ورد وانتي اصلا وردة واحلى وردة
    شي نااااااهي ولزيززززز
    عنجد وصفتك زاكيييييييه كتير
    والله المعدل معدل ياناس اللهم بارك

اترك تعليقاً

لن يتم نشر عنوان بريدك الإلكتروني.