قتلمه افغاني او اسفنج افغاني ملكة الحلويات الافغانية

105 6٬240
 

قتلمه افغاني او اسفنج افغاني ملكة الحلويات الافغانية

قتلمه افغاني او اسفنج افغاني ملكه الحلويات الافغانيه

قتلمه افغاني او اسفنج افغاني ملكة الحلويات الافغانية

قتلمه افغاني او اسفنج افغاني ملكة الحلويات الافغانية , معكم صديقة زاكي الشيف الموهوبة ,

المقادير

  • كيلو طحين ابيض
  • 3 بيضات بدرجه حراره الغرفه
  • كوبين حليب دافي سائل
  • ربع كوب زيت نباتي
  • نص كوب سكر
  • معلقه كبيره فانيلا سائل
  • معلقتين صغار خميره
  • رشه ملح
  • معلقه كبيره خل ابيض
  • للتوريق:
  • 200 غرام زبده سايحه
  • للتقديم:
  • سكر مطحون
  • اي نوع صوص حلو بتفضلوه

الخطوات

حابه احكيلكم اني كثير اشتقتلكم وهاي رجعتلكم الحمد لله بعد امتحانات اولادي وبلشو عطلتهم يوم الاحد والحمد لله علاماتهم منيحه وهيك بتكون الحمد لله انتهت هالسنه الدراسيه عخير بفضل الله

الله يحفظ اولادي واولادكم جميعا ويرزق كل متمني الذريه الصالحه يا رب

وما بدي اطول عليكم بالوصفه

بسم الله نبدا

بوعاء العجن بنضع الطحين والخميره والسكر والملح وبنخلطهم على الناشف وبعد هيك بنضيف البيض والحليب والخل والفانيلا وبنبلش نعجن فيهم لما تتماسك العجينه بنضيف الزيت وبنواصل عجن لما نحصل على عجينه ناعمه وطريه بنغطيها وبنتركها تخمر لمده نص ساعه وبعد هيك بنقطعها لعشر كور متساويه وبنبلش نرقهم وبندهن السمنه السايحه بين كل طبقه و طبقه وبس نخلص فرد كل القطع فوق بعض ودهنهن منيح بالزبده بنكون حصلنا على رغيف كبير مكون من عشر طبقات رقيقه بنقسم العجينه الي حصلنا عليها لقسمين وبعد هيك بنبلش نقطع العجينه لاشرطه طويله وبنوخذ كل شريط لحال وبنلفو على اصابع اليد او على معلقه خشبيه وبنثني الجهه الأعلى من الشريط لتحت وبنمسك طرف الشريط الي تحت وبنثنيه لفوق وبنضغط شوي على العجينه للتماسك معنا شوي وبعد منخلص تشكيل الكميه الي عنا بنبلش نقلي فيهم بزيت غزير عنار وسط لما يوخذو اللون الذهبي بنقلبهم على الجهه الثانيه وبس يستوو بنطلعهم من الزيت على ورق المطبخ ليمتص الزيت الزايد يلي فيه وبنضعهم على صحن التقديم وبنرش عليهم السكر المطحون او الصوص الي بتحبوه حسب رغبتكم ما تتخيلو قديش قرمشتها من برا ولا طراوتها من الداخل عنجد اشي خيالي وطعم رائع ومميز

والف صحه وهناا عقلوبكم

ملاحضه لازم نتعامل مع العجينه بحذر لانها طريه وخصوصي بعد دهنها بالزبده السايحه

يمكن شويها بالفرن لمده ربع ساعه عنار هاديه بدل القلي حسب رغبتكم

باستطاعتنا البدء بالقلي مباشره بعد التشكيل اول بأول على مراحل حسب رغبتكم اكيد

بتمنى تجربوها وتعجبكم ولا تنسو تضيفوها للمفضله تحياتي الكم جميعا رشا ام احمد

عرض التعليقات (105)