منزلة باذنجان بطريقتي سلسلة طبخاتنا الشعبية 1 ملكة الاكلات الأردنية

43 2٬422
 

منزلة باذنجان بطريقتي سلسلة طبخاتنا الشعبية 1 ملكة الاكلات الأردنية

طبخاتنا الشعبية 1 (منزلة باذنجان بطريقتي) ملكة الاكلات الأردنية

منزلة باذنجان بطريقتي سلسلة طبخاتنا الشعبية 1 ملكة الاكلات الأردنية

منزلة باذنجان بطريقتي سلسلة طبخاتنا الشعبية 1 ملكة الاكلات الأردنية , معكم صديقة زاكي الشيف الموهوبة ,

المقادير

  • حبتين باذنجان كبار
  • بندورة مهروسة أو مفرومة متل ما بتفضلوا
  • حبتين بصل وسط
  • تقريبا ثلاث حبات ثوم
  • زيت نباتي
  • ملح
  • فلفل أسود

الخطوات

يعطيكم ألف عافية عضوات زاكي الكريمات والله عنجد صار زاكي متل الإدمان عندي ما بحب يمر يوم بدون ما أفتح عليه واتفرج على الوصفات الحلوة وعلى شيفاته المعدلات وهنه بيتبادلوا أفكار الطبخات والحلويات والتعليقات والدردشات اللطيفة والحلوة

حتى أنا صرت بحس إني صرت بحب خاطبكم بطريقة تانية مش جامدة متل وقت ما كنت بخش بالموضوع على طول بالنسبة للوصفة

على العموم ربي يسعدكم جميعا وحدة وحدة ويوفقكم ويحقق أمانيكم

بالنسبة للوصفة البسيطة اليوم إلي هي منزلة الباذنجان والي برغم بساطتها زاكية كتير لأنه فيها باذنجان أنا بعملها بطريقتين الأولى بفرم البصل وبقليه وبعدين بضيفله الثوم المفروم كمان وبعد ما يتقلوا ويدبلوا بضيف الباتنجان بعد ما اقشره واقطعه مكعبات ولما يدبل ويتقلى بحط البندورة يا إما مهروسة أنا بهرسها عالخلاط وبعبيها بأكياس وبفرزها للطبخات أو بندورة مفرومة عادي وهي إلي استخدمتها بالطريقة التانية للمنزلة إلي هي بس ضفتلها لحمة مقطعة صغيرة

وبس وبعد ما تستوي منيح وتتسبك كلها مع بعض بملحها وبفلفلها وبقدمها مع لبن مع خضرا متل الفقوس ويا عيني عالحروش والفليفلة الخضرا معها

وصحة وهنااااا

43 تعليقات
  1. آلاء محمد :

    تسلم ايدك أنا من عشاق الباذنجان وين ما بلاقي بحبو

  2. loulou :

    يسلمووو الاياادي
    كتييير بحب هالأكلة 😍😍

  3. سواره :

    تسلم الايادي إن شاء الله

  4. أم عبدالله الفارس :

    البيتنجان بكل حالاته عشق😍😍😍

    تسلمي يا رب و تسلم الأيادي إن شاء الله حبيبتي
    صحه وهنا عليكم

  5. لين :

    ربي يسلمهم ديااااتك شكلها طيييبه صحتييين وعافيه😘💝🌹

  6. ام عمرو :

    الله يسلم هالديات حبيبتي

  7. نادية :

    شهية تسلم اديكي ياعسل

  8. جوري :

    من ازكى الاكلات عندي وخصوصآ من كاسة لبن مخيض يابووووووي وفلفل حار يا ولدي
    صحه وعافيه ورده دائمآ مبدعه
    صحه على الحروش الي جنبو

  9. 💖نور أحمد💖 :

    روووووعة والله شكلها بشكي ياقلبي
    ربي يسلم هالديات ويعطيكي الف عافية يا مبدعة
    صدقا طبخاتك بكل اشكالها وانواعها الا نكهة تانية ورونق مميز تماماً اللهم بارك 😍
    والقلب عالقلب ياعمري نحنا منحبك اكتر😘

  10. رشا رشا :

    يا سلاام على البسااطه من اطيب الاكلات
    يسلمو اديكي الف صحه وهنا حبيبتي ❤😘

  11. joudi :

    يعطيكي ألف عافية شغل مرتب صحة وعافية

  12. ام علي🌸A🌸 :

    مع اني ابدا مابحب اكلها…بس بعملها لانها مفيده…

    يسلمو الايدين

  13. 🍒أم محمّد🍒 :

    يسلموو دياتك ..اكلات الباذنجان روعه
    صحه وعافيه

  14. 💖أحبكم بالله💖 :

    يسلمو ايديكي كثير بحبها مع نعنع ناشف وتكون حارة شوي 😋

  15. غير معروف :

    لولو

    تسلم ايديكي اشتقنا لوصفاتك 😙
    بيشبه كتير مكمور البيتنجان الحلبي
    بس منحط كزبرة يابسة ومنقلي البيتنجان
    وبدون توم
    وفعلا طيب كتير هدول اكلات الصيف خفاف وبموسمن
    بانتظار ابداعاتك 😙

  16. اولادي سعادتي ( ام آدم) :

    تسلم ايدك حبيبتي عووووووافي والف هنا عقلبكم

  17. om saleh :

    تسلم ايدك زاكيه ومفيده وخفيفه

  18. إم مصطفي 😉 :

    ما شاء الله عليكي حبيبتي فعلااا روووعه وكتير زاااكيه ربي ما يحرمنا من هالوصفات الرائعه اللهم بارك يسلمووو هالديات يا وردتنا🌷😙😍

  19. فلسطينيه و افتخر✌ :

    يسلمو ايديكي وردتنا الحلوه ويعطيكي العافيه يا رب😍🌹😘

  20. 💠أم جاسم💠 :

    ما شاء الله روووعة
    صحة وهنا ويعطيكي العافيه

    1. أم صبحي :

      أهلاً أم جاسم.. نور زاكي بطلتك الحلوة يا قلبي
      الحمدلله على السلامة.. استفقدتلك كتييير
      واستفقدت لوصفاتك يا ملكة زاكي 😃

    2. وردة الأردن(الجبل) :

      تسلمي ام جاسم نورتي بطلتك

  21. أم صبحي :

    يسلموا إيديك
    صحة وعافية 💖

  22. أمي جنتي :

    ماشاءالله
    الله يبارك لكم
    شاطر تحيي التراث من جديد هذا يدل على عمق تفكيرك الحمدلله الخير باقي .

  23. فاطمة..ام ملك.. :

    يسلمو ايديكي يااارب

  24. 🌺🌺🌺🌺 :

    ابيييييييي ماازكاها

  25. 🌸جمانة🌸 :

    بحبها بسيطة و سهلة زاكية خفيفة ع المعدة يسلمو هالايدين

  26. ام علاء ابو يحيى :

    يسلموووو من اطيب الاكلات ما شاء الله عنك حبيبتي ربنا يكرمك

  27. 🎀 سماء اليمن ام أحمد 🎀 :

    روووعه ماشاءالله شغلك بيجنن

  28. وردة الأردن(الجبل) :

    تسلموا حبيباتي جميعا على لطفكم وذوقكم

  29. ريحانة🌿 :

    تسلم إيدك .. راااائعة👍🌷

  30. Farah :

    يسلم ايديكي شكله كتير زاكي يعطيكي الف عافية يا رب 👏👏👏👍👍👍💖💖

  31. داليا-الحربي :

    يسلموو ايديكِ 🌹

  32. هبة :

    1. هبة :

      وهي منزلتي😄

    2. آلاء محمد :

      صحتين وهنا

    3. هبة :

      على قلبك روحي

    4. وردة الأردن(الجبل) :

      بتشهي بالعافية حبيبتي

    5. هبة :

      تسلميلي ياقلبي😘

  33. هبة :

    يسلم ايديكي ياعمري منظرا بيشهي واكلة سهلة وسريعة
    الله يعطيكي الف عافية😘

  34. صفاء 👒 :

    كتير زاكية ومشهية والله
    يعطيكي العافية يا احلى وردة بكل الأردن والله

  35. وردة الأردن(الجبل) :

  36. وردة الأردن(الجبل) :

    بارك الله فيكم جميعا ومشكورات على الكلام الطيب

اترك رد

لن يتم نشر عنوان بريدك الإلكتروني.