img
الرئيسة / أطباق رئيسية / مفركة بطاطا سلسلة طبخاتنا الشعبية 2 ملكة الأكلات الأردنية

مفركة بطاطا سلسلة طبخاتنا الشعبية 2 ملكة الأكلات الأردنية

/
/
/
2191 مشاهدات

 

مفركة بطاطا سلسلة طبخاتنا الشعبية 2 ملكة الأكلات الأردنية

مفركة بطاطا سلسلة طبخاتنا الشعبية 2 ملكة الأكلات الأردنية

مفركة بطاطا سلسلة طبخاتنا الشعبية 2 ملكة الأكلات الأردنية

مفركة بطاطا سلسلة طبخاتنا الشعبية 2 ملكة الأكلات الأردنية, معكم صديقة زاكي الشيف الموهوبة ,

المقادير

  • أربع حبات بطاطا
  • بصل يابس 2
  • زيت نباتي
  • ملح
  • فلفل

الخطوات

هالوصفة هاي كمان من الوصفات الشعبية البسيطة إلي بنعملها ببيوتنا و بتنعمل كمان يا إما بطاطا و بصل لحالهم أو بيصير مع بيض يا إما بعملها ناشفة مقلية ومقحمشة يعني هههه يمكن مش الكل بيعرف مصطلح مقحمش

المهم أو بتنعمل ندية شوي رطبة متل المسلوقة تقريبا بغطيها عالغاز وبحطلها شوية مي وإلا الحكاكة إلي بتتكون تحت بالطنجرة أو القلاية بتسابقوا عليها جوزي وبناتي والله وأكيد في ناس كتير هيك

بالنسبة للي نزلتها عملتها بكل بساطة كالآتي فرمت البصل ناعم وقليته وحمرته شوي حسب ما بنحبه وقطعت البطاطا مكعبات بعد ما قشرتها وغسلتها وقليتها شوي لحالها بعدين ضقتها فوق البصل تتقلى وتتحمر معه بالزيت وطبعا ممكن اقليها دغري مع البصل وحطيت ملح وفلفل وخلص بتتقدم مع صحن سلطة أو لبن

وصحة وهنااااا

50 تعليقاً

  1. يسلموا هلادين
    انا بسخن زيت الزيتون شوي وبضيف البطاطا وملح وفلفل اسود زاكيه كثيييير خصوصا اخر المقلاه لانها بتكون مقرمشه
    صحه وهنا عقلوبكم

  2. صحه وهنا يارب زاكيه هيك وكمان مع بيض والقحاطه المقرمشه حكايه بنترك الصحن وبنبلش زي المقلوبة الرز اللي بضل بالطنجره أزكى اشي بشبع منه 😅😊

  3. تسلم ايدك ويعطيكي الف عافية …………..هلأ هاي اسمها مفركة بطاطا وانا بحكي عنها بطاطا وبصل يقطعني 🤣🤣🤣🤣🤣 بس بدك الصراحة بتشهي كتير كتير 😘😘😘😘😘

  4. مرحبا خواتي بصراحه كل مره بشوف تعليقاتكم هون وتعارفكم ع بعض بس مو عارفه اشارك معكم ،علمومي لكون وحده منكم و اتعرف عليكم اكتر

    • أهلا وسهلا فيكي بتقدري إذا بتحبي تشاركي هون بالتعليقات عالوصفات وابحثي عن قروبات هون على زاكي مثل قروب صبايا الوطن العربي مثلا واتعرفي عالصبايا

      أو إذا بتحبي كمان تكوني عضوة بزاكي إذا عندك موهبة الطبخ والحلويات بتشتركي بزاكي وتنزلي طبخاتك وبيصيرلك ملف كمان وبتتعرفي بالعضوات وفوتي على أول عنوان بيطلعلك لما تفتحي زاكي إلي هي مسابقة الاكلات…. واسالي الادمن بتفيدك أكتر

  5. يسلمو ايديكي ويعطيكي العافيه
    مفركة البطاطا زاكيه كتييير على الفطور والعشا والغدا لما نعمل نواشف
    وانا بنعملها بدون بصل واخر شي بحط معها بيض
    طبعا زاااكيه بكل أشكالها 😋😋😋😋

اترك تعليقاً

لن يتم نشر عنوان بريدك الإلكتروني.