img
الرئيسة / كيكات / الكيكة القبرصية الشهيرة ( طلعت مش كيكة طلعت قنبلة نووية)

الكيكة القبرصية الشهيرة ( طلعت مش كيكة طلعت قنبلة نووية)

/
/
/
4803 مشاهدات

 

الكيكة القبرصية الشهيرة ( طلعت مش كيكة طلعت قنبلة نووية)

الكيكة القبرصية الشهيرة ( طلعت مش كيكة طلعت قنبلة نووية)

الكيكة القبرصية الشهيرة ( طلعت مش كيكة طلعت قنبلة نووية)

الكيكة القبرصية الشهيرة ( طلعت مش كيكة طلعت قنبلة نووية), معكم صديقة زاكي الشيف الموهوبة ,

المقادير

  • لطبقة الكيك
  • 3 بيض
  • نصف كوب سكر
  • نصف كوب زيت ذرة
  • م.ص فانيلا
  • م.ص بيكينج باودر
  • كوب بقسماط ناعم
  • كوب جوز عين جمل
  • كوب جوز هند
  • قطر بارد وسط القوام ( كوب ونص ماء على كوبين سكر)
  • لطبقة القشطة
  • لتر حليب سائل
  • كوب نشا
  • 3 م.ك سكر
  • م.ص فانيلا
  • ظرف كريما بودرة
  • للتزيين:
  • جوز هند
  • فستق حلبي

الخطوات

السلام عليكم ورحمة الله وبركاته

حلو اليوم من قبرص ، شي فخم وكثيييير زاكي ، يعني شكل حلو وطعم زاكي وضيافة مفتخرة. واحلى شي بالموضوع انها مافيها طحين!

خلينا نشوف الطريقة

أولاً/ الكيك

بنخفق البيض مع السكر والفانيلا لحتى يفتح لونه شوي وبنضيف الزيت وبنتابع خفق واخر شي بنضيف كوب جوز هند وكوب عين جمل مجروش وكوب بقسماط. وبيكنج باودر.

ملاااااحظة/

البقسماط استبدلته بخبز يابس وطحنته نفس الفكرة يعني بس انه خبز الخالي من الجلوتين عشان ابني يستمتع بالحلو . ولو ماعندك بقسماط جاهز اطحني خبز يابس بزبط.

—بنحصل على خليط بشبه البسبوسة بنفرغه بجاط حراري مدهون زيت.

—بنخبزه بفرن محمي على 180 لمدة نصف ساعة في الرف الوسط.

—بس يستوي بنسقيه قطر بارد قوام وسط ( كوبين سكر وكوب ونص ماء )

—بنتركه يهدى من الحرارة لحتى نحضر طبقة القشطة.

ثانياً/ القشطة

بنحضر مهلبية عادية مكونة من لتر حليب وكوب نشا وم.ص فانيلا وبنغليه مع التحريك المستمر لحتى يثخن القوام ، بنرفعه عن الغاز.

—بنضيفله وهو سخن ظرف كريما بودرة وبنخفقه مزبوط.

ثالثاً/ تطبيق الكيكة

بنفرغ القشطة فوق الكيكة وبنسوي السطح وبنرشها بطبقة وفيرة من جوز الهند.

—وعالثلاجة تبرد تماما حوالي اكمن ساعة انا خليتها لثاني يوم.

رابعاً/ التزيين والتقديم والطعم

بعد ماتبرد قطعيها مربعات وزيني حسب زوقك انا حبيت لون الفستق الحلبي على الابيض حلو بطلع وخرز زهر ، لو عندك كرز او فراولة بتطلع رائعة.

—قدميها مع فنجان قهوة شيء خيالي صراحة كثييير طيبة فاقت توقعاتي ومغذية عفكرة لان فيها جوز وجوز هند.

—تنبيه—

بتشبع هاي الكيكة يعني لو جيعانة واكلتي قطعه بتروح معك عدة ساعات مابخطر ببالك الاكل. فانتبهوا لا تاكلوها او تعطوها اطفالكم قبل الوجبة.

—بتمنى تجربوها وتنال اعجابكم وصحة والف هنا

233 تعليقاً

  1. تسام ايدك حبيبتي ام جاسم الكيكه رووووعه قبل شهرين نزلتها على زاكي وقغلا كانت طيبه ودسمه لا يعلى عليها خاضة لعشاق الجوز
    الله يباركلك ويحفظك لابنك وبحفظلك اياه يا رب

  2. بتششششششششهي ربي يسلم هالديات يا وردة زاكي منظرهااااا رووووووعة وعلى المفضلة ع طوووووووول وقيد التجربة لأنها جد جد باين عليها طيبة 😋😋😋😋

  3. قل أعوذ برب الفلق»»يارب يارب يارب ترزقني سلفه بطيبة قلبك يا ام جاسم وتكون الي اخت …والله ..بحب اعامل الناس باحترام ودايما بدعي ربي انو يكملها معي ومعرفه الناس الطيبه اكبر مكسب ….وانتي منهم دمتي بخير وبحفظ الرحمن دمتي

    • ربي يسعدك ويبارك فيكي ويعز مقدارك يا ام البنات والله كلامك خجلني من لطفك وزوقك وربنا مارح يخيبك ورح يرزقك بسلفة طيبة لانه انتي طيبة وبتستاهلي كل خير وزي مابحكي المثل الطيور على أشكالها تقع.
      نووووورتيني

  4. غلبتك معي اتحمليني …انا ما بحب الكريما ابدا بشو استبدلها …وبدي طريقه كيك شاي بصلح اخذوا بسفر لعدة ايام انشالله افهمتي علي …وشكرا الك

    • ولا يهمك ام البنات
      استثني الكريما اذا مابدك ياها.

      الكيكة اليومية موجودة بملفي كيكة الليل و النهار ، بتضل معك طرية وبتجنن ايااااام اهم شي تنلف بنايلون او بلاستيك مايوصلها هوا.

      وإذا بدكياها سادة لا تقسمي الخليط ولا تضيفي كاكاو.

  5. ام جاسم لدي علي جاي
    فهميني بس ليش احنا بنحبك وليش كل وصفاتك متل الالماس وليش وليش بتصدقي هاد اارؤيا الي شفتها فيكي وانتي طالعه ع جبل حراء كنتي متل البدر ونحنا كل ستات زاكي كنا بنضحك ألك
    اللهم بارك اللهم بارك اللهم بارك اللهم بارك
    نيالك بحب الناس الك ياريت اصير متلك ياريت بكل شي
    ربي يحفظك بعينه التي لاتنام
    ويديم عليكي الخير وحب الناس
    ….
    بالنسبه الوصفه بس بحكيلك ياريت ادوقها من تحت دياتك بحق وحقيقي اللهم بارك
    عنجد غريب مكون هالكيكه
    بتقدري توصفيلي شو بشبه طعمها
    دمتي برعايه الله

    • ربي يسعدك ويبارك فيكي هديل والحمدلله على نعمة القبول وما شاء الله كيف كل اسرة زاكي كإنا عيلة وحدة بتحب بعض وبتخاف على بعض حتى رؤياكي سبحان الله كيف بنحلم ببعض.
      ربي مايحرمني منكم ومن كلامكم الطيب يارب.

      بالنسبة للكيكة طعمها خرافي والخبز ماببين ابدا ابدا ببين طعم بشبه البسبوسة جوز الهند ظاهر طعمه اكثر شي وجوز عين الجمل بس الخبز ما حد رح يعرف انه موجود لانه ما اله طعم بس وظيفته اعطى قوام وربط المكونات ببعض.

      جربيها وعلى مسؤوليتي مارح يضل ولا قطعة منها بس اذا عيلتك صغيرة اعملي نص المقدار لانها مبركة ومشبعة.

  6. كيف أصبحتم اليوم ؟؟؟

    حينما سئل ابن تيمية: كيف أصبحت ؟
    قال : بين نعمتين ﻻ أدري أيتهما أفضل !
    ذنوب قد سترها الله فلم يستطيع أن يعايرني بها أحد من خلقه، ومودة القاها في قلوب العباد ﻻ يبلغها عملي .

    وحينما سئل ابن المغيرة :
    يا أبا محمد كيف أصبحت ؟
    قال : أصبحنا مغرقين بالنعم عاجزين عن الشكر .
    يتحبب ربنا إلينا بالنعم وهو الغني سبحانه، ونتمقت إليه بالمعاصي ونحن له محتاجون .

    ولابن القيم قول جميل
    قال : لو رزق العبد الدنيا ومافيها ثم قال الحمدلله؛ لكان إلهام الله له بالحمد أعظم نعمه من إعطائه له الدنيا؛ ﻷن نعيم الدنيا يزول، وثواب الحمد يبقى .

    فاللهم ما أصبح بي وامسى من نعمة أو بأحد من خلقك فمنك وحدك ﻻشريك لك فلك الحمد ولك الشكر .

  7. ام جاسم العسل اختي اللي حبيتها من غير مااشوفها او اعرفها عن قرب
    تسلم ايديكي والله يحميكي ونكون سوا اصحاب بالجنة ياملكة وصفتك فوق الخيال بتشهي
    ماشاءالله لاقوة الابالله عليكي الله يبعد عنك وعن عيلتك كل شر واذى

  8. بسم الله وماشاءالله😀
    الله يسلم ايديكي ياقلبي ابدعتتتتتي كالعادة
    منظرا وتزيينا بشهي اللهم بارك😍
    الله يعطيكي الف عافية ياقلبي😅
    الله يهني اهل بيتك فيكي يارب😘

  9. شي فاخر بفتح النفس ريتو صحه وعافيه ام جاسم بس بدي اسألك البقسماط يلي عملي هو نفسو بنعمل لما بدنا نقلي الجاج ولا لأ😊♥️

    • مقادير البرازق
      اول مرحلة
      3 ونص كوب طحين
      كوب وربع سمنة طرية
      رشة ملح
      *بنخلطهم سوا وبنعجنهم كويس وبنريح نص ساعة بالثلاجة.

      المرحلة الثانية
      بتجهزي كوب ماء ونص كوب سكر ومعلقتين قطر بتخلطيهم كويس وبتطلعي العدينة من الثلاجة بتكون جمدت بترجعي بتعجنيها وبتضيفيلها خليط المي وبتعجني وتخلطي مزبوط رح تصير مرقة عادي انركيها ترتاح نص ساعة برا الثلاجة بتمتص السولئل الزايدة.

      *المرحلة الثالثة
      جهزي كاستين سمسم عليهم معلقتين قطر وخلطي مزبوط ورشي معلقتين مي وخلطي لحتى تروح دبقة القطر عن السمسم.

      *بتصيري بتاخدي من العجينة كرات صغيرة وتضغطيها قرص رقيق وعلى السمسم بيلزق عليها السمسم وعالصينية.
      *اذا بطل يلزق السمسم على البرازق رشي مي عالسمسم وافركيه بيرجع بفك وبيلزق.

      * بترصي حبات البرازق جنب بعض بالصينية وعلى فرن حرارته هاديه 160 الرف الوسط ربع ساعة. بكون استوى ونشف وتحمر خفيف.

      *اتركيه يبرد بالصواني قبل ما تشيليه لان بكون في طراوة.

  10. ماشاء الله اللهم بارك اللهم بارك 😍
    تألق فريد بلا حدود ياقلبي
    ربي يسلم هالأنامل ويزيدك علم وجمال ويهني كل مين عم ياكل من تحت ايديكي😙
    الوصفة سهلة وبتشهي والله متل العادة 😋😋

  11. جربتها طلعت بتشهي عنجد…يسلمو اديها يالي بتحط وصفة مضمونة والله اكتر من مرة اجرب وصفات وماتزبط خاصة وصفات الكعك عنجد بشكرها كتير الي بتكون قد المسؤلية

اترك تعليقاً

لن يتم نشر عنوان بريدك الإلكتروني.