تتبيلة السمك المثالية مع طريقة بهارات السمك

136 21٬873
 

تتبيلة السمك المثالية مع طريقة بهارات السمك

تتبيلة السمك المثالية مع طريقة بهارات السمك

تتبيلة السمك المثالية مع طريقة بهارات السمك

تتبيلة السمك المثالية مع طريقة بهارات السمك, معكم صديقة زاكي الشيف الموهوبة ,

المقادير

  • نصف كوب ثوم طازج
  • 5 قرون فلفل حار احمر
  • 1 قرن فلفل أخضر اختياري
  • نصف كوب عصير ليمون مع خل
  • م.ص كمون مطحون
  • م.ص كزبرة بودرة
  • م.ك ملح
  • م.ص فلفل اسود
  • زيت زيتون كمية غير محددة
  • السمك اللي استخدمته نوع الشعور واللوت

الخطوات

السلام عليكم ورحمة الله وبركاته

انطلب مني بهارات السمك من بعض الاخوات فحبيت افرجيكم طريقتي بالسمك يلي هيه تتبيلة مش بهارات ورح ارفق مكونات بهارات السمك كمان للي بتحب تعملها.

أولاً/ التتبيلة

بنطحن الفلفل عالخلاط وبعدين الثوم وبنضيفله الخل والليمون وممكن خل فقط او ليمون فقط وبخلطهم مزبوط لحتى يصير خليط مائل للسيولة واطا ماكان سائل كفايه بنضيف ليمون اضافي وبنتبل فيه السمك يلي بنكون منضفينه وعاملين فيه شقوق بالسكين وبندخل من التتبيلة بالشقوق وداخل السمكة.

* بنترك مقدار ملعقتين او ثلاث من التتبيلة على جنب وبنضيفلهم قدهم زيت زيتون ورح تشوفوا لشو بدنياهم بعد شوي.

* بنتركهم بالتتبيلة ساعة فقط ما بتحتاج اكثر لان لحم السمك طري وبينهرى بسهولة.

ثانياً/ شوي السمك

بنرتب السمك بصينية فرن يها ورق الزبدة او مفروشة اعشاب مثل البقدونس والكرفس وشومر واكليل الجبل عشان نحمي السمك من الحرق.

—بندخل السمك على فرن حامي بالرف الوسط بيحتاج نصف ساعة تقريبا .

ثالثاً/ خطوة مهمة

في نصف عملية الشواء بنطلع السمك وبندهنه من التتبيلة يلي ضفنالها زيت وخاصة بالشقوق يلي بتكون فتحت اصلا هاي العملية بتعطي زكاوة وطراوة للسمك ما بيطلع ناشف.

رابعاً/ التقديم والطعم

بعد مرور نصف ساعة عالسمك بنحمره وممكن قبل التحمير دهنة تتبيلة كمان بتعطي لون رائع.

بنقدمه مع السلطات او صوص السمك الحار بس هيه التتبيلة حارة اصلا فممكن ما تحتاجي الصوص الحار.

خامساً/ بهارات السمك

صبايا اللي طلبوا بهارات السمك هي مكوناتها انا بطلت استعملها من لما عرفت هاي التتبيلة بتغنيكي عن اي توابل بس هي مكوناتها

2 م.ك كزبرة حب

2م.ك كمون حب

م.ك بابريكا

م.ك كركم

م.ص هيل حب

م.ك بصل بودرة

م.ك ثوم بودرة

م.ص قرفة بودرة

م.ك فلفل ابيض او اسود مطحون

م.ك زنجبيل مطحون

* بتتحمص المكونات الحب وبتبرد بعدين بنطحنها مع اضافة المكونات البودرة وبتحفظ في المطبخ بعيداً عن الرطوبة.

—بتمنى تجربوها وتعجبكم وتعطوني رأيكم لانه بهمني وصحة وهنا مقدماً.

عرض التعليقات (136)