امثال جداتنا

79 9٬819
 

امثال جداتنا

امثال جداتنا

امثال جداتنا

امثال جداتنا , معكم صديقة زاكي الشيف الموهوبة ,

اليكم بعض من الأمثال القديمة الي كانت جداتنا تحكيها واكيد طبعآ هاي بس للفكاهة والضحك حبيت نغير جو سوا ونضحك ويلا خلينا نقرأ ونستمتع ونضحك سوا طبعآ اخر صورة حبيت امدح حالي شوي يعني شفت حالي بستحق هالكلام الحلو دللت نفسي في يا جماعة مش كبرة ولا شوفة حال بس الواحد حلو يدلل نفسو بكلمات حلوة حتى نعطي نفسنا طاقة اجابية جربوها طلو ع حالكم بالمراي وتغزلو بنفسكم واعجبو بجمالكم وشوفو كيف رح تحصلو على طاقة قوية
قالت ستي

وقت الكباب سكروا الباب ووقت المجدرة نادوا للمعترة

ابن آدم نصو خلقة ونصو خرقة ويلي ما بتزينو عروقو ما بيتزينو خروقو

البخيل متل الكديش بيحمل دهب وبياكل حشيش اي نعم

خدي الفارس ولا تاخدي الدارس

خايف هزك يا غربالي يوقع منك كل عزيز وغالي

العشرة يلي هانت ياريتها ما كانت..!

اللي بيعاتب الرخيص بيرخص

الأصيل أصيل ولو حظو على قدو وإبن النعمة مبين ولو الزمن هدو

مو كل ورد خلق للشم ولا كل البشر بتنفدى بالدم

قالتلا ياجارة سكبيلي .. ردتلا بكفوفي ولا بصحونك الي ع رفوفي

لا تضرب وتغمق الجرح مابعد العداوة إلا الصلح

ناموا عندي ليلة فكروا حالهم من العيلة

بنت الأصل بتخلي كوخها قصر

خليكي عند أهلك عزيزة وشبعي دلال صح كتار الشوراب بس قليلين الرجال

قبل ماتركبي لأذانك حلق روحي ركبي لتمك غلق

ماصفي حدا صالح كل الناس مصالح

عرض التعليقات (79)