img
الرئيسة / كيكات / كيكة بحشوة الشوكولا خالية من الجلوتين سلسلة صحتي في غذائي

كيكة بحشوة الشوكولا خالية من الجلوتين سلسلة صحتي في غذائي

/
/
/
1808 مشاهدات

 

كيكة بحشوة الشوكولا خالية من الجلوتين سلسلة صحتي في غذائي

كيكة بحشوة الشوكولا خالية من الجلوتين سلسلة صحتي في غذائي

كيكة بحشوة الشوكولا خالية من الجلوتين سلسلة صحتي في غذائي

كيكة بحشوة الشوكولا خالية من الجلوتين سلسلة صحتي في غذائي, معكم صديقة زاكي الشيف الموهوبة ,

المقادير

  • 4 بيض مفصول الصفار عن البياض
  • نصف كوب زيت ذرة
  • م.ك فانيلا
  • م.ك بيكنج باودر
  • كوب سكر
  • برش برتقالة او ليمونة
  • كوب طحين رز ناعم جدا
  • نصف كوب نشا الذرة
  • ملعقتين كاكاو مذوب مع قليل من الماء

الخطوات

كيكة بحشوة الشوكولا خالية من الجلوتين سلسلة صحتي في غذائي

السلام عليكم ورحمة الله وبركاته

وصفة اليوم من سلسلة صحتي في غذائي هيه كيكة بنكهتين البرتقال والكاكاو ومحشية ومغلفة بالشوكولاته

بتمنى تعجبكم وتجربوها.

أولاً/ خليط الكيك

اول شيء بنفصل بياض البيض عن الصفار وهالخطوة تقريبا اساسية في الكيكات الخاليه من الجلوتين عشان تعطينا ارتفاع للكيكة كونها بدقيق الأرز وهوه ثقيل مش زي دقيق القمح خفيف.

—بنفصل الصفار وبنضيفله فانيلا وبرش برتقالة او ليمونة وزيت الذرة وبنخفقه بالمضرب اليدوي وبنتركه عجنب.

—بنخفق البياض مع رشة ملح لحتى يصير ابيض ويرتفع شوي بنبدأ نضيف السكر تدريجيا رشات اثناء الخفق لحتى يجمد ويصير زي الكريما متماسك.

—بنضيف خليط الصفار للبياض وبنخفق شوي بس يمتزجوا وبنستغني هون عن مضرب الكهرباء.

—بنخلط دقيق الارز مع النشا والبيكنج باودر وبننخلهم فوق خليط البيض بالتدريج وبنقلب من تحت لفوق بخفة لحتى يختفي كل الطحين.

—بنذوب كمية الكاكاو بشوية ماء وبنخلطه وبنضيف عليه ثلث كمية خليط الكيك وبنقلب من تحت لفوق.

—بنفرغ خليط الكيك الابيض بالقالب المبطن بزيت ودقيق ارز وفوقه الخليط البني وبنحركهم بعود خشب بشكل دوائر عالخفيف .

ثانياً/ الخبز

زي الكيك العادي بندخل الكيك فرن محمي على 180 مدة نصف ساعة ل 35 دقيقة وبنختبره بعود خشب.

ملاااحظة

كبري القالب شوي انا اضطريت استخدم هذا القالب وضليت على اعصابي انه يسيح منه الكيك بس الحمدلله ما ساح بس لو كان القالب اكبر بنفخ اكثر من هيك.

ثالثاً/ صوص الشوكولا

استخدمي صوص بديل النوتيلا موجوده طريقته بملفي بالتفصيل . وبندهن فيه الكيكة بعد ما تبرد وبنعبي الفراغ يلي بنص القالب كمان بيعطي غنى للوصفة .

رابعاً/ التزيين

زيني حسب ذوقك انا استخدمت الشوكولا البيضاء المبروشة وحبات لوز وحبات شوكولا جاهزة خاليه من الجلوتين طبعاً.

خامساً/ الطعم

طعم الكيكة ما بيفرق عن الكيك العادي وهشة وممتازة نتيجتها رائعة وضلت 3 ايام وحافظت على طراوتها بفضل الله.

—بتمنى تكون عجبتكم وتجربوها وصحة وهنا.

سادساً/ ارفقت فيديو قطع الكيكة ان شاء الله يوصل بس وتشوفوه لانه ما صورت القطع صور عادية ما قدرت.

113 تعليقاً

  1. اللهم بارك
    أم راااائعة وبتجنني ومن قلبي بهني أهل بيتك فيكي يا مبدعة😘
    الكيكة بتشهي وجواد الله يحفظو ويعافيه محظوظ لأنو عندو أم حنونة ومثايرة متلك❤
    الكيكة بتجنن وكلها حنان ومنظرها بشهي والله
    تسلم اناملك يا ملكة😄

  2. يسسعد اوقاتك ام جاسسم كيفك يارب ب احسن حال..
    موعارفه راح تنتبهي عليها او لا لكن بتمنى..

    اذا ماعليك امر طريقتك بـ القهوه تبعكم لان كثير حاولت وبحس مو ضابطه معاي
    فـ قلت مالي غيرك لان شغلك تبارك الرحمن ثقه ويعتمد عليه😍❤

    • اهلا وسهلا فيكي ام كادي
      أبشري من عيوني
      القهوة العربية قصدك أظن

      بتحتاجي لتر ماء بتغليه في غلايه حجمها كبير اكبر من لتر لان القهوة بتفور.
      *بعد الغليان بتضيفي 8 ملاعق قهوة عربية اردنية هيك اسمها بتكون نفس القهوة التركية ولكن خشنة ومعها هيل.
      بتضيفيها وبتنتبهي من الفوران وبتوطي النار عالاخر وبتخليها تغلي عالهدا لمدة ربع ساعة وبالاخر بتضيفي ملعقة قهوة تركية عليها بتثقلها شوي وبس بتكون جاهزة . بتطفي الغاز وبتتركيها تتهدى من التفل دقيقتين بس وبتصبيها في دلة بتكوني حاطة في الدلة ملعقة هيل مدقوق مش مطحون. عشان نعزز نكهة القهوة.
      وتلذذي بأطيب قهوة عربية وبالهنا يارب.

    • يسعدلي قلبك وتبشري بـ الجنه يارب..

      ماشاءالله عليك وسسهله بأذن الله بـ اطبق طريقتك لها😍❤

      الله لايحرمك الصحه والعافيه ولايحرمنا منك ياكريم😘

اترك تعليقاً

لن يتم نشر عنوان بريدك الإلكتروني.