سمك التمبورا مع الصلصة الحارة

72 105٬602
 

سمك التمبورا مع الصلصة الحارة

سمك التمبورا مع الصلصة الحارة

سمك التمبورا مع الصلصة الحارة

سمك التمبورا مع الصلصة الحارة, معكم صديقة زاكي الشيف الموهوبة ,

المقادير

  • سمك السلطان ابراهيم صغير
  • روبيان صغير
  • مقادير خليط التمبورا:
  • كوب طحين ابيض
  • كوب وربع طحين الأرز ناعم جدا
  • نصف م.ص بيكينج باودر
  • م.ك بابريكا
  • م.ك ثوم بودرة
  • ملح
  • فلفل
  • ماء
  • مقادير الصلصة الحارة:
  • 4 ملاعق مايونيز
  • 2 م.ك كاتشب
  • 2 م.ك صلصة حارة

الخطوات

سمك التمبورا

السلام عليكم ورحمة الله وبركاته

سمك التمبورا هوه سمك بيتغلف بخليط التمبورا قبل القلي وهوه معروف بدول شرق آسيا ومنتشر بكثرة بيعطي طعم زاكي وقرمشة للسمك المقلي.

أولاً/ خليط التمبورا

بنخلط مكونات خليط التمبورا مع بعض واضافة طحين الارز اساسي فيها لانه بخلي لون السمك اشقر مش بني وبيعطي قرمشة رائعة مختلفة عن الطحين الابيض.

ثانياً/ تحضير السمك

استخدمت الروبيان وسمك السلطان ابراهيم حجم صغير نظفته مضبوط وتبلته بتتبيلة السمك يلي نزلتها المرة الماضيه موجودة بملفي.

—لازم ما يطول السمك بالتتبيلة ما بيتحمل الاحماض اللي فيها وبينهرى منك.

ثالثاً/ القلي

بنكون مجهزين طبقين واحد طحين وملح وواحد خليط التمبورا وبنصير نغبر حبات الروبيان بالطحين ونلتّها بالتمبورا وعالزيت الساخن فورا وما نكثر بالقلاية خلي السمك مرتاح.

ونفس الشي للسلطان ابراهيم بس بياخد وقت اطول شوي من الروبيان.

ملاااحظة مهمة جدا/

لازم مدة القلي للروبيان ما تطول دقيقتين ثلاث بس ياخد لون من برا خلص بتطلعيه لانه اذا طول عالنار بشدّ وبصير مثل المطاط ما بيتاكل.

رابعاً/ التقديم

يقدم ساخن طبعا مع السلطات والشوربة والصلصة الحارة يلي مكتوبة بالصور طريقتها وهيه من الذ ما يقدم مع السمك.

ملاحظة

* نفس الصلصة الحارة هاي بنعمل منها الديناميت شرمب والدينامين تشكن. بس بينخلط معها الروبيان مش جنبها بكون والدجاج نفس الشي قطع مكعبات مخلوطة بالصلصة.

—بتمنى تكون الوصفة عجبتكم وتجربوها وصحة وهنا

عرض التعليقات (72)