img
الرئيسة / كيكات / كيكة إسفنجية (جاتو) بطريقة سهلة جداً

كيكة إسفنجية (جاتو) بطريقة سهلة جداً

/
/
/
3201 مشاهدات

 

كيكة إسفنجية (جاتو) بطريقة سهلة جداً

كيكة إسفنجية(جاتو) بطريقة سهلة جداً

كيكة إسفنجية (جاتو) بطريقة سهلة جداً

كيكة إسفنجية (جاتو) بطريقة سهلة جداً , معكم صديقة زاكي الشيف الموهوبة ,

المقادير

  • كوبين إلا ربع طحين
  • ربع كوب كاكاو خام
  • عشر حبات بيض بحرارة الغرفة
  • كاسة سكر مطحون
  • ملعقة صغيرة بيكنغ باودر
  • ملعقتين كبار ڤانيلا باودر
  • عصير ليمونه
  • برش ليمونه
  • ملعقة خل ابيض
  • رشة ملح صغيرة

الخطوات

السلام عليكم ورحمة الله وبركاته

الكيكة الاسفنجية أو الجاتو بطريقة سهلة جداً وماتخافوا من كمية البيض بإذن الله مارح يطلع طعمة زناخة وعملتها وكنت حاطة احتمال 99% انه مارح اقدر اذوقها عشان كمية البيض ومع ذلك حبيت أغامر و اجربها وطلعت روووعة مثل جاتو المحلات بالزبط بتمنى تجربوها وبإذن الله رح تعجبكم.

انا عملتها هون بالكاكاو واذا بدكم تعملوها بنكهة ڤانيلا استبدلو كمية الكاكاو بكمية طحين .

بسم الله نبدأ ….

أولاً:

نضع البيض وكاسة السكر المطحون ورشة ملح بوعاء كبير او خفاقة الكيك ونبدأ بالخفق على سرعة متوسطة مدة 3 دقائق وبعدها نزيد لأعلى سرعة حتى يصير قوام البيض مثل قوام الكريمة ورح يتضاعف حجمه كثير مدة الخفق مش أقل من ربع ساعه وممكن اكثر حسب سرعة الخفاقة وحجمها.

ثانياً:

نخلط كل من الطحين والكاكاو والبيكنغ باودر والڤانيلا وننخل الخليط اقل شي ثلاث مرات.

ثالثاً:

نضيف الطحين المنخول على مارينج البيض على ثلاث دفعات ويكون الخلط من الأسفل للأعلى وبكل لطف مابدنا الهوا يطلع من الخليط وبس يختفي الطحين بنرجع نضيف ونخلط حتى انتهاء الكمية

بعدها بنضيف برش الليمون وعصير الليمون وملعقة الخل كمان بكل لطف وعلى دفعتين والخلط يكون من اسفل الى اعلى ضروري جداً نلتزم بطريقة الخلط .

رابعاً:

نحمي الفرن على حرارة 180 ونغلف القالب بالزيت والطحين المخلوط بالكاكاو ونضع الخليط بالقالب ونقوم بتفريغ فقاعات الهواء عن طريق ضرب القالب بالارض بشكل خفيف مقدار ضربتين وبعدها عالرف الوسط بالفرن وبعد مرور عشر دقائق نوطي للحرارة ل 160 درجة ونتركها مدة ربع ساعة يعني مجموع الوقت تقريبا مابين 20 دقيقة ل 25 دقيقة بعدها اختبري استواءها بغرز سكين بوسط الكيكة اذا طلعت معك نضيفة بتكون استوت بطفي الفرن وبتركها مدة 5 دقائق بالفرن وبعدها بطلعها ونضعها على شبك حتى تبرد تماماً .

خامساً:

بعد ماتبرد الكيكة نقسمها ونبدأ بحشوها وتزيينها بالكريمة المخفوقة او الشكولاته او كريمة الزبدة حسب مابتحبو وصحة وألف عافية عالجميع بتمنى تجربوها وتعطوني رأيكم بكل صراحة مع تحياتي لكم جميعاً أختكم

أم جيلان

105 تعليقاً

    • الله يعافيكي اختي ربداوية
      هيك اغلب وصفات الجاتو بتعتمد عالبيض وعلى فكرة هاي الوصفة مافيها بيكنغ باودر بس بيض وطحين وسكر بس انا زدت البيكنغ من عندي والحمد لله اعطاني نتيجة مرضية
      🙂

  1. ربي يباركلك ويسلم ايديكي ياقلبي
    كل شي بتعمليه مرتب وبشهي 😍
    انا بعشق الكيك بكل أنواعو وأشكالو وحالياً مشتهية مد ايدي واسحب قطعة من الشاشة هههههه
    الله يهني اهل بيتك فيكي ويهنينا نحنا كمان وماننحرم من وصفاتك الحلوة😘😄

    • اختي وعد بالنسبة لكمية البيض كثيرة على الكيكة العادية بينما الكيكة الاسفنجية ابدا مو كثيرة لأنها اعتمادها على كمية البيض وطريقة ونجاح الخفق وهاي الكيكة اصلا بتكون ناشفة وحلاوتها خفيفة جدا يعني مابزبط نوكلها لحالها بدون كريمة مخفوقة او كريمة زبدة اوشكولاته ضروري جدا التزيين او الحشو لأنها مابتكون كيكة متكاملة الا اذا كانت مزينة ومحشية اذا كانت طبقات وشكراً على مرورك 🙂

  2. بعمل اول شي بتحطي السكر كوبين وزيت قلي كوب .وبخفق بعدين ٣معالق فانيلا .بخلط بحط كوبين حليب سائل بحميهن ع العاز وبحط ببضه بيضه وبخلطب بصير و٤ كواب طحين و٣ معالق بكنج باودر وبتنخليهن مع طحين وبتخلطي وبتحطيه ومعلقه خل ورشه ملح شووي بطلع كيك بجنننننن ومن الاخر

  3. يسلم ايديكي حبيبتي ام جيلان ماشاءالله طالعة بتشهي من تحت دياتك ياقلبي😍
    اللهم بارك 😘
    حبيبتي وعد مو كتير البيض لانو هاد كيك اسفنجي وهو بكون معتمد عالبيض وع خفقو منيح
    بصراحة انا ولا مرة جربتو ولاغامرت انا اكتر شي بحط تلات بيضات😁

    • وايديكي حبيبتي هبوش ويجزيكي الخير مزبوط،كلامك هاي الكيكة بتختلف عن الكيك العادي
      ،،،وانا كنت مثلك اكثر من 3 بيضات مااحط بالكيكة بس حبيت اجرب واغامر والحمد لله قدرت اقتنع بالكيك الاسفنجي البيتي 👍

  4. ﴿وَقُل رَّبِّ أَدْخِلْنِي مُدْخَلَ صِدْقٍ
    ‏وَأَخْرِجْنِي مُخْرَجَ صِدْقٍ﴾

    ‏وهذه الدعوة من ..
    ‏أنفع ⁧‫الدعاء‬⁩ للعبد
    ‏فإنه.. لا يزال..
    ‏داخلا في أمر
    ‏وخارجا من أمر
    ‏فمتى كان دخوله لله.. وبالله
    ‏وخروجه كذلك
    ‏كان.. قد..
    ‏أدخل مدخل صدق
    ‏وأخرج مخرج صدق.

    ‏⁧‫📝 ابن القيم‬⁩ رحمه الله

  5. قال الشيخ ابن عثيمين رحمه الله: إنكم في هذه الأيام تودعون عاما ماضيا شهيدا وتستقبلون عاما مقبلا جديدا، فيا ليت شعري ماذا أودعتم في عامكم الماضي! وماذا تستقبلون به العام الجديد! فليحاسب العاقل نفسه، ولينظر في أمره فإن كان فرط في شيء من الواجبات فليتب إلى الله وليتدارك ما فات، وإن كان ممن من الله عليه بالقيام بأمره فليحمد الله على ذلك وليسأله الثبات عليه إلى الممات.
    (الضياء اللامع/ ج5 / ص454).

  6. لشو يعني حبيبتي ما عجبتك بلا هالتعليق إلي مو حلو لا حول ولا قوه إلا بالله أصلا أنا مأخده دوره للكيك وأسسياته أساس الكيك الإسفنجي البيض 🙂
    لا تزعلي إم جوجو ولا يهمك الكيكه روووووعه وأروووع من الروعه كمان 😉😙🌹❤

  7. بسم الله ما شاء الله
    ربي يعطيك الصحة والعافية ويبارك بجهودك يا غالية
    الكيكة رائعة وشهية وفاخرة .. اللهم بارك
    وصحتين وعافية على قلوبكم💖

  8. السلام عليكم
    شكراً ادمن تمار لأنك حذفتي التعليق مع اني ماشفته والله
    وشكراً للصبايا اللي كلهم ذوق واخلاقهم عالية …وشكراً للأخت اللي اساءت الي او للوصفة بتعليقها انا بالنسبة إلي مسامحك حتى لو غلطتي فيي شخصياً بس بدي انصحك لوجه الله تعالى الان بتعليقك شو استفدتي ،،،،،ممكن ماتعجبك هالوصفة وتنتقديها معلش هالشي وارد لأنه الناس اذواق بس تذكري دائماً قبل ماتحكي كلام في إساءة لشخص انه هالكلام مسجل بصفحتك يمكن انا سامحتك لكن غيري ممكن مايسامحك وممكن كمان يدعي عليكي وكل مابدك تكتبي حرف تذكري كلام الله عز وجل “مَّا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ”
    وتذكري انه اللي بتنتقديه هاذ نعمة الله (ما عاب رسول الله – صلى الله عليه وسلم – طعامًا قط، إن اشتهاه أكله ،وإن كرِهه تركه)
    يعني اذا اسأتي الي شخصيا والا لنعمة ربنا بتكوني كسبتي إثم وانا حكيتلك بالنسبة إلي سامحتك لوجه الله مهما كانت اساءتك وتحياتي إلك 🙂

  9. يا عيني يا عيني عليكي يا ام جيلااااان ربي يباركلك والله شكلهاااا تحححفة وبفتح النفس ربي يباركلك والف صحححتيين والف عافية على قلبكم حبيبتي

  10. انا مو فاهمة شوفي شو صاير؟؟
    بكل الأحوال وصفات أم جيلان من أجمل الوصفات اللي كلنا منحبها ومننتظرها والإنسان العاقل مابيحكم على شي قبل التجربة خاصة اذا اللي عم تقدملنا الوصفة صادقة معنا
    فاللي ماعجبها تكتفي برأيها لنفسها..

    • ربي يسعدك نوارتنا ونوارة زاكي انتي انسانة رائعة واخلاقك عالية اللهم بارك … سبحان الله صاحبة اي تعليق سلبي بالذات اذا كان كلماتها غير مقبولة هي اولاً وآخراً بتسيء لنفسها ومااستفادت الا انه انكتب بصحيفتها وانه الناس اخذت فكرة مو منيحة عنها وانه نعمللها حظر بسبب تبليغات الصبايا
      بارك الله فيكِ على كلامك بحقي وان شاالله اكون بستاهل هالكلام الحلو ومن شيف واخت رائعة مثلك 🙂🌹

    • ربي يكرمك ويجزيكي كل خير على كلامك حبيبة قلبي انتي بتستاهلي اكتر من هيك واللي حكيتو كلمة حق واجبي قولها😘
      والله يديم المحبة والمعروف بيناتنا ومايحرمنا هالصحبة الحلوة💞

اترك تعليقاً

لن يتم نشر عنوان بريدك الإلكتروني.