img
الرئيسة / منوعات / بديل زبدة الكاكاو المنزلي سلسلة وصفات الجمال 8 ملكة الإبداع

بديل زبدة الكاكاو المنزلي سلسلة وصفات الجمال 8 ملكة الإبداع

/
/
/
2058 مشاهدات

 

بديل زبدة الكاكاو المنزلي سلسلة وصفات الجمال 8 ملكة الإبداع

بديل زبدة الكاكاو المنزلي سلسلة وصفات الجمال 8 ملكة الإبداع

بديل زبدة الكاكاو المنزلي سلسلة وصفات الجمال 8 ملكة الإبداع

بديل زبدة الكاكاو المنزلي سلسلة وصفات الجمال 8 ملكة الإبداع, معكم صديقة زاكي الشيف الموهوبة ,

المقادير

  • 5 ملاعق من شمع العسل المبشور (موجود عند العطار)
  • 10 ملاعق زيت جوز الهند
  • ملعقتين من زبدة الشيا(موجودة عند العطار)
  • زيت نعنع (اختياري)
  • زيت ياسمين (اختياري)
  • ملعقة من منقوع الكاركديه (اختياري)

الخطوات

السلام عليكم ورحمة الله وبركاته

طريقة صنع بديل زبدة الكاكاو بمكونات اقل تكلفة وبطريقة سهلة وفوائد متقاربة جداً لأنه معروف عن زبدة الكاكاو انها غالية واي مستحضر تجميلي بحتوي عليها بكون غالي وهالبديل رائع جداً وممكن تستخدميه بديل للڤازلين كمان بعطي نتائج رائعة بإذن الله.

بسم الله نبدأ…..

نضع شمع العسل بحمام مائي ونضيف زبدة الشيا وزيت جوز الهند ونترك الخليط يذوب ويتجانس

وبس يذوب تماماً فرغت نصه بحافظة صغيرة وقبل ما يجمد ضفت ملعقة زيت الياسمين عشان يعطينا رائحة مميزة

القسم الثاني رجعته عالحمام المائي وضفت عليه ملعقة منقوع الكاركديه عشان يعطيني لون وردي جميل لأنه بدي استخدمه لترطيب الشفاه واذا ماعندك كركديه بس يبلش يجمد بتضيفي ذرات بسيطة من ملون غذائي احمر واخلطي بطرف عود شواء حتى يمتزج اللون مع الزبدة ويصير لونها وردي

اتركي الزبدة بالحافظة مكشوفه حتى تجمد وتبرد وغطيها واحتفظي فيها للإستخدام بتمنى هالوصفة تعجبكم وتجربوها مع تحياتي أم جيلان

71 تعليقاً

  1. الله يسلم ايديكي كنت بحاجه الها بدي اعمل خلطه وزبده الكاكاو المكون الاساسي انشالله تعطيني النتيجه المرجوه ……نوعيه الزيوت الي بتستخدميها روووووووعه انا كمان بجيب من هاي الماركه ……سلمت يمينك ودمتي بحفظ الله ورعايته …..

  2. ماشاء الله عليك يا أم جيلان.. وصفتك متعوب عليها وشكلها مطبقة بكل دقة وأمانة.. دائماً بتوصليلنا الوصفة بحذر وضمير.. يسلموا إيديك حبيبتي على هالإبداع المميز ❤️💖❤️

  3. ما شاء الله عنك ام جيلان الله يزيدك من نعيمو انتي عباره واحه للتجميل ما شاء الله عنك
    سؤال لولبي انتي دارسه تجميل او مابعرف شو بيحكولو خبير كريمات والسوالف هي

    • امين يارب جورية زاكي تسلمي يارب
      …لا والله مادرست تجميل ولا هي خبرة بمعنى الخبرة تجارب بطبقها وبستفيد منها (انا مابحب الكريمات المصنعة ابداً ومابستخدمها بالذات كريمات بشرة الوجه لأنه بشرتي حساسة وصعب تلاقي شي يناسبها وغالبا الكريمات المصنعه بكون الها تأثير عالمدى البعيد )
      من هون بلشت واستفدت ولله الحمد من هالوصفات وان شاالله كمان انتو تستفيدو يااااا رب 😊

  4. ما شاء الله عليكي أم جوجووو الله يباركلك فعلااا انك مبدعة ووصفتك ولا ارووووع ربي يديم نعمو عليكي ويزيد من فضلو عليكي ويعطيكي كل خير بتتمني يارب

  5. ‏(الَّذينَ هُمْ في صَلاتِهمْ خَاشِعُون)
    ‏الخشوع في الصلاة إنما يحصل لمن فرّغ قلبه لها، واشتغل بها عمَّا عداها، وآثرها على غيرها، ‏وحينئذ تكون راحة له وقرَّة عين له.
    ‏[ابن كثير]

  6. قال الإمام الطرطوشي -رحمه اللَّه-:

    ‏اعلموا أن الخلق الحسن أفضل مناقب
    ‏العبد ، وبه تظهر جواهر الرجال
    ‏والإنسان مستور بخلقه .

    ‏انظر : سراج الملوك (صـ ١٤٦)

  7. السلام عليكم مشكورات خواتي عالتشجيع والدعوات ربي يجزيكم الخير يارب جميعا،،، بالنسبة لهاي الخلطة ممتازة للي بتعاني من اكزيما اليدين وممكن تستبدل زيت الياسمين بزيت الخزامى(اللافندر) لأنه من الزيوت الممتازة لعلاج وتخفيف اعراض الاكزيما

    وممكن استخدامها لأكزيما الحفاظات للأطفال(السماط) بتضيفي ملعقة نشا مع ملعقة من بديل الزبدة واخلطي وادهني المكان وان شاالله بتشوفو نتائجها المفيدة وربنا يشفي الجميع ❤❤❤❤❤❤❤

    • تسلمي يارب ،،،لا والله مانسيتك وان شاالله ربنا يكتبلك الشفاء التام ،،، الخلطة هاي صدقا انا ماجربتها للأكزيما بس فوائد مكوناتها للأكزيما لاتعد ولاتحصى انا قرأت كثير عنهم ان كان شمع العسل والا زبدة الشيا والا زيت جوز الهند كلهم من العلاجات الفعاله للأكزيما بالاضافة لزيت الخزامى
      ان شاالله انها تفيدك وترتاحي عليها ويعجلك بالشفاء ياااااارب

  8. ✍▪ قـال الشيـخ العلاّمـة /
    محمـد بن صالـح العثيميـن
         – رحمــه الله تعالــى –

    🔘فمهما طلبت من الأطباء
    ان يزولَ عنك ما في قلبك؛💔

    فلن تجد مثل القرآن، لكن لمن؟

    الجواب :للذين آمنوا..كما قال تعالى:

    {قل هُوَ لِلَّذِين ءَامنُوا هُدًى وَشِفَاء }

    📚شرح الكافية الشافية في الانتصار للفرق الناجية ص١٩٨

    اللهم اجعل القرآن ربيع قلوبنا..

  9. معالي الشيخ د. صالح الفوزان:

    ‏كفى شرفا لتالي القرآن وقارئ القرآن أن الله يستمع إليه حال قراءته
    ‏يستمع ربك إليك حال قراءتك فجمّل صوتك بالقرآن وتدبر القرآن

  10. ما شاء الله تبارك الله عنجد وصفات بتجنن والله حترت شو اعمل ولا شو كلها خلطات ووصفات مفيدة وراااائعة بحكي لجوزي بدي الزيوت والأشياء هاي كاتبهم بورقة بحكيلي والله هاد بدك راتب للزيوت لحالو 😂😂😂😂😂😂😂😂😂😂😂😂😂 بس والله بستاهلو 😁😁💖💖💖💖

    • الله يسعدك ام حسن
      😂😂😂😂
      ضحكتيني والله فعلا بدهن راتب بس صدقي الزيوت بتشتريها مرة وبتستخدميها لفترة طويلة مع انه علبة الزيت صغيرة سبحان الله بس بتقدري تعملي منها كذا شغلة وان شاالله بتستفيدي من هالشغلات وهاذ هو المهم 😊😘

  11. تجاوزتي حدود الإبداع يا احلى ام جيلان😍
    شغلك متقن واحترافي ورائع الله يباركلك
    من قلبي بتمنالك كل التوفيق بهالمسابقة لانك أتحفتينا بوصفاتك الحلوة
    جزاك الله عنا خير الجزاء😄😙

    • يعافي قلبك يارب
      للمسامات ممكن تستخدمي مكعبات الثلج يومياً وممكن بدل المي تحطي ماء ورد او شاي أخضر بقوالب الثلج واستخديمهن
      بدك كمان تحافظي على نظافة بشرتك يوميا غسول مناسب قبل النوم
      تقشير بالاسبوع مرتين عالاقل
      ماسك بياض البيض والليمون كمان ممتاز لغلق المسام الواسع
      وتنظيف المكياج كمان ضروري
      واستخدام كريم مرطب خالي من الزيوت اذا كانت بشرتك دهنية
      يعني بدك عناية يومية للبشرة وبشكل منتظم وان شاالله توصلي لنتيجة مرضية بإذن الله

اترك تعليقاً

لن يتم نشر عنوان بريدك الإلكتروني.