img
الرئيسة / كيكات / كب كيك بالشوكولاته أروع من هيك ما في بجد تحفه

كب كيك بالشوكولاته أروع من هيك ما في بجد تحفه

/
/
/
2062 مشاهدات

 

كب كيك بالشوكولاته أروع من هيك ما في بجد تحفه

كب كيك بالشوكولاته أروع من هيك ما في بجد تححححفه

كب كيك بالشوكولاته أروع من هيك ما في بجد تحفه

كب كيك بالشوكولاته أروع من هيك ما في بجد تحفه , معكم صديقة زاكي الشيف الموهوبة ,

المقادير

  • ٤ بيضات بدرجه حراره المطبخ
  • معلقه كبيره فانيلا
  • معلقه صغيره خل
  • كوب زيت نباتي
  • كوب ونصف سكر حبيبات
  • نصف كوب حليب سائل دافئ
  • نصف كوب لبن زبادي
  • المكونات الجافه:
  • كوبين طحين أبيض
  • نصف كوب كاكاو بودره
  • ٣ ملاعق صغيره بكينج بودر
  • ربع معلقه صغيره كربونه
  • رشه ملح
  • زينه حسب الرغبه

الخطوات

بسم الله نبدأ

بالبدايه بسخن الفرن على درجه حراره ١٨٠°

في وعاء بخفق البيض مع الفانيلا والخل لما ينفش ويصير لونه على بياض بضيف السكر وبخفق كويس بعدها بضيف الزيت وبخفق ليتجانس الخليط كويس بضيف الحليب واللبن وبخفقهم ليتجانسو بنتركهم على جنب

حطيت كل المكونات الجافه مع بعض نخلتهم وضفت نصهم على الخليط السائل حركت بخفه لما إمتزج ضفت الباقي خلطتهم كويس …

رصيت ورق الكب بصينيه وعبيت كل كاسه لأكتر من النص بشويه خلصت الكميه وحطيتهم بالفرن بختبر السوا بنكاشه إسنان ما بيأخدو وقت من ٣٠ ل ٣٥ دقيقه إن شاء الله بكونو إستوا

بتركهم ليبردو وبحفظهم بعلبه مسكره علشان يتمو طريين

فيكي تزينهم بأي صوص أو تزينهم بالكريما بجد جربو هالطريقه كتيررر ناجحه وخفيفه

بتمنا هالوصفه البسيطه تعجبكم وتدعولي بالخير والعافيه

♡وصحه وعافيه بحبكم أنا ♡

57 تعليقاً

  1. بجننو أم مصطفى كتير حلوين والكاسات يا الله محلاهم ..
    والله من المقادير وانتي بتقرئي فيهم بتعرفي انه الكميات متوافقة وأنها كيكة ناجحة .. سبحان الله
    احسنتي أم مصطفى يسلمو ايديكي اللهم بارك 💗💗💗

  2. يسعد مساكي كيفك …..شفت تعليقك ….انا بخير والحمد لله بس شوية ظروف وضغوطات عليه في الوقت الحالي مافي وقت اشوف زاكي وشغلاتكم الحلوه ….بتمنى من الجميع يعذرني وانشاء الله الغايبات ربي يردهم بسلامة …نور النواره ربي يشافيها ويردها سالمه …ام عبدالله فارس ربي يهونها عليها …حبيبتنا ام جاسم ربي يوفقك ويعلي مراتبك دنيا وآخرة ….خالتو ام علاء الحكيمه ضلي بخير يارب …ريحانه العود ربي يكرمك …صفاء الروح كيفك…ام علي النواره ….ام محمد الغاليه ..ام جيلان الانيقه المرتبه …ورده الجبل هلا ومية غلا برجعتك …ام عبود كمان اهلين وسهلين …..حفظكم ربي ورعاكم وزادكم خير وبركه ….دعواتكم لاختكم ام البنات ربي لا يحرمني اجر الصابرين ويجعل عملي خالصا لوجهه الكريم ويدفع ربي عنا البلاء وشماتت الأعداء ….يارب يالله…

  3. ختامها مسك 😍
    ابدااااع ولذاذة مابعدها لذاذة
    الله يسامحني شو مروحة عحالي أطايب أنا😂
    رائعة ومتألقة على طول بوصفاتك المميزة ياوردتي الرقيقة😘
    ربي يباركلك ويسلم ايديكي ويعطيكي ليرضيكي😍
    سامحيني عالتأخير بشوفة الوصفات انتي وكل أخواتي بزاكي❤

  4. يا عيني يا ام مصطفى بجننو كتير شكلهم كيوت وحلوين ربي يسلم هالايدين حبي ربي يسعدك ويجبر خاطرك ويرزقك يا رب 💞💞💞💞😙😙😙😙😙💗💗💗💗

اترك تعليقاً

لن يتم نشر عنوان بريدك الإلكتروني.