زيتون

هالمنشور فقط للضحك فقط
بلش موسم الخير وكل عام وانتو بخير

خلينا نضحك اشوي وننسا هم الزيتون ونحكي عن أنواع الكناين في الزيتون

خلي روحك رياضيه وخذو الموضوع ترفيه وبدون قصف ونفسيات واحكي لسلفاتك تعالو نشوف ونضحك

الكنه المشقيه ( اللي بتشتغل كثير وبتتعب)

كل الشغل طالع من راسها تلقيط و طبخ ونفخ وتجهيز كله عليها وآخر شي لا حمدا ولا شكرا وبتوخذ مثلها مثل غيرها وعادتا بتكون ثم بلا لسان و محكومه للزوج وبيت الحما

الكنه الكهينه ( القويه)

هاي بتنزل آخر النهار حامله و محمله وبتبلش تدهن يعطيكم العافيه يا عمي الله يطول عمرك ويعطيك الصحه

حقك عليه يا عمتي والله دراسة الاولاد و الصغير اخذو وقتي والله لو عليه احب ع قلبي اجي من الصبح و أوقف معكم يلا يا جماعه اتفضلو اتفضلو جبتلكم كولا اتبلو ريقكم ( هاي ينطبق عليها المثل ام لسان غلبت ام أفعال)

الكنه القارحه ام عين بارحه هاي ما بتنزل الا في أيام العطل وغالبا حجتها معها يا ابنها مريض يا منكد بتلم الرصيع و بتأمن مونتها و بتروح وماشيه ع مثل يا ابني الله يخليك بتعييط و بتحجج فيك

الكنه المغتربه مرت الحبيب الغالي اللي بوصلها كل شي ع الجاهز المستريح وطول نهارها الحماة اتعييط وتتحسر عليها و ع زوجها يا كشيلي يماااا بحب الزيتون الأسود يا حبيبيني يا ستي مشتهيين الزيتون الأخضر

يا كشيل قلبي يمااا بشتهو نقطة الزيت

العروس الجديده أو المخلفه جديد أو الحامل قااااال بخلوها في البيت مع الصغار ع اساس هذا يعني دلال و راحه إلها هاي المسكينه بتتحمل ألف جميله انها ما بتنزل مع العلم والله الزيتون و تعبه ارحم الف مره من شغل البيت و الطبخ و دوشة الصغار

إذا عجبكم التصنيف كل وحده اتجهز قنينة زيت و زيتون لأنه ما عنا